„ჩვენთვის ძალიან მნიშვნელოვანია ამ სექტორის განვითარება, ის პირდაპირაა დაკავშირებული ეკონომიკურ ზრდასთან, საკმაოდ ინკლუზიურია და მასში ჩვენი ქვეყნის მოსახლეობის საკმაოდ ბევრი ჯგუფია ჩართული. დეველოპერულ და სამშენებლო სექტორს ასევე დიდი როლი აქვს ქვეყნის სივრცითი განვითარების კუთხით. ხარისხიანი სამშენებლო სექტორი საშუალებას მოგვცემს, რომ მეტი დამატებითი ღირებულება შეიქმნას დეველოპერების მიერ, მეტი ინვესტიცია მოვიზიდოთ ქვეყანაში“, - აღნიშნა ეკონომიკის მინისტრმა.უძრავი ქონების კვირეული ყოველწლიური ღონისძიებაა, რომელიც „ექსპო ჯორჯიასა“ და საქართველოს უძრავი ქონების ეროვნული ასოციაციის (GNARE) მიერ ორგანიზებული. კვირეულის ფარგლებში სამი ღონისძიება იმართება: უძრავი ქონების გამოფენა; სამშენებლო გამოფენა - Caucasus Build და უძრავი ქონების ფორუმი. კვირეულში ეკონომიკისა და მდგრადი განვითარების სამინისტროს სსიპ „საქართველოს სტანდარტებისა და მეტროლოგიის ეროვნული სააგენტო“ და სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ მონაწილეობენ, ეკონომიკის მინისტრმა ლევან დავითაშვილმა და მინისტრის მოადგილე გენადი არველაძემ მათი გაერთიანებული სტენდი დაათვალიერეს.როგორც პირველმა ვიცე-პრემიერმა აღნიშნა, კვირეული სექტორის წარმომადგენლებს საშუალებას მისცემს, უახლოესი ტენდენციების შესახებ ინფორმაცია მიაწოდონ როგორც ადგილობრივ საზოგადოებას, ისე პოტენციურ ინვესტორებს - საქართველოს საინვესტიციო კლიმატის შესახებ, შედგეს კომერციული გარიგებები და საქმიანი კონტაქტები დამყარდეს.ლევან დავითაშვილმა გამოსვლაში აქცენტი გააკეთა ზოგადად საქართველოს ეკონომიკის ზრდის არსებულ ტენდენციებზე, მათ შორის პირდაპირი უცხოური ინვესტიციების კუთხით. მისი ინფორმაციით, ბოლო წლების განმავლობაში საქართველოში ინვესტიციები ყველაზე მაღალ ნიშნულზე იყო, ასევე ძალიან მაღალ ნიშნულზეა პირდაპირი უცხოური ინვესტიციები მთლიან შიდა პროდუქტთან მიმართებაში - ბოლო სამ წელიწადში 5.5 მლნ აშშ დოლარის მოცულობით.„ამ დადებით ეკონომიკურ ტენდენციებს ჩვენ მიმდინარე წელსაც შევინარჩუნებთ. ქვეყნის მაკროეკონომიკური მდგომარეობა არის საკმაოდ სტაბილური, მდგრადი და ეს არის იმის წინაპირობა, რომ გრძელვადიან განვითარებაზე გვქონდეს აქცენტი. წელს პირველი კვარტლის მონაცემებით, შევინარჩუნეთ მაღალი ეკონომიკური ზრდის ტენდენცია, თებერვალში მშპ-ს ზრდა 9.5 % იყო. ჩვენი მოლოდინია, რომ ეკონომიკური ზრდა 2024 წელსაც დაგეგმილზე მაღალი უნდა იყოს, ამას ადასტურებს წამყვანი საფინანსო ინსტიტუტების პროგნოზებიც. საერთაშორისო სავალუტო ფონდმა ჩვენი პროგნოზი 6.3%-ით განსაზღვრა, რაც ყველაზე მაღალია არამარტო რეგიონის, არამედ ევროპის და უფრო ფართოდ რეგიონის ქვეყნებს შორის“, - აღნიშნა ეკონომიკის მინისტრმა.ლევან დავითაშვილმა განსაკუთრებული აქცენტი გააკეთა ეკონომიკის სამინისტროს როლზე სექტორის შემდგომი, სტაბილურად განვითარებისა და კონკურენტული გარემოს არსებობის მიზნით გატარებულ რეფორმებსა და მარეგულირებელი გადაწყვეტილებებზე. მისი ინფორმაციით, სამინისტრო აქტიურად მუშაობს ევროკოდების დანერგვაზე - მიმდინარე და მომავალ წელს უნდა დასრულდეს ევროკოდების ადაპტაცია საქართველოში და გარდამავალი პერიოდის შემდეგ ქვეყანა სრულად უნდა იყოს თანხვედრაში ევროპის მოთხოვნებთან უფრო ხარისხიანი, მდგრადი და გამძლე შენობა-ნაგებობების მხრივ. ამასთან, მშენებლობის სექტორში გავრცელებული სამშენებლო მასალების, მშენებლობის პრაქტიკის და ევროკოდების დანერგვისთვის მიმდინარეობს ასევე ევრონორმების იმპლემენტაციის პროცესის კოორდინაცია. სამინისტრომ უკვე დაასრულა შენობა-ნაგებობების მიმართ ინსოლაციის მოთხოვნებზე მუშაობა, მომზადდა ევროპული სტანდარტის შესაბამისად რეგლამენტი. ასევე ეკონომიკის სამინისტრომ დაასრულა შენობა-ნაგებობების მიმართ ინსოლაციის მოთხოვნების შემუშავება, ჩამოყალიბდა არქიტექტორებისა და ინჟინერ-მშენებლების სერტიფიცირების სისტემა და ა.შ.„მასტიმულირებელი ღონისძიებები, რომლებიც ზოგადად უძრავი ქონების ბაზარს დაეხმარება, კიდევ გაგრძელდება. ჩვენ გვაქვს გარკვეული მონახაზები, რომლებიც გვინდა, მიმდინარე წელს გამოვიყენოთ, რომლებიც, ერთი მხრივ, პირდაპირ კავშირშია სექტორის განვითარებასთან, მეორე მხრივ კი, ეკონომიკურ ზრდასთან“, - აღნიშნა ლევან დავითაშვილმა.აღნიშნულ ინფორმაციას ეკონომიკისა და მდგრადი განვითარების სააგენტო ავრცელებს.

