„ახალი Audi Q8 e-tron არის პროგრესული ნაბიჯი პრემიუმ ელექტრომობილების წარმოებაში - განახლებული ბატარეის ტექნოლოგიით, გასაოცარი დიზაინითა და გაუმჯობესებული მართვის დინამიკით. აუდი მომხმარებლებს, გარდა ექსკლუზიური შეთავაზებებისა, ახალ გამოცდილებებს სთავაზობს, იქნება ეს ღამით საცობებისგან თავისუფალ ქუჩებში ტესტ-დრაივი თუ დემო-რაიდები უქმე დღეებში,” - აუდი საქართველო.„თიბისი დაზღვევისთვის მნიშვნელოვანია ისეთ ბრენდთან პარტნიორობა, როგორიც აუდია და მისი მომხმარებლებისათვის საუკეთესო პროდუქტების შეთავაზება. ისინი ჩვენს ავტოდაზღვევაზე სპეციალური პირობებით ისარგებლებენ,” - თიბისი დაზღვევა.„თიბისი დაზღვევა” ავტოდაზღვევის ლიდერი კომპანიაა, რომელიც მომხმარებლებს მუდმივ სიახლეებს სთავაზობს და უმარტივებს ცხოვრებას მომსახურების გაციფრულებით. განვითარებული დისნტაციური სერვისებით, მათ შეუძლიათ ისარგებლონ ყვლზ სწრფ მომსახურებით.

1696328732

აღსანიშნავია, რომ ამჟამად, GNS GEORGIA  ფლობს საკონტეინერო ბაზრის 15%-იან წილს საქართველოსა და კავკასიაში. კომპანია წარმოდგენილია როგორც  თბილისში, ასევე,  ფოთსა და ბათუმში. შესაბამისად, კომპანია გამოირჩევა  ადგილობრივი რეალობის უნიკალური ცოდნითა და შესაბამისი ექსპერტიზით.როგორც კომპანიაში აცხადებენ, „გამოცდილი მენეჯმენტით, პროფესიონალი და მოტივირებული პერსონალით GNS Georgia ყოველთვის შესანიშნავად ასრულებდა დაკისრებულ პასუხისმგებლობას და მათი, როგორც საზღვაო ხაზის აგენტის, ფუნქციები ყოველთვის დროულად და მაქსიმალურად ეფექტურად სრულდება“.ამჟამად, GNS GEORGIA-ს გუნდი აქტიურად მუშაობს ცენტრალური აზიის ტვირთების გადმომისამართებაზე საქართველოს დერეფანში, რაც თავის მხრივ ქვეყნის პორტებსა და რეგიონში ტვირთბრუნვას გაზრდის.„მივესალმებით ახალ წევრს კომპანია GNS GEORGIA-ს საქართველოს ბიზნეს ასოციაციის წევრთა რიგებში. ჩვენთვის განსაკუთრებულ ინტერესს წარმოადგენს ტრანსპორტისა და ლოჯისტიკის მიმართულება, რაც განსაკუთრებით აქტუალური ასოციაციაში ტრანსპორტისა და ლოჯიკისტიკის კომიტეტის დაფუძნების შემდგომ გახდა. ასეთი წევრებით, რომლებიც გამოირჩევიან პროფესიონალიზმით ასოციაცია კიდევ უფრო ძლიერდება, რაც გვაძლევს საშუალებას ერთად დავიცვათ სექტორის საუკეთესო ინტერესები“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1696320527

