„გუშინ განვითარებულმა ძლიერმა შტორმმა და უამინდობამ მნიშვნელოვანი ზიანი მიაყენა ბათუმის და ქობულეთის სანაპიროებს, ბულვარს. მინდა ვთხოვო და დავავალო ყველა უწყებას, ყველა სამსახურს, მაქსიმალურად დროულად მოხდეს გაწმენდითი სამუშაოების შესრულება და დროულად დასრულდეს ყველა სალიკვიდაციო სამუშაო.ასევე, მუნიციპალიტეტის შესაბამისმა მუდმივმოქმედმა კომისიებმა დროულად მოახდინონ ზარალის შესწავლა. ჩვენ მაქსიმალურად უნდა დავუჭიროთ მხარი და დახმარება აღმოვუჩინოთ ყველა კერძო პირს თუ მეწარმეს, რომელიც დაზიანდა აღნიშნული მოვლენებით“ - აღნიშნა თორნიკე რიჟვაძემ.გუშინ უხვი ნალექისა და ზღვაზე შტორმის შედეგად ბათუმის ბულვარის რამდენიმე მონაკვეთი და ქობულეთის სანაპირო ზოლი დაზიანდა. უწყვეტ რეჟიმში მიმდინარეობდა სტიქიის სალიკვიდაციო სამუშაოები. დღემდე მობილიზებულია მერიის საგანგებო სიტუაციების შესაბამისი სამსახურები. ინფრასტრუქტურის აღდგენა გამოდარებისთანავე მოხდება.

1701164025

  „კემპი თიბისისთვის და თიბისი კაპიტალისთვის ისეთ პრიორიტეტულ მიმართულებებს აერთიანებს, როგორებიცაა ახალი თაობა და განათლება. პროგრამის გამარჯვებულები, ახალი ხედვითა და თანამედროვე მიდგომებით, ბაზარზე კონკურენტუნარიანი კადრები არიან. მიხარია, რომ მათი პირველი ნაბიჯებისა და წარმატების მხარდამჭერები სწორედ ჩვენ ვართ. პროგრამის წინა 4 ნაკადის არაერთი გამარჯვებული, ჩვენი გუნდის წევრები არიან და საერთაშორისო ფინანსური ბაზრების, ფასიანი ქაღალდებისა და კვლევების მიმართულებით, წარმატებით მუშაობენ", - მერი ჩაჩანიძე, თიბისი კაპიტალის მმართველი დირექტორი.

1701156780

„გიორგი ბაქრაძე, როგორც მნიშვნელოვანი გამოცდილების მქონე ეკონომისტი მაკროეკონომიკურ და კვლევით საკითხებში, ღირებულ შეხედულებებს გაუზიარებს და კონსულტაციას გაუწევს საბჭოს წევრებს, ადგილობრივ თუ საერთაშორისო ბაზრებზე არსებული ეკონომიკური ტენდენციებისა და პროგნოზების შესახებ. იგი ხელს შეუწყობს თანამშრომელთა კომპეტენციის კიდევ უფრო მეტად გაძლიერებას." - აცხადებენ ბანკში.

1701092291

USAID-ის გრანტის, სს „საქართველოს რკინიგზის”, შპს „მარაბდა-კარწახის რკინიგზისა” და  საქართველოს განათლებისა და მეცნიერების სამინისტროს მხარდაჭერით, ჰიბრიდული ცენტრები სამტრედიასა და თეთრიწყაროში გაიხსნება.სტუდენტები სარკინიგზო პროფესიებს საქართველოს სხვადასხვა რეგიონში დაეუფლებიან. სასწავლო ფართები კოლეჯს საქართველოს რკინიგზამ გამოუყო. აღსანიშნავია, რომ სარკინიგზო ტრანსპორტის კოლეჯში სტუდენტები სხვადასხვა რკინიგზულ პროფესიებს სწავლობენ, წარმატების შემთხვევაში კი კომპანიაში დასაქმების პერსპექტივა აქვთ.საქართველოს რკინიგზა უკვე წლებია აქტიურად უჭერს მხარს ქვეყანაში პროფესიული განათლების განვითარებას.