1714123297

ეკონომიკის სამინისტროს ინფორმაციით, პროგრამის ოფიციალური პრეზენტაცია სააგენტომ „აწარმოე საქართველოში" გამართა და მას საჯარო და კერძო სტრუქტურების, დონორი ორგანიზაციების და საბანკო სექტორის წარმომადგენლები დაესწრნენ. მათივე ცნობით, პროგრამის განხორციელებაში სააგენტოს პარტნიორია USAID-ის ფინანსური ინოვაციების პროგრამა. დამსწრე საზოგადოებას პროგრამა დეტალურად გააცნო სააგენტოს დირექტორმა მიხეილ ხიდურელმა.„ჩვენი სამინისტროს გუნდი კაპიტალის ბაზრის და საპენსიო რეფორმაზე ბოლო წლებში აქტიურად მუშაობს - ჩამოყალიბდა საინვესტიციო ფონდების ახალი კანონმდებლობა, დაიწყო და ძალიან წარმატებულად მიმდინარეობს საპენსიო რეფორმა, შეიქმნა მთელი რიგი ახალი ინსტრუმენტები: ქავერდ ბონდები, სეკიურიტიზაციის კანონი, ნებაყოფლობითი საპენსიო ე.წ მესამე პილარი და ა.შ. თუმცა, რეფორმის წარმატებისთვის ამ ეტაპზე მნიშვნელოვანია ბაზრის კონკრეტული ინსტრუმენტებით სტიმულირება და ხელშეწყობა, სწორედ ეს მიგვაჩნია რეფორმის შემდგომ ფაზად“, - აღნიშნა ირაკლი ნადარეიშვილმა.სამინისტროს ინფორმაციით, „აწარმოე საქართველოში“ ახალი მიმართულება მიზნად ისახავს მცირე და საშუალო ბიზნესისთვის ფინანსებზე წვდომის გაუმჯობესებას და კაპიტალის ბაზრის ხელშეწყობას ფასიანი ქაღალდების განთავსების სტიმულირების გზით. 2024 წელს სააგენტო კომპანიებს ობლიგაციების გამოშვებაში დაეხმარება, რომლებიც საფონდო ბაზარზე150 მილიონამდე ლარის დამატებით საინვესტიციო რესურსს მოიზიდავენ.პროგრამის მიხედვით, მეწარმე სუბიექტებს, რომელთა წინა სამეურნეო წლის აკუმულირებული ჯამური შემოსავალი არ აღემატება 60 მლნ ლარს, სააგენტო შესაძლებლობას მისცემს, პროგრამის თანადაფინანსებისა და ტექნიკური დახმარების კომპონენტებში ჩაერთონ. ამასთან, 60 მილიონ ლარზე მეტი შემოსავლის ან/და ფინანსურ სექტორში მოქმედი კომპანიებისთვის, თანადაფინანსების კომპონენტს, USAID-ის ფინანსური ინოვაციების პროგრამა უზრუნველყოფს. ამ პროგრამის თანახმად, ასევე იგეგმება 60 მილიონამდე შემოსავლების მქონე მეწარმე სუბიექტების მხარდაჭერა.ეკონომიკის მინისტრის მოადგილემ ხაზი გაუსვა, რომ მნიშვნელოვანია, საშუალო ბიზნესს მეტი ფინანსური ცოდნა ჰქონდეს ალტერნატიული დაფინანსებების მოზიდვის შესაძლებლობების შესახებ. მისი ინფორმაციით, კაპიტალის ბაზრის განვითარებას აქვს ძალიან ხანგრძლივი და დეტალური სამოქმედო გეგმა, მათ შორის წილობრივი საინვესტიციო ფონდების ხელშეწყობის და საპენსიო რეფორმის დახვეწის მიმართულებით - შესაბამისი ცვლილებათა პაკეტი პარლამენტში უახლოეს დღეებში გადაიგზავნება.მიმდინარე წელს კაპიტალის ბაზრის განვითარების მიზნით „აწარმოე საქართველოში“ არაერთი ღონისძიების განხორციელებას გეგმავს, რომლებიც ხელს შეუწყობს დაფინანსების ალტერნატიული მექანიზმების განვითარებას. ობლიგაციების გამოშვების თანადაფინანსებასთან ერთად, ეს იქნება საინვესტიციო ფონდების განვითარება და აქტივებზე დაფუძნებული დაფინანსების ხელშეწყობა.„დარწმუნებული ვარ, ეს უმნიშვნელოვანეს ახალ შესაძლებლობებს გაუხსნის ქართველ მეწარმეებს ბიზნესის დაფინანსების და განვითარების ნაწილში“, - აღნიშნა ირაკლი ნადარეიშვილმა.

