ამასთან, 2023 წლის განმავლობაში სამედიცინო დაზღვევის სახეობაში მოზიდულმა პრემიამ 447 მლნ. ლარი შეადგინა.წინა წელს ეს მაჩვენებელი 375,4 მლნ. ლარი იყო.გალტ & თაგარტის სწრაფად რეალიზებადი სამომხმარებლო პროდუქციის – FMCG ს სექტორის 2023 წლის მონაცემებით, თამბაქოს რეალიზაციამ გასულ წელს ამ სექტორის 8% ანუ 1,7 მილიარდი ლარი შეადგინა. დაზღვევაში კი მოსახლეობამ, როგორც აღინიშნა, იგივე წელს 447 მილიონი ლარი გადაიხადა. ანუ წელიწადში მოქალაქეებმა ჯანმრთელობისთვის მავნე პროდუქტში იმაზე თითქმის 4-ჯერ მეტი გადაიხადა, ვიდრე დაზღვევაში.jandacva.ge

1713269048

- ბატონო არმაზ, ჯანდაცვის სფეროში, სადაც ბოლო 4 წელიწადში უკვე მესამე მინისტრი იცვლება, რამდენიმე კომპანიის დამფუძნებელი და აქციონერი ბრძანდებით. როგორ შეაფასებდით ამ სექტორში კერძო და საჯარო სექტორის ურთიერთობებს და პოლიტიკის განმახორციელებელი პირების ასე ხშირად ცვლას?გულდასაწყვეტია, მაგრამ ქართული ჯანდაცვა წლების მანძილზე ავგიას თავლას დაემსგავსა, რომლის გასუფთავება ვერცერთმა ხელისუფალმა ვერ შეძლო. ძირითადი მიზეზი მაინც ის არის, რომ ყველა ცდილობს ახალი ველოსიპედის შექმნას. გაუგებარია, რატომ ვცდილობთ, გამოვიგონოთ რაღაც ახალი იმ სფეროში, სადაც ყველაფერი უკვე დიდი ხნის წინ არის გამოცდილი და ადაპტირებული წარმატებული რეფორმების მქონე ქვეყნებში.უკვე იმდენჯერ დავიწყეთ ჯანდაცვის სფეროში რეფორმა, რომ წესით ქართული ჯანდაცვა ყველაზე რეფორმირებული და წამყვანი დარგი უნდა იყოს ქვეყანაში. ასე ვწვალობთ ბოლო 30 წელიწადია და შედეგად მივიღეთ, რომ  ჩვენი მეზობელი თურქეთის კლინიკები გადავსებულია ქართველი პაციენტებით და მარტივად სამკურნალო ნოზოლოგიებსაც კი ჩვენი მოქალაქეები იქ მკურნალობენ.პირადად მე, ბიზნესის საქმიანობაში სახელმწიფოს ზედმეტი ჩართულობის წინააღმდეგი ვარ, მაგრამ ჯანდაცვა რეგულირებადი სფეროა და სახელმწიფოს აქტიურობას ამ სფეროში ვერ გავექცევით. თუმცა, ნებისმიერი დარგის რეგულირება უფაქიზესი პროცესია და ზეკვალიფიციური კომპეტენციის კადრები სჭირდება. რეგულირება თუ არ იქნება სწორი და გრძელვადიან პერსპექტივაზე გათვლილი, მაშინ ის რისკის შემცველი უფროა. ფაქტია, რომ არასწორი რეგულირების შედეგი იყო, რომ ჯანდაცვის ბიზნესში  ბოლო წლებში ბევრი არაკვალიფიციური, არაკეთილსინდისიერი, შემთხვევითი მოთამაშე გამოჩნდა, რამაც პირველ რიგში პაციენტები და სფეროს კეთილსინდისიერი მოთამაშეები დააზარალა.ახალმა მთავრობამ უნდა გაითვალისწინოს, რომ ჯანდაცვის სფეროს რეგულირება განსაკუთრებულად დიდ ურთიერთკავშირს მოითხოვს კერძო სექტორთან, სამედიცინო საზოგადოებასთან და პაციენტებთან.ჯანდაცვის ყოფილი მინისტრების გადაულახავი პრობლემა იყო, რომ დარგის  რეგულირებას ერთპიროვნული, დირექტიული სტილით ცდილობდნენ და საკმაოდ წარუმატებლად. კერძო და საჯარო სექტორები ხშირად უნდა უსმენდეს ერთმანეთს.- ფიქრობთ, რომ კომუნიკაციის ნაკლებობა კერძო და საჯარო სექტორს შორის ჯანდაცვის სფეროს ერთ-ერთი მნიშვნელოვანი პრობლემაა?ნამდვილად ასეა. დღეს ჯანდაცვის სისტემის მნიშვნელოვან ფიგურანტებს - საჯარო და კერძო სექტორს შორის - ნდობა სრულად გამქრალია. განსაკუთრებულად ეს ჯანდაცვის ბოლო მინისტრის საქმიანობის პერიოდს უკავშირდება.სფეროში მოღვაწე ბიზნესმენების უმეტესობა აღნიშნავდა, რომ არცერთ სფეროში არ იყო ასეთი ქედმაღლური დამოკიდებულება კერძო სექტორის მიმართ, როგორც ჯანდაცვაში - თითქოს არც სადაზღვევო კომპანიები არსებობდა, არც კლინიკები და არც სხვა მოთამაშეები. გაუგონარი შეცდომა იყო ისიც, რომ ე.წ. რეფორმების არცერთი პუნქტი და მიმართულება, არ განხილულა არავისთან, გარდა რამდენიმე პირისა. ზევიდან რაღაც დაეშვებოდა - უმეტესწილად შეცდომით და შემდეგ ამის აღსრულება შეუძლებელი ხდებოდა. ამიტომაც გვაქვს სახეზე კოლაფსი და ამჟამად, ახალ პრემიერ-მინისტრს მოუწევს ყველა დაგროვილი პრობლემის აღმოფხვრა.ჯანდაცვის სფერო ძალიან ფაქიზი და ამასთან, ძალიან მყიფეა, მით უმეტეს, განვითარებად სახელმწიფოში. აქ ავტოკრატიისკენ მიდრეკილი მინისტრი მყისიერად ანგრევს სისტემას. ამიტომ, სექტორის უმეტესი წარმომადგენელი დამეთანხმება, რომ ამ სფეროს კარგი პოლიტიკოსი, ხედვითი ლიდერი, კომუნიკაციების უნარებისა და პრაქტიკული გადაწყვეტილებების მიმღები უნდა ხელმძღვანელობდეს. ახალი მინისტრი, მიხეილ სარჯველაძე გამოცდილი და კომუნიკაბელური პოლიტიკოსია და დარწმუნებული ვარ, სფეროს შორსმჭრეტელურად გაუძღვება. წარმატებები მინდა ვუსურვო მას.