„პარკ რეზორტ წყალტუბო“ ბალნეოლოგიური კურორტია, რომელიც მდებარეობს ქალაქის ცენტრალურ ნაწილში. კურორტი 60 ნომრიან სანატორიუმს, ორი განსხვავებული კონცეფციის რესტორანსა და სპა და გამაჯანსაღებელ ცენტრს მოიცავს. ბაღის ფართობი 73 ჰა. - ია და ის საბავშვო და რეკრეაციეული ზონას, ველო-პარკინგსა და პატიოს აერთიანებს. სანატორიუმი  60 ადამიანს ასაქმებს, რომელთა უმრავლესობა ადგილობრივია. კომპანია მათ პროფესიულ გადამზადებას ადგილზე უზრუნველყოფს.აღსანიშნავია,  რომ ჯგუფმა „ბ&ნ ინვესტი“ საქართველოში ინვესტირება 20 წელზე მეტია დაიწყო და ეს არ არის პირველი პროექტი, რომელსაც ის რეგიონში ახორციელებს. კომპანიის მიერ მთლიანად რეგიონში, კომპლექსის მშენებლობა - რეაბილიტაციაზე ინვესტირებულია - 25 მილიონი ლარი. “ბ&ნ ინვესტი“ აერთიანებს “პარკ რეზორთ წყალტუბოს” და “სანატორიუმ იმერეთს” წყალტუბოში, აგურის ქარხანას „მეტეხის კერამიკას“ და მილების ქარხნებს-  კასპის რაიონში, უსახელაურის ვენახებს ზუბსა და ოყურეშში „შპს შატო ლეჩხუმი“ და სხვა.„საქართველოს ბანკი, როგორც ბიზნესის მხარდამჭერი ბანკი, რეგიონებში ახალი პროექტების განხორციელებას აქტიურად უჭერს მხარს. ტურიზმის განვითარება ერთ-ერთ პრიორიტეტული მიმართულებაა ჩვენთვის. სწორედ ამიტომ, ბანკი მრავალი წელია მხარში უდგას  აღნიშნული სექტორის განვითარებას და ჩვენი მხარდაჭერით, არაერთი პროექტია განხორციელებული როგორც თბილისში, ასევე რეგიონებში. აღსანიშნავია, რომ ჯგუფთან  „ბ&ნ ინვესტი“ მრავალი წელია ვთანამშრომლობთ და მუდმივად ვხედავთ სწრაფვას, არ გაჩერდნენ და განვითარდნენ. ამჯერად, ჩვენი პარტნიორობის ფარგლებში კიდევ ერთი მასშტაბური პროექტი განხორციელდა - „ბ&ნ ინვესტმა“ განახლებული სანატორიუმი და ქართული რესტორანი გახსნა.ეს ერთ - ერთი ყველაზე დიდი ინვესტიციაა რეგიონში და მოხარულები ვართ რომ  გვაქვს შესაძლებლობა, ხელი შევუწყოთ კომპანიის განვითარებასა და გაძლიერებას. მინდა წარმატებები ვუსურვო გუნდს, ჩვენ კი არ ვჩერდებით და აქტიურ რეჟიმში ვაგრძელებთ ბიზნესის წახალისებას, რადგან მიგვაჩნია, რომ ძლიერი კერძო სექტორი ქვეყნის გავითარების საწინდარია“- განაცხადა გიორგი წეროძემ, საქართველოს ბანკის კორპორაციული გაყიდვების სექტორის უფროსმა.“ჩვენმა ჯგუფმა წყალტუბოს რეგიონში 25 მილიონ ლარზე მეტი ინვესტიცია განახორციელა და გაჩერებას არ ვაპირებთ. გვაქვს კიდევ ბევრი გეგმა და პროექტი, რომლის განხორციელებასაც საქართველოს ბანკის და „აწარმოე საქართველოს“ მხარდაჭერით ვაპირებთ. მაგალითად, უახლოეს მომავალში იგეგმება კიდევ ერთი პროექტის განხორციელება - ღია აუზის და მასთან მდებარე რეკრეაციული ზონის დამატება და სასტუმროს მეორე ნახევრის რენოვაცია. ამით ჩვენ მაქსიმალურად მოვერგებით ჩვენი მომხმარებლის და ბაზრის მოთხოვნებს.“- აცხადებს „ბ&ნ ინვესტის“ დამფუძნებელი, დავით კაკაბაძე.

