დავით ნარმანიამ აღნიშნა, რომ ენერგეტიკის სექტორში მნიშვნელოვანი ცვლილებები განხორციელდა ევროპული პრაქტიკისა და სტანდარტების დანერგვის კუთხით.„სემეკთან არსებულ ენერგეტიკის სასწავლო ცენტრს ეძლევა შესაძლებლობა ევროკავშირის პროექტთან - EU4Energy-სთან ერთად უმასპინძლოს კონფერენციას მდგრადი გათბობისა და ენერგოეფექტურობის შესახებ. კონფერენცია შესაძლებლობას აძლევს მონაწილეებს განიხილონ ენერგოეფექტურობის საკითხები, თანამედროვე ტენდენციები, მარეგულირებელი ჩარჩოები და ხელი შეუწყონ ახალი მიდგომების დამკვიდრებას. საქართველო დიდ ყურადღებას ანიჭებს ენერგოეფექტურობის საკითხების სრულყოფას. მნიშვნელოვანია ენერგიის დაზოგვის, ენერგიის მიწოდების უსაფრთხოების, ენერგოდამოუკიდებლობის გაზრდა, ასევე ენერგეტიკულ ბაზარზე ენერგოეფექტიანობის გაუმჯობესების ხელშემშლელი დაბრკოლებების მაქსიმალურად აღმოფხვრა.მნიშვნელოვანია ცენტრალური გათბობის მიმართულება, რასთან დაკავშირებითაც განსხვავებული მოთხოვნები და მიდგომები არსებობს სხვადასხვა ქვეყანაში, მათი კლიმატური პირობებიდან და პოლიტიკის სპეციფიკიდან გამომდინარე. გათბობის სისტემებს სათბურის გაზების ემისიაში დიდი წვლილი შეაქვს. რეგულაციებით, რომლებიც ხელს უწყობენ ენერგოეფექტიანობას და განახლებადი ენერგიის წყაროების გავრცელებას გათბობის სექტორში, შესაძლებელია მნიშვნელოვნად შემცირდეს ემისიები. ამასთანავე, საყურადღებოა, რომ ეფექტური გათბობის სისტემების საშუალებით მომხმარებელს შეუძლია დაზოგოს ენერგიაზე გადასახადები.მარეგულირებელი ორგანოების პრეროგატივაა აღნიშნული მიმართულებით ეფექტიანი ღონისძიებების განხორციელება. მათ შორის, განახლებადი ენერგიის განვითარების ხელშეწყობა, შესაბამისი სტანდარტების შემუშავება, გამჭვირვალობისა და მომხმარებელთა ინფორმირებულობის ზრდა, სტანდარტებისა და რეგულაციების შესრულების მონიტორინგი“, - აღნიშნა დავით ნარმანიამ.კონფერენციის მონაწილეებს სიტყვით მიმართეს საქართველოში ევროკავშირის წარმომადგენლობის განვითარებისა და თანამშრომლობის ხელმძღვანელმა ნიკოლას სენდროვიჩმა, ევროპის ენერგეტიკის მარეგუილრებელთა საბჭოს გენერაკურმა მდივანმა მარა ბერზინამ, საქართველოს ეკონომიკისა და მდგადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსმა ჯუბო ტურაშვილმა, სემეკთან არსებული ენერგეტიკის სასწავლო ცენტრის დირექტორმა ნუგზარ ბერიძემ.საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ენერგეტიკის სასწავლო ცენტრისა და ევროპის ენერგეტიკის მარეგულირებელთა საბჭოს ორგანიზებით 15-16 აპრილს, ქ. თბილისში მდგრადი გათბობისა და ენერგოეფექტურობის შესახებ საერთაშორისო კონფერენცია იმართება. მასში მონაწილეობას იღებენ სემეკის, ეკონომიკისა და მდგრადი განვითარების სამინისტროს, ენერგეტიკის სექტორში მოქმედი ორგანიზაციების, არასამთავრობო სექტორის, ენერგეტიკის სასწავლო ცენტრისა და სხვადასხვა საერთაშორისო ორგანიზაციების ხელმძღვანელი პირები, ქართველი და უცხოელი ექსპერტები. კონფერენცია ტარდება ევროპის ენერგეტიკის მარეგულირებელთა საბჭოს „აღმოსავლეთ პარტნიორობის ქვეყნებში სუფთა ენერგიებზე ტრანზაქციის ხელშეწყობის“ ევროკავშირის პროექტის EU4Energy-ს ფარგლებში. EU4ENERGY-ს ინიციატივა დაფინანსებულია ევროკავშირის მიერ 8.5 მილიონი ევროს ოდენობით და ერთობლივად ხორციელდება ევროპის ენერგეტიკის მარეგულირებელთა საბჭოს (CEER), ენერგეტიკის საერთაშორისო სააგენტოს (IEA) და ენერგეტიკული გაერთიანების სამდივნოს (EnCS) მიერ.