1710320084

თანამედროვე მსოფლიოს ფარმაცევტულ ინდუსტრიაში MINI-PACTOR® ფართოდ გამოიყენება როგორც ახალი წამლების განვითარებისთვის, ისე წარმოების მოცულობის გასაზრდელად. დანადგარს საწარმოო სიმძლავრის ფართო ამპლიტუდა გააჩნია, კერძოდ – 10 გრამიდან 100 კგ-მდე საათში, რაც მას იდეალურ მშრალ გრანულატორად აქცევს და მისი, როგორც განვითარების ეტაპზე, ისე წარმოებაში თანაბრად გამოყენების შესაძლებლობას იძლევა.GM PHARMA-ს კვლევა-განვითარების განყოფილებას სამომავლო გეგმებში ისეთი პრეპარატების შექმნა-განვითარება აქვს, რომლებსაც სწორედ MINI-PACTOR® დასჭირდება. აღნიშნული დანადგარი მნიშვნელოვნად გაზრდის GM PHARMA-ში წარმოებული მედიკამენტების ჩამონათვალს. მაგალითად, ესენია პროლონგირებული ანუ გახანგრძლივებული გამოთავისუფლების პრეპარატები, რადგან სწორედ MINI-PACTOR® უზრუნველყოფს წამლის ნაწილაკების ისეთ გადანაწილებას და ზომას, ასევე შუალედურ ფარმაცევტულ პროდუქტში დამხმარე ნივთიერების ისეთ ჩართვას, რომ წამლის მზა ფორმაში აქტიური ნივთიერების გახანგრძლივებული გამოთავისუფლება მივიღოთ, რაც მედიკამენტის დღე-ღამეში ერთჯერადი დოზირების შესაძლებლობას ქმნის. MINI-PACTOR® საშუალებას იძლევა, კომპანიამ შექმნას და აწარმოოს ტენისადმი და სითბოსადმი მგრძნობიარე მედიკამენტები, რომელთა წარმოება სველი გრანულაციით თითქმის შეუძლებელია; ასევე არსებობს ისეთი ფარმაცევტული სუბსტანციები, რომლებსაც დაბალი ლღობის ტემპერატურა აქვთ და მშრალი გრანულაციის აღნიშნული დანადგარი ასეთი სუბსტანციების შემცველი პრეპარატების წარმოებაშიც გამოიყენება.MINI-PACTOR® აუმჯობესებს ისეთი აქტიური სუბსტანციებისგან მიღებული შუალედური ფარმაცევტული პროდუქტის დენადობას, რომლებიც ორგანულად ხასიათდებიან ცუდი დენადობით ან ნაწილაკების დაბალი ზომით გამოირჩევიან და მშრალი გრანულატორის გამოყენების გარეშე, ასეთი სუბსტანციებისა და შუალედური ბალკის დატაბლეტება ან კაფსულირება თითქმის შეუძლებელია. ასევე აქტიურად მოხდება MINI-PACTOR®-ის გამოყენება ისეთი პრეპარატების წარმოებაში, სადაც აქტიური ნივთიერების შემცველობა ტაბლეტის სრული მასის 20%-ზე ნაკლებია; ასეთ პრეპარატებში მშრალი გრანულაციის აპარატი დოზირებისა და მასის ერთგვაროვნებას უზრუნველყოფს.GERTEIS არის პრემიუმ ხარისხის მშრალი გრანულაციის მოწყობილობების მწარმოებელი ბაზრის ლიდერი კომპანია. იგი თანამშრომლობს ისეთ წამყვან ფარმაცევტულ კომპანიებთან, როგორიცაა Pfizer, Bayer, GSK, Roche და სხვ.GM PHARMA ფოკუსირებულია ფარმაცევტულ წარმოებაში თანამედროვე ტექნოლოგიების გამოყენებაზე, წარმოების უახლესი მეთოდოლოგიების დანერგვასა და თანამედროვე მედიცინისათვის აქტუალური პროდუქტების შექმნა-განვითარებაზე.GM PHARMA-ს პრეპარატების ჩამონათვალშია თანამედროვე, ინოვაციური მედიკამენტები, რომლებიც უკანასკნელი წლების თერაპიული სქემებით და გაიდლაინებით არის მოწოდებული.GM PHARMA-ს მედიკამენტებს და საკვებ დანამატებს საქართველოსა და კომპანიის საერთაშორისო ბაზრებზე (საექსპორტო ქვეყნებში) დაახლოებით 12 მილიონი პაციენტი იღებს ყოველწლიურად, რაც მომხმარებლებისა და ჯანდაცვის სპეციალისტების მხრიდან კომპანიის აღიარებაზე მეტყველებს.