1701079772

Ads მენეჯერი საქართველოს ბანკის ახალი პლატფორმაა, რომელიც ბიზნესს შესაძლებლობას აძლევს შექმნას ეფექტური შეთავაზებები სამიზნე აუდიტორიისთვის, მათი მოთხოვნების შესაბამისად. Black Friday - ს კამპანიის დაგეგმვისას ბიზნესებს სრულიად უფასოდ შეუძლიათ განათავსონ შეთავაზება 1 300 000 - ზე მეტი მომხმარებლებისთვის, რომლებიც შეიძლება იყვნენ სტუდენტური ბარათის, Solo sCool, Plus, Amex ბარათის მომხმარებლები. ბიზნესის მიერ შექმნილი სპეციალური შეთავაზებები საქართველოს ბანკის  სხვადასხვა არხში : მობილბანკში, sCoolApp-სა და Offers.bog.ge-ზე გამოუჩნდება მხოლოდ იმ მომხმარებლებს, რომლებიც დაინტერესებული არიან მსგავსი ტიპის პროდუქტებით.„Black Friday - ს ყველა მოუთმენლად ელის და ეს პერიოდი ბიზნესებისთვის განსაკუთრებით დატვირთულია, მომხმარებელი ძალიან ბევრ SMS შეტყობინებასა თუ შეთავაზებას იღებს და ინტერესის მიუხედავად, რთულია  გამოარჩიოს კონკრეტული პროდუქტი თუ სერვისი, რაც ბიზნესისთვის ერთგვარი გამოწვევაა. საქართველოს ბანკის Ads მენეჯერი,მომხმარებლების ზუსტი ანალიტის მეშვეობით, ბიზნესებს შესაძლებლობას აძლევს, დაგეგმონ კამპანიები, განსაზღვრონ სამიზნე აუდიტორია, რეალურ დროში დააკვირდნენ დინამიკას და საბოლოო შედეგების ანგარიში იხილონ. ეს ერთის მხრივ მომხმარებლებს აძლევს საშუალებას გაეცნონ მათზე მორგებულ შეთავაზებებს, მეორე მხრივ კი ბიზნეს ეხმარება განვითარებასა და გაზრდაში“. - განაცხადა საქართველოს ბანკის ციფრული საბანკო ეკო სისტემის სამსახურის უფროსმა, გიორგი კინწურაშვილმა.ნუ დაკარგავ დროს, დაიწყე საქართველოს ბანკის Ads მენეჯერის გამოყენება ახლავე და შექმენი შენი ბიზნესის Black Friday შეთავაზება.