1713170614

საქართველოს ელექტროენერგიის ბაზარზე, ბოლო 28 წლის განმავლობაში, 1996 წელს სათბობ-ენერგეტიკის სამინისტროს შექმნიდან, 2023 წელს ელექტროსადგურების მშენებლობის ხელშემწყობი ახალი მექანიზმის ამოქმედებით დასრულებული, არაერთი გარდამტეხი ცვლილება განხორციელდა.2015-2023 წლის პერიოდში, საქართველოში ელექტროენერგიის სექტორში ჯამურად 1.2 მილიარდი დოლარის ინვესტიცია განხორციელდა. ელექტროენერგიის ჯამური დადგმული  სიმძლავრე 549 მგვტ-ით გაიზარდა. დღევანდელი მდგომარეობით, საქართველოს ჰიდროენერგიის მაქსიმალური პოტენციალის 47%, ქარის ენერგიის - 2%, მზის ენერგიის კი 0% აქვს ათვისებული.ელექტროენერგიის მოხმარების გრძელვადიანი ტენდენცია მზარდია. 2023 წელს მოხმარება, ძირითადად, მსხვილი კონტრაქტორების ხარჯზე შემცირდა, რაც ეპიზოდურ მოვლენას წარმოადგენს.სექტორებში ყველაზე მეტ ელექტროენერგიას მეტალურგია მოიხმარს. 2023 წელს მეტალურგიის შემდეგ, ყველაზე მეტი ელექტროენერგია წარმოების სექტორმა, კრიპტოინდუსტრიამ, წყალმომარაგებამ და სატრანსპორტო ინდუსტრიამ მოიხმარეს. თუმცა მეტალურგიასა და კრიპტოინდუსტრიაში ელექტროენერგიის მოხმარებამ, 2022-2023 წლებში, წინა წლებთან შედარებით, მნიშვნელოვნად იკლო. მეტალურგიის სექტორში კლება, რეგიონში გეოპოლიტიკური მდგომარეობის გაუარესებით და გლობალურად ფასების კლებით აიხსნება. კრიპტოინდუსტრიაში მოხმარების შემცირება კი, მსხვილი კომპანიების ქართული ბაზრიდან გასვლითაა გამოწვეული.დღეისთვის, ელექტროენერგიის ჯამური დადგმული სიმძლავრე დაახლოებით 4,600 მეგავატს შეადგენს. 2017 წლიდან, გარანტირებული სიმძლავრის შესყიდვის ტარიფებზე - PPA-ზე მორატორიუმის გამოცხადების შედეგად, დარგში ინვესტირება შენელდა. ახალი მხარდამჭერი მექანიზმი კი დარგის გააქტიურებას გამოიწვევს.2023 წელს ქვეყანაში გამომუშავებული ელექტროენერგიის 74% ჰიდროსადგურებმა, 26% - თბოსადგურებმა, 4.6% კი ქარის სადგურებმა გამოიმუშავეს. 2015-2023 წლებში, ჰიდროგენერაცია 28%-ით, თბოგენერაცია კი 42%-ით გაიზარდა. ზრდებს შორის სხვაობა განახლებადი რესურსების დამატებით საჭიროებაზე მიანიშნებს.აღსანიშნავია, რომ ბოლო წლებში, საქართველოს ენერგოსექტორი ნაკლებად ხდება იმპორტზე დამოკიდებული და გენერაციის მზარდი წილი გადის ექსპორტზე. 2023 წელს გენერაციის 10% გავიდა ექსპორტზე. იმპორტის წილმა მოხმარებაში კი 6% შეადგინა, რაც 2022 წელს 11% იყო.ელექტროენერგიის ბაზრის მომავალს შემდეგი მოვლენები და ტენდენციები განსაზღვრავს: საქართველოს ენერგოდამოუკიდებლობის და მდგრადი განვითარების მიზნები; ელექტროენერგეტიკული ბირჟა; ევროკავშირთან ინტეგრაცია; მსოფლიოში ელექტრონულ მოწყობილობებსა და ელექტროავტომობილებზე მოთხოვნის ზრდა; გეოპოლიტიკური დაძაბულობა და ევროპის ენერგოდამოუკიდებლობის საჭიროება; კლიმატის ცვლილება და მდგრადი ენერგო პოლიტიკა; მზის პანელების ფასის შემცირება/ტექნოლოგიების განვითარება და ელექტროენერგიით თვითუზრუნველყოფა.მაღალი ეკონომიკური აქტივობა ელექტროენერგიაზე მოთხოვნას  ზრდის. პროგნოზის მიხედვით, 2024 წელს ელექტროენერგიის მოხმარება წლიურად 5.1%-ით გაიზრდება. მოხმარების ზრდის განმაპირობებელი ფაქტორებია: შემოსავლების ზრდა, საცხოვრებელი პირობების გაუმჯობესება, ოჯახის ზომის შემცირება, ურბანიზაცია; საქართველოს სატრანსპორტო დერეფნის გააქტიურება; ელექტრონული მოწყობილობების მზარდი მოხმარება.2026 წლისთვის, ელექტროენერგიის გამომუშავება 16.3 ტვტ. საათს მიაღწევს, ძირითადად, ჰიდროენერგიის ხარჯზე.რაც შეეხება ექსპორტის პოტენციალს - საქართველოს მეზობელ ქვეყნებთან ენერგიის სტაბილური მიმოცვლის შესაძლებლობები აქვს, რაც მომდევნო წლებში კიდევ უფრო მეტად გაძლიერდება. თურქეთის ბაზარზე მოსალოდნელია მოთხოვნის უფრო სწრაფად ზრდა, ვიდრე გამომუშავების, რაც იმპორტის დამატებით საჭიროებას შექმნის.მომდევნო 3 წელიწადში, საქართველოში ელექტროენერგიის ჯამური საექსპორტო პოტენციალი 2.5 ტვტ. საათს გადააჭარბებს.2029 წელს დაგეგმილია შავი ზღვის წყალქვეშა კაბელის პროექტის გაშვება, რომელიც  წყალქვეშა მაღალი ძაბვის გადამცემი ქსელის მოწყობას და საქართველოსა და ევროპის ელექტროენერგეტიკული სისტემების  ერთმანეთთან დაკავშირებას ითვალისწინებს. 1,155 კილომეტრი სიგრძის კაბელი რუმინეთს დაუკავშირდება, რაც საქართველოსა და აზერბაიჯანს საშუალებას მისცემს, გაფართოებული საექსპორტო შესაძლებლობებით ისარგებლონ. ამასთან, პროექტის რეალიზაცია ხელს შეუწყობს ევროპისა და სამხრეთ კავკასიის რეგიონის ენერგეტიკული უსაფრთხოების გაძლიერებასა და განახლებადი ენერგიის სექტორის განვითარებას. პროექტის ფარგლებში, 2024 წლის ივლისში ტექნიკურ-ეკონომიკური კვლევა დასრულდება და გარემოსდაცვითი და სოციალური ზეგავლენის შეფასების რეპორტი მომზადდება."დარგში არსებული პოტენციალისა და ტენდენციების ჩვენი პარტნიორებისთვის გაზიარება, ძალიან დროული იყო რადგან იმისთვის, რომ ქვეყანამ გაიუმჯობესოს ენერგოუსაფრთხოება და შეამციროს იმპორტირებულ ენერგომატარებლებზე დამოკიდებულება, მაქსიმალურად უნდა ავითვისოთ არსებული განახლებადი რესურსი. სწორედ ქვეყნის ენერგოდამოუკიდებლობის მოპოვებას ემსახურება ყველა ის ჰესი, რომლებიც ჩვენი მხარდაჭერით ოპერირებს. თიბისის დაფინანსებით, საქართველოს მასშტაბით, ჯამში 42 ჰიდროელექტროსადგურია აშენებული ჯამური დადგმული სიმძლავრით 516 MW, საიდანაც 31 უკვე ოპერირებს, 11 კი მშენებლობის პროცესშია. აღსანიშნავია, რომ 2023 წელს ქვეყნის ელექტროენერგიის 65% სწორედ ჩვენი პარტნიორი ჰიდრო ობიექტების მიერ იყო გამომუშავებული. 15 წელიწადზე მეტია ენერგეტიკის სექტორს ვაფინანსებთ და პირველი ფინანსური ინსტიტუტი ვართ ბაზარზე, ვინც ამ დარგის პარტნიორი გახდა", - გიორგი თხელიძე, თიბისის გენერალური დირექტორის მოადგილე.