1710318660

„როგორც მოგეხსენებათ, გასული ერთი კვირის განმავლობაში გვქონდა კონსულტაციები საქართველოს ოკუპირებული ტერიტორიებიდან, დევნილთა, შრომის, ჯანმრთელობისა და შრომისა და სოციალური დაცვის მინისტრის შესარჩევად. ამ ერთი კვირის განმავლობაში გვქონდა ინდივიდუალური კონსულტაციები, როგორც ჩვენი პოლიტიკური გუნდის წევრებთან, ასევე სამედიცინო საზოგადოების წარმომადგენლებთან. კონსულტაციების ერთ-ერთი მთავარი საკითხი იყო ის, თუ რამდენად უნდა ყოფილიყო ახალი მინისტრი სამედიცინო წრეების წარმომადგენელი. ამ საკითხთან დაკავშირებით როგორც პოლიტიკურ გუნდში, ისე სამედიცინო საზოგადოების წარმომადგენლებს შორის აზრი იყო ორად გაყოფილი.ერთი ნაწილი მიიჩნევდა, რომ ახალი მინისტრი აუცილებლად სამედიცინო სფეროს წარმომადგენელი უნდა ყოფილიყო. მეორე ნაწილი ზუსტად ამის საპირისპირო მოსაზრებას გამოხატავდა. კონსულტაციების საფუძველზე მივედი დასკვნამდე, რომ მინისტრის პოსტზე შეიძლებოდა როგორც სამედიცინო წარმომადგენლების, ისე სხვა კანდიდატების განხილვა. საბოლოოდ, უპირატესობა მივანიჭე ჩვენი პოლიტიკური გუნდის წევრს, რომლის პროფესიონალიზმისა და კეთილსინდისიერების, გამოცდილების მიმართ განსაკუთრებული ნდობა მაქვს. მინდა გაცნობოთ, რომ საქართველოს ოკუპირებული ტერიტორიებიდან, დევნილთა, შრომის, ჯანმრთელობისა და სოციალური დაცვის მინისტრად დაინიშნა ბატონი მიხეილ სარჯველაძე. მას განსაკუთრებული წარდგენა არ სჭირდება. 2012 წლამდე ბატონი მიხეილი ეწეოდა წარმატებულ საადვოკატო საქმიანობას, 2012 წლის შემდეგ მას საჯარო სამსახურში სხვადასხვა თანამდებობა ეკავა.შეგახსენებთ, მიხეილ სარჯველაძე იყო აღსრულების ეროვნული ბიუროს ხელმძღვანელი. მოგვიანებით, ის იყო იუსტიციის მინისტრის მოადგილე. შემდეგ ის იყო საპარლამენტო გუნდის წევრი და პარლამენტის ადამიანის უფლებათა დაცვის უფლებათა და სამოქალაქო ინტეგრაციის კომიტეტის თავმჯდომარე. მინდა წარმატებები ვუსურვო მიხეილ სარჯველაძეს, რომელიც დღეიდან რამდენიმე უმნიშვნელოვანეს მიმართულებას გაუძღვება. ეს არის ჯანდაცვა, მოსახლეობის სოციალური უზრუნველყოფა, დევნილების ინტერესების დაცვა, დასაქმება და შრომის საკითხები. გამოწვევა არის უამრავი. ყველა მიმართულებით არის სერიოზული გამოწვევა, თუმცა, დარწმუნებული ვარ, მისი პროფესიონალიზმი და გამორჩეული პიროვნული თვისებებით იქნება საუკეთესო მინისტრი და მნიშვნელოვან წარმატებას მოუტანს ამ დარგს“, - განაცხადა კობახიძემ.მიხეილ სარჯველაძემ ამ პოსტზე ზურაბ აზარაშვილი შეცვალა.

1710141246

„ჯანდაცვის სექტორი 2012 წლიდან მოყოლებული არის სწრაფად მზარდი. როდესაც კონკრეტული სექტორი სწრაფად იზრდება, ამ შემთხვევაში ჯანდაცვა, იქ რისკებიც ჩნდება, მათ შორის კარტელური გარიგებების, არასწორი პროცესების რისკიც იზრდება. აქ მუდმივი ყურადღებაა საჭირო. მადლობას გადავუხდი ზურაბ აზარაშვილს. მან ძალიან ბევრი ნაბიჯი გადადგა იმისთვის, რომ ჯანდაცვის სექტორი ჩვენს ქვეყანაში არასწორი მიმართულებით არ განვითარებულიყო. ყურადღება მომავალშიც არის საჭირო“, - განაცხადა კობახიძემ.პრემიერ-მინისტრის განმარტებით, ჯანდაცვის მინისტრთან მიმართებით კომუნიკაციაში გარკვეული ხარვეზები იყო.„თუმცა, ეს ხარვეზები იყო არსებითი თავის შინაარსით. აქედან გამომდინარე, იქნა ჩემს მიერ მიღებული გადაწყვეტილება, თუმცა ეს გადაწყვეტილება ვერავითარ შემთხვევაში ვერ დაუკარგავს ზურაბ აზარაშვილს იმ დამსახურებას, რომელიც მას თავისი მრავალწლიანი საქმიანობის გამო აქვს“, - განაცხადა კობახიძემ.