1700821680

რეგიონში მცხოვრები ბავშვებისთვის შექმნილი სივრცე, რომელიც მოსწავლეების აძლევს წვდომას მრავალფეროვან ბიბლიოთეკაზე, შემეცნებისთვის საჭირო თანამედროვე ინსტრუმენტებსა და საბაზისო STEM განათლების მისაღებად აუცილებელ რესურსებზე.საქართველოს ბანკის იდეათეკის მთავარი მისია ბანკის მთავარ ღირებულებას ეფუძნება - შექმნას განათლების შესაძლებლობა ახალგაზრდებისთვის, ხელი შეუწყოს მათ გამოავლინონ და აითვისონ საკუთარი პოტენციალი.„საქართველოს ბანკში ჩვენ გვჯერა ახალგაზრდების, მათი შესაძლებლობების და იმის, რომ განათლება ქმნის უკეთეს მომავალს. სწორედ ამიტომ, მიზნად დავისახეთ, მივცეთ სკოლის მოსწავლეებს წვდომა შემეცნებით რესურსებზე, რომელიც დაეხმარება მათ, სამყაროს უკეთ შეცნობაში, მომავლის პროფესიებისადმი ინტერესის გაღრმავებასა და კითხვის შეყვარებაში. სწორედ ასე დაიბადა საქართველოს ბანკის იდეათეკების შექმნის იდეა - სივრცის, რომელიც გარკვეულ როლს ითამაშებს ბავშვების უკეთესი მომავლის განხორციელების პროცესში“, - აღნიშნავს ანა ლომთაძე, საქართველოს ბანკის CSR მიმართულების ხელმძღვანელი.2019 წელს საქართველოს ბანკის ინიციატივით და პარტნიორების ხელშეწყობით პირველი იდეათეკა შეიქმნა. ახლახანს კი ბანკმა რიგით მეოცე იდეათეკა ქალაქ ბოლნისის N5 საჯარო სკოლაში გახსნა.დღეს მულტიფუნქციური საგანმანათლებლო სივრცე საქართველოს 8 რეგიონის 20 სკოლაში ფუნქციონირებს, რომელიც 10 000-ზე მეტი მოსწავლისთვის ქმნის განათლების შესაძლებლობას.თავდაპირველად, იდეათეკების მიზანს საზღვრისპირა, ეთნიკური უმცირესობებით დასახლებულ და მაღალმთიან რეგიონში მცხოვრები ახალგაზრდებისთვის განათლების მისაღებად საჭირო რესურსებზე ხელმისაწვდომობის ზრდა წარმოადგენდა. ასე გაიხსნა 10-მდე იდეათეკა. თუმცა, ბავშვებისგან მიღებული უკუკავშირის შედეგად, საქართველოს ბანკის გუნდის მისია კიდევ უფრო მეტად გაიზარდა.შედეგად, ბანკის მიზანი ახლა საქართველოს რაც შეიძლება მეტი რეგიონის, მეტი სკოლის მოცვაა. საქართველოს ბანკის იდეათეკები უკვე ფუნქციონირებს ხურვალეთის, დიცის, ფოთის, პანკისის, ზემო ნიქოზის, ახალქალაქის, ოზურგეთის, ამბროლაურის, ჯვრის, ჩოხატაურის, ნაბეღლავის, ერისიმედის, ლამბალოს, უდაბნოს, საბათლოს, თბილისის, მუხრანის, ზუგდიდის, შინდისის და ბოლნისის სკოლებში.წლის ბოლომდე მათ რიცხვს  კი კიდევ რამდენიმე იდეათეკა შეემატება.„საქართველოს ბანკში კარგად გვესმის განათლების მნიშვნელობა და მისი როლი უკეთესი, უფრო ნათელი მომავლის შექმნის პროცესში. მისი მთავარი განმახორციელებელი კი ახალგაზრდები არიან. ჩვენ ერთგვარად ამბიციური მიზანი გვამოძრავებს - რაც შეიძლება მეტ მოსწავლეს  მივცეთ წვდომა განათლების, შემეცნების და ახალი აღმოჩენებისთვის საჭირო თანამედროვე რესურსებზე. სწორედ ამიტომ, თითოეული იდეათეკა აღჭურვილია 2000-ზე მეტი წიგნისგან შემდგარი მრავალფეროვანი ბიბლიოთეკით, კომპიუტერებით, პროექტორებით და STEM კუთხით - ადგილით, სადაც მოსწავლეებს აქვთ შესაძლებლობა, გაეცნონ STEM მეცნიერების საფუძვლებს. ჩვენი გუნდის და პარტნიორების ძალისხმევის შედეგად, უკვე საქართველოს 8 რეგიონის 20 სკოლის 10 000-ზე მეტ მოსწავლეს აქვს წვდომა იდეათეკის ფერად სივრცეზე. მათგან მიღებული უკუკავშირი კი გვიბიძგებს, არ გავჩერდეთ, კიდევ უფრო მეტ სკოლაში გავხსნათ იდეათეკა და უფრო მეტ ახალგაზრდას შევუწყოთ ხელი, საკუთარი პოტენციალის მაქსიმალურად გამოვლენაში“, - აღნიშნავს ანა ლომთაძე.ინფორმაციისთვის, იდეათეკების პროექტი საქართველოს ბანკის ინიციატივით ხორციელდება. ამ პროცესში კი ქართული წიგნის ინსტიტუტი აქტიურად მონაწილეობს, რომელიც ბანკისგან მიღებული დაფინანსებით იდეათეკის სივრცეს ინფრასტრუქტურით უზრუნველყოფს და ლოგისტიკურ პროცესებში არის ჩართული.