1712922900

ღონისძიება „თიბისი კაპიტალის" ორგანიზებით გაიმართა და მასში მონაწილეობა მიიღეს ელექტოენერგიის ბაზარზე მომუშავე პრაქტიკულად, ყველა მხარის - საჯარო უწყებების და კერძო ბიზნესების, საფინანსო და დონორი ორგანიზაციების წარმომადგენლებმა, ასევე დარგის ექსპერტებმა და საბანკო სექტორმა. ღონისძიების მთავარმა სპიკერებმა ისეთ მნიშვნელოვან საკითხებზე ისაუბრეს, როგორიცაა: ელექტროენერგიის გენერაციის, ფასის და მოხმარების დინამიკა, ბაზრის დერეგულაცია, დარგის მხარდაჭერის ახალი სქემა, სიმძლავრის აუქციონები, მსოფლიო ტენდენციები, ევროპასთან დაკავშირებადობა - შავი ზღვის წყალქვეშა პროექტი და სხვა.როგორც ლევან დავითაშვილმა თავის გამოსვლაში აღნიშნა, საქართველოს ელექტოენერგიის გენერაციის დიდი პოტენციალი აქვს, თუმცა, რეალიზების კუთხით ის სრულად არ არის ათვისებული. შესაბამისად, მნიშვნელოვანია ამ პროცესში კერძო სექტორთან, ინვესტორებთან და დეველოპერებთან დიალოგი, მათ შორის მხარდაჭერის მექანიზმებზე. მისი თქმით, საქართველოს ელექტროენერგიის ბაზრის განვითარება და ამ პროცესში კერძო სექტორთან თანამშრომლობა განსაკუთრებით მნიშვნელოვანია ელექტროენერგიის მოხმარების ზრდის მსოფლიოში არსებული ტენდენციის ფონზე.„დიალოგს არ აქვს ალტერნატივა, რათა ჩვენი პოლიტიკა კიდევ უფრო ადეკვატური და სექტორის განვითარების მხარდამჭერი იყოს. ბოლო დღეებში არაერთი შეხვედრა გაიმართა, სადაც სახელმწიფოს მხარდაჭერის ძირითადი პრინციპები კერძო სექტორთან შევაჯერეთ - რომ ის უფრო ქმედითი იყოს და რეალურად განხორციელებული პროექტები მივიღოთ დროში უფრო სწრაფად. დღესაც „თიბისი კაპიტალთან" გვექნება მსჯელობა დაფინანსების წყაროებზე, რომ მასქიმალურად მოკლე დროში შევძლოთ პროექტები გადავიყვანოთ რეალიზების, განხორციელების ეტაპზე. ვფიქრობ რომ სახელმწიფოს მხრიდან მხარდამჭერი მექანიზმი ფასის კუთხით არის ძალიან ქმედითი, თუმცა, ჩვენ მზად ვართ, განვიხილოთ სხვა  მექანიზმებიც, რომელიც კიდევ უფრო დააჩქარებს ამ პროცესს", - განაცხადა ეკონომიკის მინისტრმა.ამასთან, ლევან დავითაშვილმა ხაზი გაუსვა, რომ ეკონომიკის სამინისტრო აქტიურად მუშაობს ელექტროენერგიის ბაზრის განვითარების, მათ შორის საკანონმდებლო კუთხით, რაც კერძო სექტორის, ინვესტორებისა და დეველოპერების საქმიანობაზე პოზიტიურ გავლენას მოახდენს.ასევე მან აქცენტი გააკეთა განახლებადი წყაროების ენერგო პროექტების მნიშვნელობაზე და მათი განხორციელების პროცესში სახელმწიფო და კერძო სექტორის, ასევე მოსახლეობასთან სწორი კომუნიკაციის საკითხზე - იქნება ეს გარემოს დაცვის, სოციალური საკითხები თუ სხვა.„ვფიქრობ, რომ მოსახლეობის მეტი ინფორმირებულობა და ასევე კონკრეტული, წამახალისებელი მექანიზმები, რომლებიც უპასუხებს მათ ინტერესებს,  გადამწყვეტი იქნება იმ პროცესში, რომ  განახლებადი წყაროებიდან პროექტები უფრო მალე განვახორციელოთ", - აღნიშნა ლევან დავითაშვილმა.