1709629197

PSP პირველი ქართული კომპანიაა, რომელსაც ეს ჯილდო გადაეცა; რომელმაც ასევე პირველმა, 2019 წელს კორეულ კოსმეტიკურ ბრენდ „მიზონთან“ თანამშრომლობა დაიწყო და დღეს უკვე 6 კორეული ბრენდის წარმატებული პარტნიორია.ჯილდოსთან ერთად კომპანიამ მიიღო ქალაქ სეულის მერის, ოჰ სე-ჰუნის წერილი, რომელშიც ის ულოცავს კომპანია PSP-ს Hi Seoul Friends ჯილდოს მიღებას და მნიშვნელოვან ბიზნეს პარტნიორად აღიარებას.თავდაპირველად, 2004 წელს, Hi Seoul Companies მეგობრობის წევრი კომპანია მხოლოდ 11 იყო. დღეს მსოფლიოს სხვადასხვა ქვეყნებიდან ამ მეგობრობის წევრების რიცხვი 1000-ს აღწევს, 2024 წლიდან პარტნიორებს მთელი მსოფლიოდან ქართული კომპანია PSP შეუერთდა.„PSP-ს მთავარი პრიორიტეტი მომხმარებელია. სწორედ მომხმარებლის ინტერესების და მოთხოვნების გათვალისწინებით დავიწყეთ მსოფლიოში ცნობილ და კორეის N1 ბრენდ „მიზონთან“ თანამშრომლობა 2018 წელს. ამჟამად მომხმარებელს უკვე 6 კორეული ბრენდის პროდუქციის მრავალფეროვან არჩევანს ვთავაზობთ.უკვე 30 წელია, PSP 335 აფთიაქი საქართველოს მასშტაბით მომხმარებლისთვის ხელმისაწვდომს ხდის ოცი ათასზე მეტი დასახელების გარანტირებული ხარისხის მედიკამენტებს, სამედიცინო, ბავშვთა კვების და მოვლის საშუალებებსა და მსოფლიოს ცნობილი კოსმეტიკური ბრენდების პროდუქტებს.სასიამოვნო აღიარება და დამატებითი სტიმულია Hi Seoul Companies მეგობრობის წევრობა, ჯილდო წარმატებული და სანდო პარტნიორობისთვის გვიბიძგებს კიდევ უფრო დიდი  წვლილი შევიტანოთ კორეის და სეულის მეგობარი ქვეყნების სამომავლო თანამშრომლობაში, წარმატებასა და კეთილდღეობაში“- აცხადებენ PSP-ში.

1709548911

შეგახსენებთ, რომ იანვრიდან დამხმარე რეპროდუქციული ტექნოლოგიებით სერვისის მიმწოდებელ ყველა დაწესებულებას ვალდებულება დაეკისრა, რეპროდუქციასთან დაკავშირებულ საქმიანობაზე ინფორმაცია ერთიან ეროვნულ რეესტრში ასახოს.ცვლილების მიზანი გამოყენებული ქსოვილების, უჯრედების, ემბრიონების, მათ შესახებ მონაცემებისა და კონტაქტში მყოფი მასალების მიკვლევადობაა.ჯანდაცვის სამინისტროს ცნობით, ინფორმაცია პირად მონაცემებთან დაკავშირებული ყველა წესის დაცვით დამუშავდება, მათ კონფიდენციალურობას კი ჯანდაცვის სამინისტრო უზრუნველყოფს.ჯანდაცვის სამინისტროს მონაცემებით,  თუ 2018 წელს, მხოლოდ სუროგაციით გზით დაბადებულ ახალშობილთა რიცხვი, დაახლოებით 500 იყო, 2022 წელს მაჩვენებელი თითქმის გაორმაგდა და 1000-ს გადააჭარბა. დღეის მდგომარეობით, დამხმარე რეპროდუქციული ტექნოლოგიებით სერვისს 19 დაწესებულება ახორციელებს.შეგახსენებთ, რომ პარლამენტში ინიციირებულია კანონპროექტი, რომლის თანახმად, სუროგაცია კომერციული საქმიანობის სფერო აღარ იქნება და მთლიანად ქველმოქმედების სფეროში ექცევა. ცვლილებების მიხედვით, ფინანსური თუ სხვა სახის სარგებელი ითვალისწინებს მხოლოდ კომპენსაციას სუროგატის დახარჯული დროისთვის, დისკომფორტისთვის, ასევე სამედიცინო ხარჯებისთვის. იკრძალება სუროგაციის და ინ-ვიტრო განაყოფიერებისსერვისების მიწოდება სხვა ქვეყნის მოქალაქეებზე. თავდაპირველად კანონი ძალაში 2024 წლიდან უნდა შესულიყო, თუმცა ის ჯერჯერობით მიღებული არ არისასევე შეგახსენებთ, რომ გასული წლის ნოემბრიდან, საყოველთაო ჯანდაცვის პროგრამის ფარგლებში, მშობიარობისა და საკეისრო კვეთის ტარიფი გაიზარდა და გათანაბრდა. ღირებულება DRG სისტემის მიხედვით ანაზღაურდება.jandacva.ge