1714048257

შედარებისთვის: რეიტინგის ლიდერ შვეიცარიაში საშუალო თვიური სუფთა ხელფასი 17 290 ლარია, ხოლო ყველაზე დაბალი - 345 ლარი ეგვიპტეშია.რეგიონის მეზობელი ქვეყნებიდან საქართველო მხოლოდ აზერბაიჯანს, ასევე, ომში მყოფ უკრაინას უსწრებს.აზერბაიჯანში საშუალო თვიური სუფთა ხელფასი 1 141 ლარია და ქვეყანა 75-ე ადგილზეა, ხოლო უკრაინა 1 038 ლარით 79-ე ადგილზეა.რეიტინგში საშუალო ხელფასის ოდენობით საქართველოზე წინ არიან სომხეთი, თურქეთი და რუსეთიც.კერძოდ, სომხეთში საშუალო ხელფასი 1 774 ლარია. მაჩვენებლით ქვეყანა რეიტინგში 55-ე პოზიციას იკავებს.მხოლოდ ერთი საფეხურით დაბლა, 56-ე ადგილზეა თურქეთი, სადაც საშუალო თვიური სუფთა ხელფასი 1 763 ლარია.10 პოზიციით დაბლა, 66-ე ადგილზეა რუსეთი, სადაც საშუალო ხელფასი 1 477 ლარია. წყარო: BPN.GE