1696315866

ტექნოლოგიური კომპანია “იუ ჯი თი“–ს ინიცირებით, შექმნილი საინფორმაციო ტექნოლოგიების კომიტეტის მიზანია ბიზნეს სექტორში ინკლუზიური ციფრული ტრანსფორმაციის ხელშეწყობა, ინოვაციებისა და ტექნოლოგიური სიახლეების ინიცირება და დანერგვა. შედეგად კი, ქართული ინოვაციური ეკოსისტემის პოტენციალის განვითარება და ქვეყნის მდგრადი ეკონომიკური ზრდის ხელშეწყობა.კომიტეტის თავმჯდომარის განცხადებით, „კომიტეტი დარგობრივ ჭრილში შეიმუშავებს IT მიმართულებით საუკეთესო საკანონმდებლო თუ ბიზნესზე ორიენტირებულ პროექტებს, კიბერ-უსაფრთხოების გადაწყვეტებს ელექტრონული მმართველობის და საჯარო ადმინისტრირების, ფინანსური სექტორის, სატრანსპორტო და ლოგისტიკის სფეროების, კულტურის, განათლების, მეცნიერების, ჯანდაცვის და სოციალური უსაფრთხოების,  სამშენებლო, ტურისტული და აგრო სფეროებისთვის. მზად ვართ, ჩვენი ცოდნისა და კომპეტენციის ფარგლებში დავეხმაროთ ორგანიზაციებს თანამედროვე ტექნოლოგიების დანერგვასა და ციფრულ ტრანსფორმაციაში“.აღსანიშნავია, რომ IT კომიტეტის ფარგლებში, შემუშავდება საგანმანათლებლო პროგრამები, რომელიც მორგებული იქნება ინდუსტრიის დაინტერესებულ მხარეებზე, წევრების  და ზოგადად ბაზრის საჭიროებებზე.როგორც საქართველოს ბიზნეს ასოციაციაში აცხადებენ „ზემოხსენებული პლატფორმა ხელს შეუწყობს ბიზნესის ტექნოლოგიურ ტრანსფორმაციას, ცოდნის, კომპეტენციების, შეხედულებებისა და უახლესი ტენდენციების გაზიარებას და დიგიტალიზაციის მიმართულებით არსებული გამოწვევებისა და შესაძლებლობების იდენტიფიკაციას“.„ქვეყნისთვის პრიორიტეტულია ციფრული მმართველობის ეკოსისტემის განვითარება და ე.წ e-Governance სამთავრობო ციფრული სერვისების ეფექტიანი დანერგვა. მათ შორისაა, ბლოკჩეინ ტექნოლოგიაზე დაფუძნებული მიწის რეგისტრაცია, ბიზნესთან დაკავშირებული დისტანციური მომსახურება, ელექტრონული საგადასახადო პროცედურები თუ უახლესი ტენდენციების გაზიარება. სწორედ ამიტომ, საქართველოს ბიზნეს ასოციაციის სამეთვალყურეო საბჭოს წევრებმა მივიღეთ გადაწყვეტილება ინფორმაციული ტექნოლოგიების (IT) კომიტეტის შექმნის თაობაზე და დარწმუნებული ვარ, ჩვენი საქმიანობა პროდუქტიული და წარმატებული იქნება“ - განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1696240638

„თეგეტა აკადემიამ“ ინოვაციური ელექტრონული სასწავლო პლატფორმის, Electude-ის, დანერგვის პირველი წელი წარმატებით დახურა. პროექტის ფარგლებში ტრენინგი ავტოინდუსტრიაში დასაქმებულმა 1000-ამდე მონაწილემ გაიარა.პროგრამის შემაჯამებელი პრეზენტაცია სასტუმრო „პულმანში“ გაიმართა. შეხვედრაზე „თეგეტა აკადემიის“ წარმომადგენლებმა სტუმრებს მიღებული შედეგები გააცნეს. „თეგეტა აკადემია“ ინოვაციურ ელექტრონული სასწავლო პლატფორმას USAID-ის საგრანტო პროგრამის „დამსაქმებლები პროფესიული განათლებისთვის“ ფარგლებში ახორციელებს და მიზნად ისახავს ავტოინდუსტრიაში დასაქმებული ადამიანების პროფესიული ზრდისთვის საჭირო შესაძლებლობების შექმნას და ამ გზით სამუშაო ძალის კვალიფიკაციის ამაღლებას.პროექტის ფარგლებში შემუშავდა 7 სასწავლო კურსი, მსუბუქი ავტომობილების ძრავის, სავალი ნაწილისა და ელექტრობის მიმართულებით; ითარგმნა Electude-ის 700-ამდე სასწავლო მოდული და „თეგეტა აკადემია“ საქართველოში Electude-ის ოფიციალური წარმომადგენელი გახდა.