1709544046

როგორც ყოფილი მინისტრი აღნიშნავს, სამინისტროში გატარებული ყოველი დღე სტრესთან და ზეწოლასთან იყო დაკავშირებული.მისი თქმით, ქვეყანაში მძლავრი ბიზნესდაჯგუფებებისთვის უწევდა წინააღმდეგობის გაწევა, რათა ჯანდაცვის სისტემაში რეფორმები განეხორციელებინა.ყოფილი მინისტრის პოსტს უცვლელად, სრულად გთავაზობთ.„მინდა, საზოგადოებისთვის ჩემი სამინისტროში მოღვაწეობის ორწლიანი ანგარიში, მადლიერებით დავიწყო, რადგან ხშირად მოკლევადიანი პიარით მოხიბლულებს ვინ ვართ გვავიწყდება. გულწრფელი მადლობა მსურს, გადავუხადო ირაკლი ღარიბაშვილს 4 წლის წინ გამოჩენილი ნდობისთვის, 20 წლიანი საბანკო საქმიანობის შემდეგ რომ მომცა შესაძლებლობა, მემსახურა ჩემი ქვეყნისთვის, ჯერ ქვეყნის თავდაცვის მიმართულებით და 2022 წლიდან ჯანდაცვის სამინისტროში.ამიტომ ჩემთვის უძვირფასესი ჩემი საქმიანობის მისი გულწრფელი შეფასებაა. სწორედ ამ მხარდაჭერითა და ერთსულოვნებით შევძელით სისტემაში იმ დროისთვის გადაუჭრელი პრობლემების და ბოლო 30 წლის განმავლობაში შეუძლებელი რეფორმების 2 წელიწადში განხორციელება. ჩემთვის ეს ხომ ერთი ჩვეულებრივი სამსახური კი არა, ქვეყნისთვის მსახურება იყო. იმ დროისთვის, ჯანდაცვის სექტორში მოცემულობა იყო კრიტიკულად რთული, სუსტი კონტროლით და სრული დერეგულაციით მიღებული სავალალო შედეგები კი - მყისიერად მოსაგვარებელი.ამას თან ერთვოდა კოვიდის მიმდინარე საფრთხეები; ზოგიერთი კლინიკის და ზოგიერთი ფარმაცევტული კომპანიის მხრიდან არაკეთილსინდისიერად ფულის მიტაცების ცხადი ფაქტები. სამინისტროში საქმიანობის ორწლიან პერიოდში, ყოველი დღე, იყო სტრესით, ზეწოლითა და პროტესტით სავსე. ჩვენი ყველა გადაწყვეტილება კი - პრინციპული, გაბედული და რისკიანი, ის ხომ სისტემაში წლობით ფესვგადგმულ უმსგავსობას პირდაპირ თუ ირიბად ეხებოდა.თუმცა, გუნდის ერთიანი სულისკვეთებით, საქმის კეთების მაღალი სახელმწიფოებრივი პასუხისმგებლობით და ირაკლი ღარიბაშვილის ძლიერი პოლიტიკური მხარდაჭერით განვახორციელეთ რეფორმები, რომლებზე საუბარიც კი ბევრს წარმოუდგენელი ეჩვენებოდა.კლინიკებისთვის დიაგნოზთან შეჭიდული გადახდის სისტემა იყო 30 წლის მანძილზე წინამორბედი ყველა მინისტრის დიდი სურვილი, რომ დაენერგათ. პირველივე წელს შევძელით და ამოქმედდა ეს სისტემა, რომელმაც ტრანსპარენტული გახადა ყველა არაკეთილსინდისიერი მოთამაშის ქმედება და დარღვევის ყველა დეტალი ზედაპირზე გამოიტანა. სწორედ ამიტომ, დავაინიცირეთ სამედიცინო რეგულირების კანონში ცვლილება, რომელსაც, სამწუხაროდ, კიდევ უფრო დიდი პროტესტი მოყვა, ეს ხომ ზოგიერთისთვის არაკეთილსინდისიერად, ხალხის სიცოცხლისა და ბიუჯეტის ხარჯზე გამდიდრების შესაძლებლობას მნიშვნელოვნად ამცირებდა.დრჯ-ის დანერგვის შემდეგ მოქალაქის მხრიდან თანაგადახდა ისტორიულ 10%-იან მინიმუმზეა და მოსახლეობამ 170 მლნ ლარი უკვე დაზოგა, მკაცრი სახელმწიფო კონტროლის პირობებში კი ბიუჯეტში მიტაცებული მილიონობით ლარი დაბრუნდა.ასეთივე ხმაურის ფონზე დავნერგეთ წამლებზე რეფერენტული ფასები, რომელიც დღეს მოსახლეობისთვის წლიურად ასობით მილიონი ლარის დაზოგვასთან ერთად, მეამაყება, რომ ქვეყნის ინფლაციის შემცირებასა და საგადამხდელო ბალანსის პოზიტიურობაში მნიშვნელოვანი კონტრიბუტორია.საერთო ჯამში, თურქეთის ბაზრის გახსნით, რეფერენტული ფასების დაწესებით და ონკოლოგიური მედიკამენტების უშუალოდ მწარმოებლებიდან შესყიდვით წლიურად 400 მლნ ლარი იზოგება.რეფერენტულმა ფასწარმოქმნამ მოგვცა შესაძლებლობა 2024 წლიდან სრულად მოგვეხსნა ქრონიკული მედიკამენტების საჭიროების მქონე მოქალაქეებისთვის წლიური ლიმიტი და 350,000 ადამიანს ყოველდღიურად, სრულიად უფასოდ, მთელი წლის მანძილზე მიეწოდებათ საჭირო მედიკამენტები. დაინერგა ელექტრონული რეცეპტები, აფთიაქებს გაუჩნდათ ბაზების სამინისტროსთვის გახსნის ვალდებულება.ზუსტად ამ შესაძლებლობით გამოავლინა სამინისტრომ ფარმაკომპანიების მხრიდან კარტელური გარიგების ფაქტი რომელიც კონკურენციის სააგენტომ დაადასტურდა და 53მლნ ლარის ჯარიმა დაეკისრათ კომპანიებს, რამდენიმე ფარმაკომპანიის ჭარბი 3000%-იანი ზემოგების საქმე კი კონკურენციის სააგენტოში განხილვის პროცესშია.