1712919430

საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარის, დავით ნარმანიას ინფორმაციით, შესაბამისი კანონპროექტი მთავრობას უკვე გადაეგზავნა.„ჯარიმების გაზრდაზე კომისიას არაერთხელ აქვს დაყენებული საკითხი საქართველოს პარლამენტის წინაშე და არსებობს კიდეც კანონპროექტი, რომელიც ენერგეტიკის სექტორში ჯარიმების გაზრდას ითვალისწინებს. მარეგულირებელი კომისია მიიჩნევს, რომ დღეს მოქმედი კანონმდებლობით განსაზღვრული მაქსიმალური ჯარიმა 75 000 ლარი არ არის საკმარისი ზოგიერთი ტიპის სამართალდარღვევის პრევენციის ან შესაბამისი ადმინისტრაციულად დასჯის საკომპენსაციოდ.აქედან გამომდინარე, კომისია მიიჩნევს, რომ ჯარიმის მოცულობა უნდა გაიზარდოს 500 000 ლარამდე და მარეგულირებელ კომისიას უნდა მიენიჭოს მანდატი, რომ მან დაადგინოს დაჯარიმების წესი. აქედან გამომდინარე, მოვამზადეთ კანონპროექტი, მივაწოდეთ ეკონომიკის სამინისტროს, რათა მთავრობის მეშვეობით შევიდეს საქართველოს პარლამენტში დასამტკიცებლად. იმ შემთხვევაში, თუ კანონით იქნება ჯარიმების გაზრდა განსაზღვრული, მარეგულირებელ კომისიას მომზადებული აქვს შესაბამისი წინადადებები, რა ტიპის სამართალდარღვევაზე რა მოცულობის ჯარიმები უნდა იყოს. ეს ყველაფერი დადგენილი და დამტკიცებული იქნება წესებით. აქედან გამომდინარე, როცა ძალიან მნიშვნელოვან დარღვევასთან, შესაძლოა, გვქონდეს საქმე, კომისიას ექნება უფლებამოსილება, გამოიყენოს მაქსიმალური ჯარიმა 500 000 ლარის ოდენობით, თუმცა ეს არა ყოველთვის. კომისია ყოველთვის ცდილობს, სამართალდარღვევისას ადეკვატური ჯარიმა გამოიყენოს. ევროპაში ძალიან მაღალია, სხვათა შორის ,ჯარიმები, გაცილებით მაღალი, ვიდრე ჩვენ ვითხოვთ, თუმცა ვფიქრობთ, რომ, ჩვენთან არსებული ბრუნვების, გარემოს და სოციალურ-ეკონომიკური ფაქტორების გათვალისწინებით, ეს მოცულობა, რაც ჩვენ განვსაზღვრეთ, არის ოპტიმალური“, – განაცხადა სემეკ-ის თავმჯდომარემ.შეკითხვაზე, რა შემთხვევაში დაეკისრება კომპანიას ნახევარი მილიონი ლარის სანქცია, დავით ნარმანია განმარტავს, რომ კომპანიის მხრიდან მასობრივად თუ ირღვევა მომხმარებელთა უფლებები ან არ სრულდება მარეგულირებელი კომისიის მოთხოვნები, მითითებები, ასეთ დროს სემეკ-ს შესაძლებლობა უნდა ჰქონდეს, კომპანიის წინააღმდეგ მკაცრი სანქციები გაატაროს.„კომპანიას მარეგულირებელი კომისია როცა მიუთითებს, რომ მომხმარებლის უფლებები ირღვევა, რაღაც შემთხვევებში მასობრივად ერიცხება მომხმარებელს ზედმეტი თანხები და ამისთვის ცალკე გადაწყვეტილების მიღება, დაჯარიმება უწევს, როცა მომხმარებელთა დიდ კატეგორიას ეხება და წინასწარ არის განსაზღვრული ან მარეგულირებელი კომისიის მოთხოვნების, მითითებების შეუსრულებლობას აქვს ადგილი, ასეთ შემთხვევაში კომისიას უნდა ჰქონდეს მანდატი, გამოიყენოს უფრო მაღალი ჯარიმა, ვიდრე დღეს არის განსაზღვრული კანონმდებლობით“, – აღნიშნა ნარმანიამ.