1700752800

როგორც კალაძემ აღნიშნა, 18- მეტრიან ავტობუსებს ქალაქში გადაადგილების პრობლემა არ ექნებათ.„ბევრი კომენტარი იწერებოდა ამასთან დაკავშირებით, „რა 18- მეტრიანი ავტობუსები თბილისის ქუჩებში, როგორ შეიძლება 18 მეტრიანი ავტობუსი გადაადგილდებოდეს თავისი გაბარიტებიდან გამომდინარე, შეუძლებელი იქნებაო“. ყველა იმ მარშრუტზე, რომელზეც იქნება დანიშნული აღნიშნული ავტობუსები, რა თქმა უნდა, არ იქნება პრობლემა. სხვათა შორის შეიძლება ვიღაცამ რაღაც არ იცოდეს, ესეც ჩვეულებრივია, არც მე ვიცი ყველაფერი, მაგრამ როცა არ ვიცი, ვეკითხები ადამიანს, ვინც იცის და ვინც რაღაცას მეტყვის, გამაგებინებს. თქვენც რომ იკითხოთ, არანაირი პრობლემა არ იქნება.18-მეტრიანი ავტობუსები წლების წინ თბილისში გადაადგილდებოდა, დადიოდა. ასევე, მინდა გითხრათ, რომ ტრამვაიც დადიოდა თბილისში, თუმცა მავნებლებმა, ბოროტებმა ქალაქს წაართვეს ძალიან მნიშვნელოვანი საზოგადოებრივი ტრანსპორტი, რომელიც იყო ტრამვაის სახით. დღეს რომ ქალაქს ტრამვაი ჰყავდეს, რა თქმა უნდა, ეს კიდევ უფრო მეტი ადამიანის გადაყვანის შესაძლებლობას მოგვცემდა და ნაწილობრივ შეამსუბუქებდა იმ ვითარებას, რაც ზოგადად სატრანსპორტო მიმართულებით ქალაქში გვაქვს.18-მეტრიანი ახალი ავტობუსებით ჩანაცვლდება 12-მეტრიანი ავტობუსები შემდეგ მარშრუტებზე, ეს არის N301, 302, 308, 314 ავტობუსები. ამ მარშრუტებზე დღიურად 55 ათასი მგზავრობა ფიქსირდება, ეს ძალიან დიდი ციფრია. აღნიშნული ცვლილებებით ახალი ავტობუსის მაღალი ტევადობის გათვალისწინებით მარშრუტის გამტარუნარიანობა 50%-ით გაიზრდება, გამოთავისუფლებული 12 მეტრიანი ავტობუსები კი დაემატება სხვადასხვა მარშრუტებს“, - განაცხადა კალაძემ.