პაციენტის უსაფრთხოების პროექტის ფარგლებში სამინისტრო რეალურ დროში აკონტროლებს ჭარბი ანტიბიოტიკების, ფსიქოტროპული და არასაჭირო მედიკამენტების ანგარების მიზნით გამოწერას. ამ უმწვავესი გამოწვევის მოსაგვარებლად დაწყებულია მსოფლიოში საუკეთესო პრაქტიკის მიხედვით ქვეყანაში ე.წ სანშაინის დანერგვის პროექტზე მუშაობა, სადაც ფარმაცევტულ კომპანიებს შეეზღუდებათ კლინიკებში მარკეტინგული აქტივობები და ფარმაცევტული კომპანიების მხრიდან ექიმისთვის გადახდილი ყოველი ლარი დადეკლარირდება შესაბამის საჯარო სისტემაში.ონკოლოგიის მიმართულებით მნიშვნელოვანი გაუმჯობესება მოხდა როგორც სამედიცინო სერვისის დაფარვის, ასევე წამლების შესყიდვის პირდაპირ მწარმოებლებთან დაკონტრაქტებით, რამაც საშუალოდ 50%-ით შეამცირა ძვირადღირებული წამლების ფასი და ორჯერ მეტის შესყიდვის შესაძლებლობა შეიქმნა. თუმცა, ისევ დიდ გამოწვევად რჩება სწორი ონკოლოგიური დიაგნოსტიკა და მედიკამენტების გაიდლაინების მიხედვით, კეთილსინდისიერად დანიშვნის საკითხი. ასევე, გამოვლენილია ფაქტები, როდესაც საეჭვო ქვეყნიდან ხდებოდა დაურეგისტრირებელი, საეჭვო წარმომავლობის ათასობით ცალი ონკოლოგიური მედიკამენტის შემოტანა. სამწუხაროდ, სავარაუდოდ მინიმუმ 60 ონკოლოგია ჩართული ამ სქემაში და მათ მიერ გამოწერილი ფორმა 100-ის საფუძველზე მილიონობით ლარის დაფინანსების მოთხოვნა შემოდიოდა როგორც სამინისტროში ასევე მუნიციპალიტეტებში, ხოლო ონკოლოგიური პაციენტებისთვის ხდებოდა გაურკვეველი წარმოშობის წამლის გამოწერა და გამოყენება. ამ საკითხის შესაბამისი შუალედური განხილვა უკვე მოხდა პროფესიულ საბჭოზე და საქმის მასალები გადაგზავნილია სამართალდამცავ სტრუქტურებში.სწორედ ამ და სხვა საფუძვლიანი მიზეზების გამოა რომ ვერ ხერხდება პაციენტზე ონკოლოგიისთვის დადგენილი ლიმიტის გაუქმება, ხოლო ონკოლოგიის ადრეული დიაგნოსტიკა კი საპილოტედ მხოლოდ სახელმწიფო კლინიკებში იწყება. დაზოგვის ეფექტის გათვალისწინებით კი ონკოლოგიის ჯამური ბიუჯეტი 2024 წელს 350მლნ ლარამდეა, რაც 2012 წლისთვის მხოლოდ 20მლნ ლარი იყო.დიდი უკმაყოფილება იყო ონკოლოგიური ბავშვების მკურნალობის ნაწილში. მშობლებთან არაერთი შეხვედრის შემდეგ გადავწყვიტეთ დაგვენერგა ბავშვების საზღვარგარეთ მკურნალობის პროგრამა. წინა წლის აგვისტოდან, მსოფლიოს 3 ქვეყანაში, 7 საერთაშორისო სტანდარტის მრავალპროფილურ კლინიკაში, სრულყოფილი სერვისით ვფარავთ ბავშვთა ონკოლოგიას, რომლითაც ამ დროისთვის 60-ზე მეტმა ბავშვმა უკვე ისარგებლა.მნიშვნელოვანი პროგრესი გვაქვს წამლის ხარისხის კონტროლის კუთხით. წინა წელს გავხსენით 20 წლის წინ ქვეყანაში, სამწუხაროდ, გაუქმებული წამლის ლაბორატორია.ასევე, გამკაცრდა კონტროლი ქვეყანაში წამლისა და დაუფასოებელი ფარმაცევტული პროდუქტის იმპორტზე, სადაც გამოიკვეთა მნიშვნელოვანი შეუსაბამობები ხარისხის კუთხით და კანონმდებლობის დონეზე უკვე შევიტანეთ შესაბამისი ცვლილებები. ქვეყანაში პირველად შემოვიტანეთ სამედიცინო პერსონალისთვის მინიმალური ხელფასის მექანიზმი, რომლის მეშვეობითაც სისტემაში 21000-ზე მეტ ადამიანს გაეზარდა ყოველთვიური ხელფასი.სამედიცინო მომსახურების ხარისხის გაუმჯობესების მიზნით, კლინიკებისთვის დაინერგა საერთაშორისო აკრედიტაციის ვალდებულება. რომელიც ამ კუთხით მნიშვნელოვანი წინ გადადგმული ნაბიჯია.დიაბეტიანი ბავშვები უკვე სრულად არიან უზრუნველყოფილნი 14 დასახელების საჭირო ფარმაცევტული საშუალებებით და პროგრამის ხელმისაწვდომობით უკვე მთელს ქვეყანაში.ქვეყანაში სრულიად უკონტროლოდ წარმოებდა წამლის და სამედიცინო მოწყობილებების კვლევა ადამიანებზე, რაც შესაბამისი ჩარჩო რეგულაციით, საერთაშორისო სტანდარტების მიხედვით მოწესრიგდა. კვლევის ნებართვაზე გადაწყვეტილებას წარმოდგენილი დოკუმენტაციის საფუძველზე შესაბამისი უწყებათაშორისი კომისია იღებს. ასევე მკვლევარ კომპანიას აქვს შედეგებზე პერიოდული რეპორტინგის და პაციენტის უპირობო სადაზღვევო გარანტიის ვალდებულება.დავაპრიორიტეტეთ და დღეს უკვე სრულად არის დაფარული დიალიზის სერვისის ხელმისაწვდომობა ქვეყნის მასშტაბით დამატებით 15 ქალაქში, ჯამში 49 ლოკაციაზე.