1714044392

„სააგენტო ბანკებთან პარტნიორობით რამდენიმე პროგრამას ახორციელებს, მრავალმილიარდიანი პორტფელი გვაქვს, სადაც წარმატებით დაფინანსდა მცირე და საშუალო ბიზნესის წარმომადგენლები. თუმცა, ალტერნატიული დაფინანსების წყარო ქვეყანაში აუცილებელია, შესაბამისად, მთავრობის და ეკონომიკის სამინისტროს ახალი პოლიტიკით, დავამუშავეთ და უკვე ჩავუშვით ახალი პროგრამა - ფასიანი ქაღალდების გამოშვების სტიმულირების მიმართულებით.პირველ რიგში, უნდა ავუხსნათ ბიზნესს, რამდენად მნიშვნელოვანია კომპანიამ გამოუშვას ფასიანი ქაღალდები, რამდენად დაეხმარება ეს მას განვითარებაში. სააგენტოს კონკრეტული მექანიზმებით: 100 000 ლარამდე საკრედიტო რეიტინგის ხარჯის ანაზღაურებით და განთავსების საკომისიოს ანაზღაურებით, გვექნება გრანტები, რაც საშუალებას მისცემს კომპანიას, ბროკერებთან თანამშრომლობით გამოუშვას ფასიანი ქაღალდები. ეს არის ახალი თავი სააგენტოს და რა თქმა უნდა ქვეყნის ისტორიაში, რადგან ქვეყანა ოფიციალურად იწყებს კაპიტალის ბაზრის მიმართულებით კონკრეტული პროგრამების განხორციელებას.დაინტერესება და მოთხოვნა უკვე ძალიან დიდია. პროგრამა არის ყველასთვის და ნებისმიერ კომპანიას შეუძლია მოგვმართოს - ჩვენ მხოლოდ ფინანსურად არ დავეხმარებით მათ, ტექნიკური დახმარების თვალსაზრისითაც დავუჭერთ მხარს, რომ მზად იყვნენ ფასიანი ქაღალდების გამოსაშვებად. პროგრამის განხორციელების პროცესში, ისევე როგორც სხვა ბევრ პროგრამაში, ჩვენი პარტნიორია USAID“ - განაცხადა ხიდურელმა.მისივე თქმით, კაპიტალის ბაზრის განვითარების მიმართულებით ეს პირველი პროგრამაა, ბიზნესისთვის ფინანსებზე ხელმისაწვდომობის კუთხით სააგენტო კიდევ რამდენიმე მექანიზმის ამოქმედებას აპირებს:„წელს ასევე ვგეგმავთ მცირე და საშუალო ბიზნესის ფონდის ჩამოყალიბებას. ეს იქნება ე.წ. ექვითი ფონდი, სადაც სააგენტო ლიმიტირებულ პარტნიორად იქნება წარმოდგენილი და საერთაშორისო ფინანსურ ინსტიტუტებთან, ინვესტორებთან ერთად, საშუალებას მივცემთ კომპანიებს გამოიყენონ ფონდის დახმარების მექანიზმი“ - აღნიშნა მიხეილ ხიდურელმა.სააგენტომ „აწარმოე საქართველოში" კაპიტალის ბაზრის მხარდაჭერის სახელმწიფო პროგრამის ოფიციალური პრეზენტაცია გამართა. პროგრამის განხორციელებაში სააგენტოს პარტნიორია USAID-ის ფინანსური ინოვაციების პროგრამა.აღნიშნული მიმართულებით, 2024 წელს სააგენტო კომპანიებს ობლიგაციების გამოშვებაში დაეხმარება. დაგეგმილია 15-მდე ბენეფიციარის მხარდაჭერა, რომლებიც 150 მილიონამდე ლარის დამატებით საინვესტიციო რესურსს მოიზიდავენ საფონდო ბაზარზე