1700654306

როგორც მთავრობის მეთაურმა აღნიშნა, საქართველოს კიდევ ერთი გამორჩეული პროექტი შეემატა.„მოგესალმებით, ძვირფასო მეგობრებო. მივესალმები პარლამენტის თავმჯდომარეს, თბილისის მერს, პარტიის თავმჯდომარეს, მთავრობისა და პარლამენტის წევრებს, ჩვენს ძვირფას სტუმრებს, ძვირფას საზოგადოებას. მე ძალიან მოხარული ვარ, რომ დღეს მონაწილეობას ვიღებ ასეთი არაჩვეულებრივი, უნიკალური სასტუმროს გახსნის ცერემონიაში. მინდა ყველას მოგილოცოთ ამ უნიკალური პროექტის დასრულება. თბილისს, ჩვენს დედაქალაქს, ჩვენს ქვეყანას შეემატა კიდევ ერთი გამორჩეული პროექტი.მინდა, რამდენიმე სიტყვით აღვნიშნო პროექტის მნიშვნელობის შესახებ. მანამდე შეგახსენებთ, რომ 2018 წელს მარიოტის საერთაშორისო ქსელის Autograph Collection-ის ბრენდი შემოვიდა ჩვენს ქვეყანაში პირველად და თქვენ კარგად მოგეხსენებათ, რომ ყველასთვის ცნობილი სასტუმრო „პარაგრაფ შეკვეთილი” გაიხსნა, რომელიც მართლაც გამორჩეული სასტუმრო არის მთელ რეგიონში. დღეს კი მარიოტის საერთაშორისო ქსელის უმაღლესი კატეგორიის ბრენდის – Luxury Collection – შემოსვლით ჩვენს ქვეყანაში და, ზოგადად, საქართველოს სტუმარმასპინძლობის ინდუსტრიაში, შეიძლება ასე ითქვას, ახალი პარაგრაფი იწყება. ტურიზმისა და სტუმარ-მასპინძლობის სექტორში არსებული პოზიტიური დინამიკის პირობებში, რა თქმა უნდა, ძალზედ მნიშვნელოვანია დედაქალაქის ცენტრში ასეთი არაჩვეულებრივი, უნიკალური ახალი სასტუმროს ფუნქციონირება. ასე რომ, კიდევ ერთხელ ყველას გილოცავთ. აქვე მინდა აღვნიშნო, რომ სასტუმროს საერთაშორისო სტანდარტების შესაბამისი ინფრასტრუქტურა, თანამედროვე, მრავალფუნქციური კომპლექსი, 220 ნომერი, 5 სხვადასხვა კატეგორიის რესტორანი და სხვა სივრცეები – ეს ყველაფერი ქმნის ყველა იმ საშუალებას, რომ სასტუმრომ უმასპინძლოს უმაღლესი კატეგორიის საერთაშორისო ღონისძიებებს, ბიზნესკონფერენციებს, ვიზიტორებს, დამსვენებლებს, ჩვენს ტურისტებს“, – განაცხადა ირაკლი ღარიბაშვილმა.პრემიერ-მინისტრის თქმით, „პარაგრაფ თბილისის” ჯამური საინვესტიციო მოცულობა 150 მილიონი დოლარია.„საინვესტიციო ღირებულებების გარდა, რომელიც თავისთავად არის საქართველოს ეკონომიკაში პირდაპირი განხორციელებული კონტრიბუცია, მნიშვნელოვანია ისიც, რომ ეს არის ახალი სერვისების განვითარების სტიმული და, რაც მთავარია, ასობით ახალი სამუშაო ადგილი დედაქალაქისთვის. მე მინდა განსაკუთრებული მადლიერებით აღვნიშნო ამ პროექტის მთავარი ავტორის – ბატონი ბიძინა ივანიშვილის – როლი, მას მადლობა გადავუხადო კიდევ ერთხელ ასეთი მნიშვნელოვანი, არაჩვეულებრივი პროექტის განხორციელებისთვის. მე მინდა, მადლობა ვუთხრა თანაინვესტირების ფონდს, თითოეულ თანამშრომელს, ყველა იმ ადამიანს, ვინც ჩართული იყო აი, ამ არაჩვეულებრივი პროექტის განხორციელებაში. დარწმუნებული ვარ, რომ ახალი სასტუმრო მალე იქცევა თბილისის სტუმრების საყვარელ ადგილად. ასევე მინდა ვთქვა, რომ თანაინვესტირების ფონდი უკვე მრავალი წელია, აქტიურად მონაწილეობს ჩვენი ქვეყნის ეკონომიკის განვითარების საქმეში. რა თქმა უნდა, კიდევ ერთხელ მინდა აღვნიშნო იმ უკიდეგანო ქველმოქმედების შესახებ, რომელიც განხორციელებული აქვს ბატონ ბიძინა ივანიშვილს – 3 მილიარდ დოლარზე მეტი ქველმოქმედება და ახლა უკვე ასეულობით მილიონი დოლარის კონტრიბუცია ჩვენი ქვეყნის განვითარების საქმეში. ასევე ძალიან მოკლედ მინდა აღვნიშნო, რომ ბოლო 10 წელში შეიქმნა ახალი 85 000 საწოლი ადგილი მთელ ქვეყანაში – 85 000 ახალი საწოლი ადგილი. ჯამური ინვესტიცია 2 მილიარდ ლარზე მეტს შეადგენს. ტურიზმი ვითარდება ძალიან სწრაფად ჩვენს ქვეყანაში. შარშან საერთაშორისო მოგზაურობიდან 3,5 მილიარდი დოლარის შემოსავალი მიიღო ქვეყანამ. წელს უკვე სამ კვარტალში 3,3 მილიარდი დოლარის შემოსავალი მიიღო საქართველომ. ეს ყველაფერი გვაძლევს ძლიერი ოპტიმიზმის საფუძველს, რომ ქვეყანა ვითარდება, ეკონომიკა ვითარდება, ასე რომ, კიდევ ერთხელ გილოცავთ ამ ახალი პროექტის დასრულებას. დიდი მადლობა!“, – განაცხადა მთავრობის მეთაურმა.ღონისძიებაზე მიწვეულ სტუმრებს სიტყვით ასევე მიმართეს სასტუმროების მართვის კომპანიის აღმასრულებელმა დირექტორმა გიორგი ტოგონიძემ, მარიოტის საერთაშორისო ქსელის პრეზიდენტმა სატია ანანდიმ, საქართველოს ტურიზმის განვითარების ფონდის აღმასრულებელმა დირექტორმა გიორგი ბაიდარაშვილმა და სასტუმროს „პარაგრაფ თბილისის“ გენერალურმა მენეჯერმა ტომას ვან ოპსტალმა.„პარაგრაფ თბილისი“ მარიოტის საერთაშორისო ქსელის, პირველი Luxury Collection ბრენდის, სასტუმროა. „პარაგრაფ თბილისის“ ჯამური საინვესტიციო მოცულობა შეადგენს 150 მლნ აშშ დოლარს. სასტუმრო მოიცავს 220 ნომერს, 5 რესტორანს, სამ სართულზე განთავსებულია უმაღლესი კატეგორიის სპა, მაღალტექნოლოგიური შეხვედრებისა და საკონფერენციო სივრცეები. „პარაგრაფ თბილისში“ და „პარაგრაფ შეკვეთილში“ ჯამურად დასაქმებულთა რაოდენობა 900 ადამიანს აჭარბებს.„პარაგრაფ თბილისი” შეძლებს, უმასპინძლოს უმაღლესი კატეგორიის საერთაშორისო ღონისძიებებს და საქართველოში მოიზიდოს ახალი კატეგორიის ბიზნესვიზიტორები თუ დამსვენებლები.მარიოტის საერთაშორისო ქსელ Autograph Collection-ის ბრენდი საქართველოში ტურიზმის განვითარების ფონდის ინიციატივით 2018 წელს შემოვიდა და ყველასთვის ცნობილი სასტუმრო „პარაგრაფ შეკვეთილი“ გახსნა.