მასშტაბური პროტესტი იყო სუროგაციის შეზღუდვის კანონთან დაკავშირებით, რაც უკვე პარლამენტში განსახილველად მივიტანეთ და უნდა დაიცვას ყველა ქართველის ეროვნული ინტერესი. მომზადდა და უახლოეს დღეებში შესაძლოა მთავრობას და შემდეგ პარლამენტს წარედგინოს სამედიცინო მოწყობილობების ქვეყანაში დაშვების საერთაშორისო სტანდარტების მიხედვით რეგულაცია. ეს კანონი მოაგვარებს უხარისხო სამედიცინო მოწყობილებების და მასალების ბრუნვას ქვეყანაში.რუხში, 2018 წელს აშენებულ და მიტოვებულ კლინიკაში, გავმართეთ მრავალპროფილური სერვისები და კლინიკა დღეს უკვე ათასობით ქართველ თუ საოკუპაციო ხაზს მიღმა მცხოვრებ მოსახლეობას წარმატებით ემსახურება.სასწრაფო სამედიცინო დახმარების ცენტრში სერიოზული პრობლემები იყო კლინიკებთან გარიგების კუთხით, რის გადასაზღვევადაც წარმატებით ამოქმედდა ჰოსპიტალიზაციის ავტომატიზირებული მოდული. მთელი ქვეყნის მასშტაბით უზრუნველყოფილია რეანომობილის სერვისი რომელიც ხელმისაწვდომობის გარდა ასევე უზრუნველყოფს ბიუჯეტიდან არასაჭირო თანხების არგადახდას კერძო კომპანიების ბრიგადებისთვის.დაწყებულია ქვეყნისთვის უმნიშვნელოვანესი, ექიმების აკრედიტაციის, რესერტიფიცირების, წარმატებული სტუდენტების საზღვარგარეთ გაგზავნის პროექტი.უკვე მიმდინარე წლის ბოლომდე დაგეგმილი იყო დამამთავრებელი კურსის სტუდენტების საზღვარგარეთ სასწავლებლად გაშვება, რომელიც შინაარსობრივად და ვადაში ებმოდა ახალი რესპუბლიკური კლინიკის გახსნას და უკვე უკან დაბრუნებული ექიმები მყარი ფინანსური და თანამდებობრივი გარანტიებით უნდა დასაქმდნენ სახელმწიფო კლინიკებში.ასევე უკვე დასრულებულია და უახლოეს დღეებში შესაძლებელია მრავალპროფილური სასწავლო ცენტრის გახსნა, სადაც სპეციალური სასწავლო პროგრამებით, სამინისტროში შემავალ ყველა ერთეულს ექნება გადამზადების და ტრენინგის შესაძლებლობა.პრემიერის უშუალო ძალისხმევით დავიწყეთ დევნილების განსახლების უპრეცედენტო პროგრამა, რომელიც აქტიურ ფაზაშია და უკვე წელს დაიწყება ასეულობით ბინის განაწილება, ჯამში კი 2025 წლისთვის 40000 დევნილს ექნება საცხოვრებელი.კიდევ არაერთი რეფორმა, სტანდარტი(ქირურგია, ბარიატრია, სტომატოლოგია, ნარკოცენტრები, ონკოლოგია, სასწრაფო დახმარების მანქანები და ა.შ) თუ ინიციატივა გავატარეთ, ყველაფერს აქ ვერ ჩამოვთვლი და ყველა დაინტერესებულს შეუძლია ამის მარტივად ნახვა.მე, ჩემს საამაყო გუნდთან ერთად შევძელი ისტორიის ერთი მოკრძალებული ფურცელი დამეწერა.მადლობა მათ მრავალსაათიან შრომაში გატარებული ყოველი დღისთვის. ბედნიერი ვარ, რომ არ დარჩა არცერთი მნიშვნელოვანი რეფორმა, რომელიც არ გავატარეთ ან იდენტიფიცირებული და პროცესში არაა.რასაკვირველია, სახელმწიფო კლინიკების როლის გაძლიერება და მათ შორის, თბილისის რესპუბლიკური კლინიკა ჩვენი უმთავრესი პრიორიტეტი იყო. ბოლო 20 წელია შენობის უპერსპექტივობაზე არაერთი დასკვნა თუ შეფასება გაკეთდა, მაგრამ სისტემაში როგორც სხვა მასშტაბური რეფორმები, ესეც არასდროს დაწყებულა.შესაბამისად, იმ ნიშნულამდე, წელს თებერვლის თვეში სადაც პროექტი მივიყვანეთ, არასდროს არავინ მისულა. მჯერა რომ ის სამოქმედო გეგმა, რაც დაწყებული გვქონდა, სხვა განხილული ალტერნატივებისგან განსხვავებით, მნიშვნელოვნად ნაკლები დანახარჯებით და ეკონომიკური ეფექტით რამდენიმე წელიწადში მიიყვანდა ქვეყანას უკონკურენტო, თანამედროვე, მრავალპროფილური სამკურნალო დაწესებულების შექმნამდე.ჩემს ორწლიან ძალისხმევაში შედეგებს 90% და პიარულ აქტივობებს 10% ეთმობოდა, რაც დღევანდელი გადმოსახედიდან ვრწმუნდები, რომ ალბათ შესაცვლელი პროპორციაა. ჩვენი ყველა გადაწყვეტილება ხომ ქვეყნისთვის გრძელვადიანი შედეგის მისაღებად იყო გათვლილი და არა ერთდღიან პიარაქტივობაზე.ყოველთვის ვფიქრობდი, რამდენი ძალა, რამდენი სიმართლე იყო ასეთი ჩვენი გადაწყვეტილებების უკან, როცა მძლავრი დაჯგუფებების ბიზნესინტერესების მიუხედავად, 2 წლის მანძილზე ვინარჩუნებდი პოსტს, დღეს კი ღირსეულად, ამაყმა დავტოვე დროებითი თანამდებობა.წარმატებას ვუსურვებ მომავალ მინისტრს, რომელიც დარწმუნებული ვარ, კიდევ უფრო უკეთესი მენეჯერული უნარებით გულწრფელად გააგრძელებს ჩვენს მონაპოვარს, აღარასდროს დაბრუნდება ის დრო, რაც დამხვდა და, შესაბამისად, მოსახლეობა და ბიუჯეტი კიდევ უფრო დაცული იქნება, კეთილდღეობა კი ყველა მოქალაქეზე აისახება. მე კი ვრჩები ჩემი ქვეყნის რიგით ჯარისკაცად და სამინისტროს გულმხურვალე გულშემატკივრად“, - წერს ზურაბ აზარაშვილი. 