1712918839

მისივე თქმით, თუ საქართველომ ეს პოტენციალი არ აითვისა, მაშინ ენერგეტიკის თვალსაზრისით დაუცველი დარჩება.„იმ შემთხვევაში თუ არ განვავითარეთ ჩვენი ენერგო სიმძლავრეები ვიქნებით აბსოლუტურად დაუცველები ენერგეტიკული თვალსაზრისით. სხვა სიტყვებით რომ ვთქვათ, ენერგეტიკული მდგრადობა საქართველოსი არ იქნება ჩვენზე დამოკიდებული, რაც რასაკვირველია, საფრთხის შემცველია და ეს ასე არ უნდა იყოს.სტატისტიკას რომ ჩავხედოთ ვნახავთ, რომ ადგილზე თბოსადგურების მიერ წარმოებული ენერგია საკმაოდ დიდი მოცულობისაა, რაც ერთი შეხედვით დადებით შეხედულებებს გვიყალიბებს, მაგრამ გვავიწყდება, რომ ეს თბოსადგურებიც იმპორტირებულ ნედლეულზე მუშაობენ. შესაბამისად, ქვეყანა მაინც დამოკიდებულია იმპორტზე. საქართველოს ენერგეტიკული დამოუკიდებლობის მიღწევის შესაძლებლობა არსებობს დიდი ჰიდრო პროექტების, როგორებიცაა ნამახვანი, ნესკრა, ჰუდონი განვითარებით. აქვე აღვნიშნავ, რომ დღესდღეობით მზისა და ქარის ენერგია ვერ ჩაგვინაცვლებს სრულად ჰიდრო რესურსებიდან გენერირებულ ენერგიას. ამიტომ, მსხვილი ჰესების მშენებლობა ქვეყნისთვის უმნიშვნელოვანესია“, - აცხადებს გიორგი ფანგანი.აქვე შეგახსენებთ, რომ ამჟამად ქვეყნის მომარაგების 68%-ზე მეტი სწორედ ჰესებიდან მოდის, ხოლო ქვეყნის შიდა გენერაციის მხრივ ჰესების წილი დაახლოებით 80%-ს წარმოადგენს.წყარო: energynews.ge