1700651507

“მნიშვნელოვანია ამ გვირაბის გაჭრა, ვინაიდან ახალ გვირაბში მოძრაობის გადართვის შემდეგ შესაბამისი სამუშაოები დაიწყება ძველ, არსებულ გვირაბში. ახალი გვირაბის საბოლოო მოსახვის სამუშაოების დიდი ნაწილი შესრულებულია, მოეწყობა საფარი, დასრულდება საინჟინრო და ელექტრო ქსელების მონტაჟი, რის შემდეგაც გვირაბში გაიხსნება ავტოტრანსპორტის მოძრაობა,“ - განაცხადა რეგიონული განვითარებისა და ინფრასტრუქტურის მინისტრმა, ირაკლი ქარსელაძემ, რიკოთის პროექტის ფარგლებში მიმდინარე სამუშაოების დათვალიერებისას.ამავე მონაკვეთზე ავტოტრანსპორტის მოძრაობა გადაერთო ახალ, 2.4 კმ-იან გზაზე. ძველ საგზაო მონაკვეთზე კი, გაგრძელდება პროექტით გათვალისწინებული სამშენებლო სამუშაოები.მინისტრის თქმით, ჩუმათელეთი-ხევის მონაკვეთზე  პროექტით გათვალისწინებული ინტენსიური სამუშაოები მიმდინარეობს 33 ფერდზე. ასევე, დაწყებულია სატენდერო პროცედურები 149-ე კმ-ზე, მიმდინარე წლის დასაწყისში, მონიტორგინის შედეგად  გამოვლენილი პოტენციური მეწყრული უბნის სტაბილიზაციის სამუშაოების ჩასატარებლად.„149-ე კილომეტრზე, წლის დასაწყისში, მონიტორინგის შედეგად აღმოჩენილი იქნა მეწყრის პოტენციური კერა ძველ გზასთან 200 მეტრის მოშორებით, რის გამოც გატარდა შესაბამისი ღონისძიებები და დაწესდა სპეციალური რეჟიმი. ღონისძიებები გრძელდება იმისთვის, რომ უახლოეს მომავალში გაუქმდეს რიკოთზე გადაადგილების სპეციალური რეჟიმი სატვირთო ტრანსპორტისთვისაც. პარალელურად კი, მიმდინარეობს სატენდერო პროცედურები აღნიშნული ფერდის დამუშავებისთვის საჭირო სამუშაოებზე, რაც არ იყო გათვალისწინებული არც პროექტით და არც სამშენებლო სამუშაოების ფარგლებში,“-აღნიშნა ირაკლი ქარსელაძემ.ამ დროისათვის, რიკოთის მაგისტრალური გზის მშენებლობის პროექტით გათვალისწინებული 51 გვირაბიდან  უკვე გაჭრილია 50 გვირაბი და 97 ხიდიდან უკვე აშენებულია 83 ხიდი. აქედან, ავტოტრანსპორტის მოძრაობა უკვე გახსნილია რიკოთის მაგისტრალური გზის 27 კმ-იან, 4 ზოლიან მონაკვეთზე სოფელ ხევიდან და დაბა შორაპნამდე. ხევი-შორაპნის მონაკვეთი მოიცავს 65 ხიდსა და 38 გვირაბს, რომელმაც რიკოთზე გადაადგილების მანძილი 8 კმ-ით, ხოლო გადაადგილების დროს 25 წუთით უკვე შეამცირა. სამშენებლო სამუშაოები აქტიურად მიმდინარეობს ყველა დარჩენილ ხიდსა და გვირაბზე.ჩუმათელეთი-ხევის მონაკვეთის მშენებლობა ევროპის საინვესტიციო ბანკთან (EIB) და მსოფლიო ბანკთან (WB) გაფორმებული სასესხო ხელშეკრულების ფარგლებში მიმდინარეობს.საერთო ჯამში, აღმოსავლეთ-დასავლეთის მაგისტრალური გზის 60%-ზე მეტი (261 კმ) ავტოტრანსპორტისთვის უკვე გახსნილია. სამშენებლო სამუშაოები გრძელდება მაგისტრალური გზის 81 კმ-ზე.