1714041718

მესამე დღეა, რაც კურსი მაღლა მიიწევს და ,,ბლუმბერგზე"  2,69-იან ნიშნულს გადასცდა.საბანკო სფეროს სპეციალისტები ვარაუდობენ, რომ ლარის რყევა გაგრძელდება.სავალუტო ტენდენციებზე ისაუბრა ,,რეზონანსთან" საბანკო ექსპერტმა ლია ელიავამ, რომლის განცხადებითაც კურსი ნეგატიურ ტრენდს ჯერჯერობით ვერ შეცვლის, რასაც ხელს უმეტესწილად  საშინაო ფაქტორები უწყობს."საქართველოში კურსის გამყარება პირდაპირ დამოკიდებულია რამდენიმე ფაქტორზე, მათ შორის, ვალუტის გადინებაზე და სავალუტო კონვერტაციებზე. იმის გამო, რომ არასტაბილობაა და უარყოფითი მოლოდინი არსებობს, უცხოური ვალუტის დარეზერვება მიმდინარეობს, რაც ამ შემთხვევაში მთავარი გარემოებაა.რეალურად როგორია ვაჭრობა უცხოურ ვალუტაში, უცნობია, თუმცა ვფიქრობ, რომ დოლარზე მოთხოვნა გაიზარდა. იცით, რომ საქართველოში ლარის კურსი ყალიბდება კომეციულ ბანკებს შორის ვაჭრობის შედეგად. მათი ვაჭრობა კი განპირობებულია იმით, რამდენი ფული შედის და გადის ქვეყნიდან. რამდენს რიცხავენ საზღვარგარეთ და რამდენი შემოაქვთ. როდესაც ლარის კურსი დაბლა იწევს, ეს იმას ნიშნავს, რომ კომერციულ ბანკებს აქვთ დიდი მოთხოვნა უცხოურ ვალუტაზე.ლარის ასეთი რყევა, რასაც ბოლო დღეებში ვხედავთ, არ არის დაკავშირებული უცხოეთის ქვეყნებში მიმდინარე პროცესებთან. მიზეზი მთლიანად შიდა პოლიტიკური ვითარებაა, რაც სახარბიელო არ არის", - აღნიშნა ელიავამ და დასძინა, რომ სანამდე გაგრძელდება სავალუტო ბაზარზე არასტაბილურობა, გარკვეულწილად, იმაზეა დამნოკიდებული, როგორ განვითარდება პოლიტიკური პროცესები და რა გაგრძელებას ჰპოვებს.,,ჯერჯერობით, რასაც ვხედავთ, არასაიმედო ვითარებაა. რა ნიშნულს მიაღწევს კურსი, ვარაუდი გამიჭირდება, რა თქმა უნდა, გაგრძელდება გაუფასურების პროცესი. ქვეყნებში, სადაც არის სავალუტო მცურავი კურსი, ყოველთვის ცენტრალური ბანკები ძლიერი რყევის დროს იყენებენ სავალუტო ინტერვენციის ინსტრუმენტს, რათა ქვეყნის ეკონომიკა არ დააზარალონა. სამწუხაროდ, ეროვნულმა ბანკმა ამაზე ხელი აიღო. სავალუტო რყევა თუ გაგრძელდება, ეს მტკივნეულად დაარტყამს ქვეყნის ეკონომიკას, განსაკუთრებით ბიზნესი დაზარალდება", - განაცხადა ელიავამ.განსხვავებული მოსაზრებისაა ფინანსისტების მეორე ნაწილი, რომელთა შეფასებითაც, პოლიტიკური ვითარება სავალუტო ბაზარზე მკვეთრ გავლენას ვერ მოახდენს. პროფესორი მიხეილ თოქმაზიშვილი ფიქრობს, რომ ლარის რყევა ჩვეულებრივი პროცესია, რასაც ეროვნული ვალუტა სხვადასხვა პერიოდში განიცდის და მისი დღევანდელი მდგომარეობა რაიმე პრობლემის გამოძახილად არ უნდა ჩაითვალოს.,,საერთოდ, არც ერთი ვალუტა ერთ ადგილას არ დგას, ყოველთვის იცვლის ტრაექტორიას. რაიმე ძლიერი ზემოქმედებით არ უფასურდება ლარი, ჩვეულებრივი ამბავია, რომელიც ხშირად არის განსაზღვრული ბაზრის აგენტების ქცევებით. ამას პოლიტიკურ მიმდინარე მოვლენებს ვერ დავაბრალებთ.მუდმივად ერთ დონეზე არც ერთი ვალუტა არ არის გაჩერებული. ამიტომ ეს უნდა მივიღოთ როგორც ჩვეულებრივი ვითარება. ბანკები იქნებიან თუ  დეპოზიტარები ან ბირჟაზე აქციონერები, იმის მიხედვით ვერ იმსჯელებენ, რამდენი ადამიანი გამოდის ქუჩაში. როცა მოლოდინია ომის, კრიზისის და სხვა მსგავსი ნეგატიური პროცესების, გასაგებია, მაგრამ აქციების დაანონსება არ არის ის ფაქტორი, რაც სავალუტო რყევას გამოიწვევს. როდესაც ადამიანები თავიანთ განწყობას  გამოხატავენ, მისი გავლენა ეკონომიკაზე მიზერულია, იმდენად უმნიშვნელო, რომ არ შეიძლება სერიოზულ ფაქტორად იქნას აღქმული", - განაცხადა მიხეილ თოქმაზიშვილმა.მისი თქმით, სავალუტო რყევა ალბათ გაგრძელდება, თუმცა რა ნიშნულს დაიჭერს ლარი, ამის პროგნოზირება შეუძლებელია.,,ორი რამ არის, რაც პროგნოზს არ ექვემდებარება: ლარის კურსი და საპროცენტო განაკვეთები. როგორი იქნება ეს მაჩვენებლები საშუალო და ხანგრძლი პერიოდში, კონკრეტულად როგორ შეიცვლება, ამას ვერავინ იტყვის. ჯერჯერობით ყველა პირობაა, რომ ეროვნულმა ვალუტამ სტაბილურობა შეინარჩუნოს. ამჟამინდელი რყევა დიდხანს არ გასტანს. არ არსებობს არც ფუნდამენტური ფაქტორი, არც რაიმე ისეთი გარემოება, რომ სავალუტო ბაზარზე რადიკალური ცვლილება მოხდეს. მცირეოდენი გადახრები საშიში არ არის. ეკონომიკა ვითარდება, წყნარ კალაპოტშია მოქცეული და ვერ ვხედავ ჯერჯერობით ისეთ მიზეზს, რამაც შეიძლება კურსზე ნეგატიურად იმოქმედოს", - აღნიშნა თოქმაზიშვილმა ,,რეზონანსთან" საუბრისას.რაც შეეხება კურსს ამ დროისთვის, საქართველოს ეროვნული ბანკის მიერ გამოქვეყნებული მონაცემების თანახმად, 25 აპრილისთვის ერთი ამერიკული დოლარი 2.6910 ლარი ღირს, ევრო – 2.8756 ლარი.resonancedaily.com