1712826503

„ბუნებრივი გაზის ქსელის რეაბილიტაციის გამო, ხვალ – 11 აპრილის 12.30 სთ-დან 19:00 საათამდე გაზის მიწოდება შეუწყდება: ქ. წამებულის (წმ. ქეთევან დედოფლის) გამზ. 63ა, 63ბ, 65, 67, 69, სტეფანე ჭრელაშვილის ქ. 1, ჩოლოყაშვილის I კვ-ში მდებარე საცხოვრებელი კორპ. 1 (ბერი გაბრიელ სალოსის გამზ. 9), 2 (ბერი გაბრიელ სალოსის გამზ. 11), 3 (ბერი გაბრიელ სალოსის გამზ. 13), 4 (ბერი გაბრიელ სალოსის გამზ. 15) 5 (ბერი გაბრიელ სალოსის გამზ. 17), ჩოლოყაშვილის ქ. 57-1 (ბერი გაბრიელ სალოსის გამზ. 37), 57-2 (ბერი გაბრიელ სალოსის გამზ. 41), 57-3 (ბერი გაბრიელ სალოსის გამზ. 35), 57-4 (ბერი გაბრიელ სალოსის გამზ. 39), ჩოლოყაშვილის ქ. 1/1 (გაბრიელ სალოსის გამზ. 3), ჩოლოყაშვილის ქ. 1/2 (გაბრიელ სალოსის გამზ. 5) ჩოლოყაშვილის ქ. 1/3-ში (გაბრიელ სალოსის გამზ. 1), ჩოლოყაშვილის ქ. 1-7/1 (მიხეილ აბრამიშვილის ქ. 37), ჩოლოყაშვილის ქ. 48ა (ბერი გაბრიელ სალოსის გამზ. 48ე), ლერწმის ქ. 1-ში მდებარე შპს ,,თბილის ჰაუსი”-ს საცხოვრებელი კორპუსის მოსახლეობას, ჩოლოყაშვილის II კვ-ში მდებარე კორპ. 1-ის მიმდებარედ შპს ,,ჰაუს დეველოპმენტი”-ს, ბერი გაბრიელ სალოსის მოედ. 3-ში მდებარე შპს ,,ასორტი გრუპი”-ს საცხოვრებელი კორპუსის, ბაღდადის (რიჩარდ-ჰოლბრუკის), ნავთლუღის ქ. 10-ში მდებარე შპს ,,პრაიმ არქი”-ს საცხოვრებელი კომპლექსის, ნავთლუღის ქ. 33-ში მდებარე შპს ,,ჯი ემ თი”-ს, საექიმოს გასავალის (ვლ. ლობჟანიძის), სოლომონ დოდაშვილის, რთველაძის, ჩკალოვის, ბაღდადის (რიჩარდ ჰოლბრუკის), ჰოსპიტლის შეს-ის, სამხედრო ქალაქის, ასევე ლერწმის, მეგობრობის, წერნაკის, II, III დოლაბაურის, კაჭარავას, უჯარმის, პატარძეულის, ორთაჭალის ტურფის ტერიტორიაზე მდებარე საცხოვრებელი კომპლექსის (არტურ ლაისტის ქ. 3, 5, 6, 7, 9, 11-ის კორპუსების მოსახლეობა), არტურ ლაისტის ქ. 13-ში მდებარე შპს ,,ევრომშენი 21”-ის, ლაისტის ქ. 4-ში მდებარე შპს ,,ტიფლისი”-სა და შპს ,,ორთაჭალის თაუერი”-ს საცხოვრებელი კორპუსების, ასევე მიმდებარედ - ნიკოლა ბაჟანის, მარჯორი უორდროპის, არტურ ლაისტის მეგობრობის, აჰმედ ჯავადის, მიხეილ აბრამიშვილის, გრიგოლ აფშინაშვილის, მეგობრობის, ბერი გაბრიელ სალოსის გამზ-ზე, მალხაზოვის შესახვევებში, მანავის, ალექსანდრე ამილახვრის, ჩოლოყაშვილის, ორთაჭალის ტურფის მიმდებარედ, ლერწმის ქუჩის მიმდებარედ, ჩოლოყაშვილის (ახლ. ბერი გაბრიელ სალოსის გამზირის დასაწყისი) ქუჩის მიმდებარედ – მტკვრის სანაპიროზე მცხოვრებ კერძო სექტორის მოსახლეობას, აგრეთვე აღნიშნულ ტერიტორიაზე განთავსებულ კომერციულ ობიექტებს – შპს ,,ძველი უბანი 2”-ს, შპს ,,ლიონს”-ს, რესტორან ,,ასტორია“-ს, ბაგა-ბაღი # 215-ს, შპს ,,თბილისის ჰუმანიტარულ უნივერსიტეტს“, შპს ,,მონიო”-ს, ისანი-სამგორის კომპლექსურ სპორტულ ცენტრს. ასევე გაზმომარაგება შეუწყდათ - დოდაშვილის მოედანზე მდებარე გაზგასამართ სადგურ ,,ვისოლს”, ნავთლუღის ქუჩაზე - ისანი-სამგორის რაიონის გამგეობას, პოლიციის შენობას, ჩოლოყაშვილის ქუჩაზე – საცურაო აუზს ,,ოლიმპი” - შპს ,,მონიო”-ს, ჰუმანიტარულ უნივერსიტეტს, ჩოლოყაშვილის ქ. 48-ში - ,,ფრესკო შოპინგ ცენტრს”, შპს ,,ჯნეს 777” – რესტორანი ,,ასტორია”, #215 საბავშვო ბაგა-ბაღს, საექიმოს ქუჩაზე – საქართველოს სახელმწიფო დაცვის სპეციალურ სამსახურს, ნავთლუღის ქუჩაზე – ისანი მოლს, სუპერმარკეტ ,,კარფურს” (შპს ,,ქროსი 2”), ქ. წამებულის გამზ. 69-ში - სს ,,სამედიცინო კორპორაცია ევექსს”, ნავთლუღის ქ. 11-13-ში – შპს ,,ავერსის კლინიკა”-ს, შპს ზოგადსაგანმანათლებლო სკოლა ,,ინტელექტს”, დოდაშვილის ქუჩაზე – საკონდიტრო ,,ნარცისს”, ბაღდადის ქუჩაზე – შპს ,,რივერ ჰოლ თბილს”, ი/მ ელიზა კაპანაძეს და ზემოთ აღნიშნულ ტერიტორიაზე განთავსებულ სხვა კომერციულ-კომუნალურ ობიექტებს.ბუნებრივი გაზი დროებით, ქსელის რეაბილიტაციის გამო გაეთიშება 9200 აბონენტს.გაზმომარაგების აღდგენა დაიწყება 11 აპრილს 19.00 სთ-დან და ეტაპობრივად დასრულდება პარასკევს 12 აპრილის - 18.00 საათზე.„თბილისი ენერჯი“ ბოდიშს გიხდით შექმნილი დისკომფორტის გამო. ქსელზე რეაბილიტაციის ჩატარება აუცილებელია დედაქალაქისათვის ბუნებრივი გაზის უსაფრთხო და უწყვეტი მიწოდებისთვის.გთხოვთ ყურადღება მიაქციეთ გაზზე მომუშავე დანადგარებს და დაიცავით უსაფრთხოების წესები“,- აღნიშნულია ინფორმაციაში.

1712742060

„ენერგეტიკის ტურიზმის განვითარებისათვის“ ტრენინგ კურსი შეიქმნა სპეციალურად გიდებისთვის და მისი მიზანია საქართველოს ენერგეტიკის ისტორიის, ტექნიკური მახასიათებლებისა და პერსპექტივების შესახებ გიდებისთვის დეტალური ინფორმაციის მიწოდება. „დასრულდა რიგით მეორე ტრენინგ კურსი, რომლის ფარგლებშიც გიდებს მიეწოდათ ყველა საჭირო ინფორმაცია ენერგეტიკის სექტორის შესახებ. აღნიშნული კურსის მიმართ ინტერესი მზარდია და მზად ვართ, ენერგეტიკის სასწავლო ცენტრის ფარგლებში ხელი შევუწყოთ ყველა მოქმედი თუ მომავალი გიდის კვალიფიკაციის ამაღლებას ენერგეტიკის საკითხებში“, -  განაცხადა დავით ნარმანიამ.„ენერგეტიკის ტურიზმის განვითარებისათვის“ ტრენინგ კურსის ფარგლებში მონაწილეები გაეცნენ ენერგეტიკულ ტერმინოლოგიას, საქართველოს ელექტროენერგეტიკული სისტემის ფუნქციონირებისა და რეგულირების საკითხებს, ჰიდრო და თბოენერგეტიკის ისტორიას.სერტიფიკატების გადაცემის ღონისძიებაზე სიტყვით წარდგნენ ენერგეტიკის სასწავლო ცენტრის კონსულტანტი თემურ თორდინავა და საქართველოს გიდების ასოციაციის წევრი ზაზა ჭითანავა. 