1709541307

„რაც შეეხება ახალ მინისტრს, ეს დღეს გადაწყვეტილი საკითხია, ჩვენ გვექნება კონსულტაციები გუნდის წევრებთან და ასევე, შეიძლება, დარგის წარმომადგენლებთან. ჯანსაღი პროცესი გვექნება. გუნდის წევრებზე რომ მაქვს საუბარი, ჩვენი გუნდის ლიდერი და საპატიო თავმჯდომარეა ბატონი ბიძინა ივანიშვილი.რა თქმა უნდა, სადაც საჭიროა გუნდთან კონსულტაციები, პირველ რიგში ბიძინა ივანიშვილია. რაც შეეხება იმას, ვინ იქნება ჯანდაცვის მინისტრი, ეს ფართო კონსულტაციებით უნდა გადაწყდეს“, - განაცხადა პრემიერმა.

1709282454

მთავრობის პრეს–სამსახურის ცნობით, საქართველოს პრემიერ-მინისტრი ირაკლი კობახიძე ესაუბრა ჯანდაცვის მინისტრს, რის შემდეგაც ზურაბ აზარაშვილმა თანამდებობა დატოვა.პრეს–სამსახურის ცნობით, ჯანდაცვის ახალ მინისტრს მთავრობის მეთაური უახლოეს დღეებში წარადგენს.ზურაბ აზარაშვილი ჯანდაცვის მინისტრის თანამდებობაზე 2021 წლის 27 დეკემბერს დაინიშნა. მანამდე იგი თავდაცვის მინისტრის მოადგილე იყო. ჯანდაცვის მინისტრის თანამდებობაზე მაშინ აზარაშვილმა ეკატერინე ტიკარაძე ჩაანაცვლა, რომელიც თანამდებობიდან იმავე წლის 9 დეკემბერს გადადგა.

1709282169