1714037919

„ჩვენ ხშირად ვხვდებით ფერმერებს და მათგან ვისმენთ ინფორმაციას არსებული საჭიროებების შესახებ. საქართველოში თხილის სექტორს ძალიან დიდი პოტენციალი აქვს; ჩვენი მიზანია, ფერმერებს მაქსიმალურად დავუჭიროთ მხარი როგორც ფინანსურ ნაწილში, ასევე საჭირო ცოდნაზე წვდომის კუთხით. ხარისხიანი მოსავლით ფერმერები უფრო მეტად კონკურენტუნარიანები იქნებიან და მეტ შემოსავალს მიიღებენ.უნდა აღინიშნოს, რომ შარშან, კლიმატური პირობების მხრივ, საკმაოდ რთული წელი გვქონდა, ამიტომაც ხარისხის კუთხით გარკვეული გამოწვევები იყო. მთლიანობაში, შარშან, მოსავალი 5 ათასი ტონით მეტი იყო, ვიდრე წინა წელს, წელს კი, გაცილებით უკეთესს ველოდებით. იმედი გვაქვს, რომ სახელმწიფო პროგრამები და ფერმერების აქტიურობა, ერთობლივად კარგ შედეგს მოგვცემს“, - განაცხადა ოთარ შამუგიამ.კომპანიას MMG Agriculture ქართულ-ებრაული ინვესტიციით 300 ჰექტარზე მეტ ფართობზე აქვს გაშენებული თხილის ბაღი. 50ჰა-ზე თხილის ბაღის გაშენება 50,000 ლარით დაფინანსდა სახელმწიფო პროგრამით „დანერგე მომავალი“. როგორც კომპანიის მფლობელი პაატა სირაძე აცხადებს, ამავე მიზნობრიობით ისარგებლა შეღავათიანი აგროკრედიტით, რომლის ოდენობაც 1,5 მლნ ლარს აღემატება.აღსანიშნავია, რომ სამეგრელო-ზემო სვანეთის რეგიონში, პროგრამის „დანერგე მომავალი“ ფარგლებში, 3,291 ჰექტარზე ახალი მრავალწლოვანი ბაღის გაშენება თანადაფინანსებულია 43 მლნ ლარით, მათ შორის, თხილის ახალი ბაღების გაშენება თანადაფინანსებულია 505 ჰა-ზე 1,2 მლნ ლარით. მებაღეობის განვითარების მიზნობრიობით სამეგრელო-ზემო სვანეთის რეგიონში გაცემულია 123 მლნ ლარზე მეტი შეღავათიანი აგროკრედიტი, მათ შორის თხილის გაშენების მიზნობრიობით გაცემულია 9,1 მლნ ლარი.ინფორმაციას გარემოსა დაცვისა და სოფლის მეურნეობის სამინისტრო ავრცელებს.