1712582623

შეხვედრაზე გამოცხადდა განახლებადი წყაროებიდან ენერგიის წარმოებისა და გამოყენების მხარდაჭერის სქემის ფარგლებში გამოცხადებული სიმძლავრის მეორე აუქციონის პირველადი შედეგები, მათ შორის, მედიანური ტარიფი.აღსანიშნავია, რომ რიგით მეორე სიმძლავრის აუქციონი 800 მგვტ ჯამური სიმძლავრით საქართველოს ეკონომიკისა და მდგრადი განვითარების სამინისტრომ 2023 წლის 30 დეკემბერს, 2022 წლის 7 დეკემბრის N556 დადგენილების შესაბამისად, გამოაცხადა, რაც პირველი აუქციონის ოდენობას თითქმის სამჯერ აღემატება.აუქციონი გამოცხადდა 800 მგვტ სიმძლავრეზე, მათ შორის: ჰიდროელექტროსადგურები (მარეგულირებელი) – 300 მგვტ; საათობრივი რეგულირების ჰიდროელექტროსადგური (1-4 სთ) – 50 მგვტ; დღიური რეგულირების ჰიდროელექტროსადგური (4-8სთ) – 100 მგვტ; დღეზე მეტი რეგულირების ჰიდროელექტროსადგური (8სთ >) - 150 მგვტ; ჰიდროელექტროსადგურები მოდინებაზე - 100 მგვტ; ქარის ელექტროსადგურები - 125 მგვტ; მზის ელექტროსადგურები - 125 მგვტ; ქარის ელექტროსადგურები (ენერგიის შემნახველი მოწყობილობებით) – 70 მგვტ; მზის ელექტროსადგურები (ენერგიის შემნახველი მოწყობილობებით) – 70 მგვტ; სხვა განახლებადი ენერგიის წყაროებზე მომუშავე ელექტროსადგურები - 10 მგვტ.აუქციონზე 147 პროექტი იქნა წარმოდგენილი, ჯამური დადგმული სიმძლავრით - 1915,76 მგვტ, ხოლო შეფასების ეტაპზე გადავიდა 144 პროექტი, რომელთა ჯამური დადგმული სიმძლავრე 1865,31 მგვტ იქნება.„საქართველოს ბიზნეს ასოციაციამ ეკონომიკისა და მდგრადი განვითარების მინისტრთან და მის გუნდთან საკმაოდ საინტერესო და ორივე მხარისთვის ღირებული შეხვედრა გამართა, რომლის ფარგლებშიც განვიხილეთ ენერგეტიკულ სექტორში არსებული ვითარება და გამოწვევები. განახლებადი ენერგიის რესურსების ოპტიმალური ათვისება მნიშვნელოვანია როგორც საქართველოს მთავრობისთვის, ასევე ბიზნეს სექტორისთვის. შესაბამისად, ენერგეტიკული პროექტების განხორციელებისას, მთელ რიგ საკითხებთან მიმართებაში, აუცილებელი და მნიშვნელოვანია მთავრობასა და ბიზნესს შორის აქტიური კომუნიკაცია და კოორდინირებული მუშაობა, რაც, თავის მხრივ, ხელს შეუწყობს, როგორც დარგის, ასევე ქვეყნის ეკონომიკის შემდგომ განვითარებას. ენერგეტიკის დარგი, მისი პოტენციალიდან გამომდინარე, ჩვენი ქვეყნის ეკონომიკური ზრდის ერთ-ერთი ძირითადი გენერატორი შეიძლება გახდეს. ასევე, ენერგეტიკა ის დარგია, სადაც მსხვილი ინვესტიციების მოზიდვა ერთ-ერთი ყველაზე რეალური პერსპექტივაა “ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1712326971