1700644512

"ახალ საკომუნიკაციო პლატფორმაზე ბანკი რამდენიმე თვის განმავლობაში მუშაობდა. "ლიბერთის" ბრენდის მიმართ ადამიანების ემოციური და რაციონალური დამოკიდებულებების შესაფასებლად არაერთი კვლევა ჩავატარეთ. მათ შორის თანამშრომლებში, რომელმაც აჩვენა რომ "ლიბერთიში" დასაქმებული ადამიანებისთვის ყველაზე საამაყოა ჩვენი ბანკის მასშტაბურობა, ხელმისაწვდომობა, ადამიანებზე ორიენტირებულობა, ინფრასტრუქტურის განსაკუთრებულობა და ამასთანავე, თანამედროვე პროდუქტებისა და სერვისების არსებობა.ახალ კამპანიაზე, რომლის მთავარი გმირები ბანკის რეალური თანამშრომლები და მომხმარებლები არიან, სააგენტო Holy Motors-თან ერთად ვიმუშავეთ. ბანკის ახალი კამპანიის ფარგლებში, კონკრეტული საბანკო პროდუქტების შესახებ კომუნიკაცია, სხვადასხვა კონტენტით მთელი მომდევნო წლის განმავლობაში გაგრძელდება“, - აცხადებს თამარ მეგრელიშვილი, "ლიბერთის" მარკეტინგისა და კომუნიკაციების დეპარტამენტის ხელმძღვანელი.„ახალი კამპანია პასუხობს "ლიბერთის" სტრატეგიას და მთავარ მიზანს - ჩამოყალიბდეს უნივერსალურ ფინანსურ ინსტიტუტად. #ჩვენიანი არის ერთგვარი შეხსენება ყველასათვის, რომ ლიბერთი არის ბანკი, ქვეყანაში ყველაზე დიდი ქსელით, ყველაზე მეტი სერვის ცენტრითა და ფილიალით, მათ შორის მოძრავი ფილიალებით. ასევე, მოქნილი ციფრული სერვისებით - ინტერნეტბანკით და სრულყოფილი მობაილბანკით, სადაც ერთი ხელის მოსმით შესაძლებელია ნებისმიერი საბანკო ოპერაციის შესრულება. 5 ათასი ადამიანისგან შემდგარი ერთიანი გუნდი კი, მუდმივად მუშაობს იმისათვის, რომ გახდეს ძირითადი ბანკი თავისი 1,6 მილიონი მომხმარებლისთვის. „ჩვენიანი“ კი ერთგვარი ფილოსოფიაც არის და დაპირებაც, რომელიც ლიბერთიმ თავისი მომხმარებლისთვის უნდა შეასრულოს და ჩვენ ამისთვის მზად ვართ“, - აცხადებს თორნიკე კორძაია, "ლიბერთის" საცალო საბანკო მიმართულების დირექტორი. 

1700644237