1713957724

„ამ ნორმით ჩვენ ვსაუბრობთ იმ შემთხვევაზე, როცა კომპანიებს ეძლევათ შესაძლებლობა, თავიანთი აქტივები, კაპიტალი გადმოიტანონ ქართულ იურისდიქციაში და ამ ტიპით ქვეყნის შიგნით საქმიანობა გააფართოონ. ფაქტია, ჩვენ ბიზნეს ასოციაცია ვართ და ნებისმიერი საგადასახადო შეღავათი, რომელმაც შეიძლება ბიზნესის საინვესტიციო აქტივობა გაზარდოს, ყოველთვის მისასალმებელია. თუმცა ფაქტია, დისკუსიამ ამ ნორმასთან დაკავშირებით პოლიტიკური კონტექსტი შეიძინა და პოლიტიკური დებატების ნაწილი გახდა. ჩვენ ამ დებატებში ვერ შევალთ. ჩვენ ძალიან რაციონალურად, პრაგმატულად მივყვებით ხოლმე, არც შევსულვართ და არც შევალთ პოლიტიკურ დისკუსიაში. ჩვენ ვხედავთ იმას, რომ დედაკომპანიების დიდი ნაწილი სწორედ ოფშორებში რეგისტრირებულია, ოღონდ ხაზგასასმელია, რომ 99% არის თეთრი ოფშორები, სადაც მიკვლევადობა ამ კომპანიების საქმიანობის, ბენეფიციარი მესაკუთრეების ძალიან მარტივია. ესენი იქ იყვნენ, რადგან წლების განმავლობაში თავს გრძნობდნენ უფრო დაცულად და იქ არის უფრო მეტად მოქნილი საგადასახადო რეჟიმი“, - განაცხადა ლევან ვეფხვაძემ.მისი შეფასებით, თუკი საქართველოში გარემო შეიცვალა და რისკები შემცირებულია, ბარიერი მოიხსნება და კომპანიები უკან დაბრუნდებიან, ეს მისასალმებელია.„მე მქონდა კომუნიკაცია ამ [ოფშორებში რეგისტრირებულ] კომპანიებთან, მათ შორის სატელეფონო და მითხრეს, რომ ჩვენ ვსწავლობთ ამ შესაძლებლობას, თუ როგორ იქნება ეს შესაძლებლობა დანახული ჩვენი მხრიდანო. აქ არ არის საუბარი ყველა კომპანიაზე, რომელიც ოფშორშია რეგისტრირებული. აქ საუბარია ქართულ კომპანიაზე, რომელიც ოფშორშია რეგისტრირებული. ამ ნაწილში ეს პროცესს საკმაოდ გამჭვირვალეს გახდის და დაველოდოთ მოვლენების განვითარებას. მე დარწმუნებული ვარ, ერთი და ორი კომპანია არ იქნება, რომელმაც ეს შესაძლებლობა შეიძლება გამოიყენოს", - თქვა მან.ლევან ვეფხვაძის თქმით, კომპანიები ამ ნორმას სწავლობენ და იმის მიხედვით გამოიყენებენ შესაძლებლობას, როგორც წაადგება.წამყვანის კითხვაზე, იქნება თუ არა დამაზიანებელი ქვეყნისთვის რეპუტაციულად, ლევან ვეფხვაძე პასუხობს, რომ აქ საუბარია არა ოფშორში რეგისტრირებულ ნებისმიერ კომპანიაზე, არამედ იმაზე, რომ აქტივების გადმოტანა უნდა მოხდეს ამ კომპანიიდან ოფშორებიდან ქართულ კომპანიაში.„ამ კუთხით ძალიან მკაფიოდ არის ჩაკეტილი და სტანდარტი, რომ რისკები არ იყოს. ჩემი გამოცდილებით, საგადასახადო შეღავათების საკითხი არის ხოლმე ყოველთვის სიურპრიზი და არასდროს წინასწარ არ ცხადდება. ეს რომ ვიღაცას წინასწარ სცოდნოდა, აქ დააფუძნებდა კომპანიას და მერე გამოიყენებდა. ამიტომ ეს ყოველთვის სიურპრიზია ბიზნეს-ოპერატორებისთვის“, - ამბობს ვეფხვაძე.წყარო: bm.ge

1713949213

ამასთან, ამავე პერიოდში, უცხო სახელმწიფოთა მთავრობებიდან მიღებული გრანტების მოცულობამ წელს 1,045,998 ლარი შეადგინა.რაც შეეხება 2023 წლის ანალოგიურ პერიოდს, ხაზინის მონაცემებით, შარშან სამ თვეში ბიუჯეტმა საერთაშორისო ორგანიზაციებიდან 88,013,871 ლარის გრანტი მიიღო, უცხო სახელმწიფოთა მთავრობებიდან კი 1,109,594 ლარი.რაც შეეხება წლიურ მაჩვენებელს, შარშან საერთაშორისო ორგანიზაციებიდან მიღებული გრანტის მოცულობამ 186,542,946 ლარი შეადგინა, უცხო სახელმწიფოთა მთავრობებიდან კი 13,973,649 ლარი.