მნიშვნელოვანია აღინიშნოს, რომ ელექტროენერგიის პოტენციალის ათვისებასა და ენერგეტიკის განვითარებას, მოსახლეობაზე როგორც პირდაპირ, ისე ირიბად დადებითი ეფექტი მოაქვს. ქვეყანაში ელექტროენერგიის წარმოების ზრდას, ენერგოუსაფრთხოების ზრდა მოჰყვება და, პარალელურად, ელექტროენერგიაზე სტაბილურ ფასს ვინარჩუნებთ. ელექტროენერგიაზე სტაბილური ფასის შენარჩუნება ქვეყნის ეკონომიკისთვის ძალიან მნიშვნელოვანი ფაქტორია. ამის მიზეზი კი ბუნებრივია ისაა, რომ  ნებისმიერი პროდუქტისა თუ საქონლის წარმოებისთვის ელ. ენერგიაა საჭირო. მისი სტაბილური ფასი სხვადასხვა პროდუქტის სტაბილური ფასის შენარჩუნების საშუალებას იძლევა.  ამ ყველაფერს ემატება ეკონომიკური ზრდაც. როდესაც ქვეყანაში ეკონომიკა იზრდება, ეს ნიშნავს რომ უფრო მეტი საქონელი და მომსახურება იწარმოება, რასაც, თავის მხრივ, ელექტროენერგიაზე მოთხოვნის ზრდა მოჰყვება. შესაბამისად, თუკი განახლებად ენერგიების პოტენციალს არ ავითვისებთ ამან ბაზარზე, შესაძლოა, წარმოშვას ენერგიის დეფიციტი, რაც შემდგომში ფასების ზრდაზე აისახება.როდესაც ენერგიის პოტენციალის ათვისებაზე ვსაუბრობთ, არ უნდა დაგვავიწყდეს, რომ დღესდღეობით საქართველო თავისი რესურსების მხოლოდ და მხოლოდ 22.5%-ს იყენებს. ენერგეტიკის საერთაშორისო ასოციაციის (IEA) შეფასებით, ჰიდრორესურსები საქართველოს მნიშვნელოვანი ბუნებრივი სიმდიდრეა. ენერგიის საწარმოებლად შესაძლოა 300-მდე მდინარე იქნეს გამოყენებული, 15000 მგვტ დადგმული სიმძლავრით და 50 ტრვტ წარმოების საქართველოს აქვს ასევე 4 ტრვტ (1500 მგვტ) ქარის ენერგიისა და მზის ენერგიის წარმოების დიდი პოტენციალი (250-280 მზიანი დღე წელიწადში, 1900- 2200 საათი მზის ნათებით) 108 მგვტ-ის ოდენობით.ენერგეტიკის საერთაშორისო ასოციაციის მონაცემებიც ცხადყოფს, რომ ქვეყანას მნიშვნელოვანი პოტენციალი გააჩნია გაზარდოს ენერგიის გენერაცია, რომლის დიდ ნაწილსაც, სამწუხაროდ, სხვადასხვა დროის შუალედში მოსახლეობის პროტესტის ფონზე ვერ ვიყენებთ. არადა ამ პოტენციალის ათვისება და შემდგომში ელექტროენერგიის გაზრდილი წარმოება შესაძლებლობას მოგვცემდა ერთის მხრივ შეგვენარჩუნებინა ქვეყანაში ენერგოუსაფრთხოება, ხოლო მეორეს მხრივ, ნამატის სახით უფრო მეტი ენერგია გაგვეტანა ექსპორტზე, რასაც ჩვენი ქვეყნისთვის დამატებითი სიმდიდრე მოტანა შეუძლია. არ უნდა დაგვავიწყდეს შავი ზღვის კაბელის პროექტიც, რომელიც დამატებით შესაძლებლობას მოგვცემს ენერგია ექსპორტზე ევროკავშირის ქვეყნებში გაიტანოს სოლიდურ ფასად.შესაბამისად, თუ გვინდა ენერგოუსაფრთხოება და დამატებით ეკონომიკური სარგებლის მიღება აუცილებელია, რომ ჩვენი რესურსები სრულად ავითვისოთ. თუმცა ენერგეტიკის საერთაშორისო ასოციაციის მონაცემებიც ცხადყოფს, რომ ეს პროცესი ვერ იქნება დამოკიდებული მხოლოდ ქარისა და მზის ენერგიებიდან გამომუშავებულ ელექტროენერგიაზე. ამისთვის საჭიროა როგორც მცირე, ისე საშუალო და დიდი ზომის ჰესების აქტიური მშენებლობის ხელშეწყობა. მნიშვნელოვანია კონფლიქტების პრევენციისთვის მოსახლეობისთვის მოხდეს დეტალური ახსნა იმ სარგებლის შესახებ, რასაც ამა თუ იმ პროექტის განხორციელება მოგვიტანს.საბოლოო ჯამში, ენერგეტიკული სექტორის განვითარებისთვის ჰესების მშენებლობა უალტერნატივოა. ამჟამად ქვეყნის მომარაგების 68%-ზე მეტი სწორედ ჰესებიდან მოდის, ხოლო ქვეყნის შიდა გენერაციის მხრივ ჰესების წილი დაახლოებით 80%-ს წარმოადგენს. ქვეყნის სტაბილური ფუნქციონირებისა და მდგრადი განვითარებისთვის აუცილებელი და გარდაუვალია განახლებადი ენერგიის პოტენციალის უფრო სწრაფი ტემპით ათვისება. დღესდღეობით, საქართველოს მდგრადი განვითარების და ცხოვრების დონის ამაღლების საწინდარი სწორედ განახლებადი ენერგიის განვითარებასა და ახალი ჰესების, მზის და ქარის სადგურების მშენებლობაშია. განახლებადი ენერგიის ათვისება, თითოეული საქართველოს მოსახლის ყოველდღიური ყოფის გაუმჯობესების უნიკალურ შესაძლებლობას გვაძლევს და აუცილებელია ეს შესაძლებლობა მაქსიმალურად მოკლე დროში გამოვიყენოთ და ჩვენი ქვეყნის წინსვლა დავაჩქაროთ.

1712312191

„ფასების დადგენა საწვავზე არც არასდროს ყოფილა დღის წესრიგში, არც მომავალში იქნება, რადგან აქ არის თავისუფალი ფასწარმოქმნა და ამ მიდგომის გადახედვას არავინ აპირებს. დღეს კონკურენციის და მომხმარებლის დაცვის სააგენტო ახორციელებს საწვავის ბაზრის მონიტორინგს, ეს არის დიზელ-ბენზინის ბაზარი. 15 მარტის მდგომარეობით, ჩვენ გვაქვს მონიტორინგის პირველადი შედეგები, რომლის მიხედვითაც შეგვიძლია ვთქვათ, რომ რუსეთიდან საწვავის იმპორტი არის პროცენტულად შემცირებული.ადგილობრივი ფასები არის ამ ეტაპზე კონკურენტუნარიანი და ის თანხვედრაშია მსოფლიო ბაზარზე არსებულ ფასებთან და მსოფლიო სავალუტო კურსთან. ჩვენ ვუყურებთ სხვადასხვა კომპანიების მარჟიანობას და ამ მარჟიანობის გავლენას იმ ფაქტორებზე, რომელიც ფასწარმოქმნაზე ახდენს გავლენას. ჩვენი დაკვირვებით, ამ ეტაპზე რაიმე არასაბაზრო კუთხით, ან არაკონკურენტული, არაფერი შეინიშნება“, - განაცხადა ლექვინაძემ.

1712311983