1713875881

მათივე შეფასებით, 2020 წლის საშუალოსთან შედარებით ინდექსი 41.3%-ით არის გაზრდილი.„ინდექსის დაფარვა შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს.2024 წლის პირველ კვარტალში, წინა კვარტალთან შედარებით ფასების ზრდა დაფიქსირდა როგორც საცხოვრებელი ბინების სეგმენტში (1.2%), ისე კერძო სახლების სეგმენტში (0.7%). 2023 წლის პირველ კვარტალთან შედარებით ფასების ზრდა დაფიქსირდა ორივე სეგმენტში - ბინებზე 12.9%-ით, ხოლო კერძო სახლებზე 13.3%-ით,“ - ნათქვამია „საქსტატის“ მიერ გავრცელებულ ინფორმაციაში.

1713875411

დავითაშვილის განმარტებით, ხელისუფლებას აქამდეც არაერთხელ მიუღია ისეთი ტიპის გადაწყვეტილებები, რომლებიც საგადასახადო შეღავათებს გულისხმობდა ამა თუ იმ მიმართულების წასახალისებლად.„ეს არის სახელმწიფოს ეკონომიკური პოლიტიკა, რომელსაც ქვეყანა, ვფიქრობ, რომ წარმატებით ახორციელებს. წინა წლებში ჩვენ საგადასახადო ლიბერალიზაცია მოვახდინეთ ამა თუ იმ მიმართულებით, იმისთვის, რომ ჩვენი საინვესტიციო გარემო ყოფილიყო კიდევ უფრო მიმზიდველი. დღეს, ვფიქრობ, რომ ეს აბსოლუტურად ადეკვატური კანონია, იქიდან გამომდინარე, რომ ზოგადად, მსოფლიოში ასეთი ტენდენციებია- ნაკლებია ნდობა შეღავათიანი საგადასახადო რეჟიმის ქვეყნების მიმართ. აქედან გამომდინარე, ვფიქრობ, რომ კარგი შესაძლებლობებისა, რომ ჩვენ ამ პირობებში მოვიზიდოთ ახალი დამატებითი ინვესტიციები და კაპიტალი ქვეყანაში. ერთი მხრივ, ჩვენ ვსვამთ ხოლმე კითხვას, როგორ გადავაქციოთ ქვეყანა საინვესტიციოდ მიმზიდველად, როგორ იყოს საქართველო საფინანსო ცენტრი, ჰაბი და ამ კუთხით, ვფიქრობ, რომ ეს საკანონმდებლო ინიციატივა აბსოლუტურად თანხვედრაშია იმ მიზანთან, რომელსაც ჩვენ ვაცხადებთ, რომ ქვეყანაში მეტი კაპიტალი და მეტი ინვესტიციები შემოვიდეს.ასევე, ჩვენ ვფიქრობთ, რომ გვექნება მთავრობის გუნდში ახალი საგადასახადო შეღავათების ინიციატივები. რა თქმა უნდა, ამაზე ეკონომიკური გუნდი იმსჯელებს და მერე შეიძლება საკანონმდებლო ინიციატივებში გადაიზარდოს, რომელიც ეხება მოსახლეობის სხვადასხვა ჯგუფს და ფართო მასებს. ასე რომ, ეს არ არის რაიმე განსაკუთრებული, ამ შემთხვევაში არის მყარი ლოგიკა და მოტივაციები, რომლებიც არის ჩვენი ქვეყნის ინტერესებში, პირველ რიგში“,- განაცხადა დავითაშვილმა.კითხვაზე, მიაყენებს თუ არა ეს ცვლილებები საქართველოს რეპუტაციულ ზიანს, დავითაშვილის თქმით, ეს გამორიცხულია.„ჩვენ გვაქვს საკმაოდ კარგად აწყობილი საფინანსო სისტემა, რომელიც სრულად თანხვედრაშია საერთაშორისო საუკეთესო პრაქტიკის მოთხოვნებთან და პრინციპებთან, რაც გამორიცხავს იმას რომ, საქართველოს რაიმე კუთხით შეეხოს რეპუტაციულად ზიანი ან რაიმე კუთხით დაისვას გამჭვირვალობასთან დაკავშირებით კითხვები“,- განაცხადა დავითაშვილმა.

1713792846