ღონისძიების ფარგლებში გაიმართა პანელური დისკუსია თემაზე: „კერძო სექტორის როლი პროფესიულ განათლებაში და პროფესიული განათლების როლი ბიზნესის განვითარებაში“, სადაც „თეგეტა ჰოლდინგის“, USAID-ისა და უნარების სააგენტოს წარმომადგენლებმა პროფესიული განათლების მნიშვნელობაზე ისაუბრეს.ოთარ სიხარულიძე, „თეგეტა აკადემიის“ დირექტორი: „მოხარულები ვართ, რომ Electude-ის საქართველოში ჩამოტანისა და დანერგვის პროექტი გასცდა  კომპანიის ფარგლებს, უფრო მასშტაბური სახე მიიღო და ახლა უკვე მთლიანად საავტომობილო ინდუსტრიაში სამუშაო ძალის კვალიფიკაციის ამაღლების ხელშეწყობას ისახავს მიზნად. ეს კი გულისხმობს, ერთი მხრივ, დასაქმებულებისთვის და, მეორე მხრივ, სამუშაოს მაძიებლებისთვის ხელმისაწვდომი და მაღალი ხარისხის სასწავლო კურსების შეთავაზებას.Electude-ის ონლაინ სასწავლო პლატფორმა ამ მიზნის მიღწევას ამარტივებს, რადგან მონაწილეებს აქვთ შესაძლებლობა, თავისუფალ დროს დამოუკიდებლად ისწავლონ ავტომობილთან დაკავშირებული ნებისმიერი საკითხი. ეს განსაკუთრებით ხელსაყრელია უკვე დასაქმებული მექანიკოსებისთვის, ვისაც, გადატვირთული გრაფიკის გამო, ტრენინგებზე დასწრების დრო შეზღუდული აქვთ. მეორე მხრივ, Electude-ის სიმულაციური მოდულები არაჩვეულებრივი შესაძლებლობაა იმ ადამიანებისთვის, რომლებიც პროფესიას ახლა ეუფლებიან. მათ შეუძლიათ ავტომობილის აგებულებისა და მუშაობის პრინციპების რთული და კომპლექსური საკითხები ვიზუალურად აღქმადი, მარტივი ენით გადმოცემული მოდულებიდან ისწავლონ“.გიორგი ცინარიძე, „თეგეტა აკადემიის“ კომერციული პროექტების სამსახურის უფროსი: „ჩვენთვის ნამდვილად საამაყოა, რომ „თეგეტა აკადემია“ Electude-ის ექსკლუზიური წარმომადგენელია საქართველოში. ეს ნიშნავს უდიდეს ნდობასა და მხარდაჭერას. ჩვენი მთავარი მიზანი ამ პროგრამით კიდევ უფრო მეტი ადამიანის დაინტერესებაა. გვინდოდა პროგრამაზე ხელმისაწვდომობის გაზრდა და სწორედ ამიტომ აქტიურად ვიმუშავეთ მოდულების ქართულ ენაზე თარგმნაზე. წარმომადგენლის სტატუსის დამსახურებით, პროგრამის ადგილობრივ ბაზარზე განვითარებაში Electude Intrenational-იც აქტიურად იყო ჩართული“.მსუბუქი ავტომობილის ელექტროდიაგნოსტიკოსის, ძრავის მექანიკოსის, სავალი ნაწილის მექანიკოსის, ზეთის შეცვლის ოპერატორის მოსამზადებელი კურსი; მსუბუქი ავტომობილის საბურავების ტრენინგი, მისი აგებულებისა და უსაფრთხო მართვის კურსი -  პირველი წლისთვის შემუშავებული ამ 7 სასწავლო პროგრამიდან ბაზარზე ყველაზე მოთხოვნადი ელექტროდიაგნოსტიკოსის მოსამზადებელი კურსი აღმოჩნდა. საქართველოში Electude-ის ექსკლუზიური წარმომადგენლის სტატუსის მიღების შემდეგ „თეგეტა აკადემიას“ შესაძლებლობა აქვს, პარტნიორებთან ერთად,  უფრო ინტენსიურად იმუშაოს პლატფორმის პოპულარიზებასა და ხელმისაწვდომობის გაზრდაზე.დევიდ ბლოდი, USAID-ის პროგრამის „დამსაქმებლები პროფესიული განათლებისთვის“ ხელმძღვანელი: „კერძო სექტორთან თანამშრომლობით USAID საქართველოში ქმნის სამუშაო ძალის პროფესიული განვითარების ისეთ შესაძლებლობებს, რომლებიც უზრუნველყოფს მოქალაქეების დასაქმებასა და კარიერულ წინსვლას. დამსაქმებლების მოთხოვნების შესაბამისად შექმნილი და განხორციელებული პროფესიული პროგრამები ბიზნესს საშუალებას აძლევს, ეფექტურად შეავსოს სამუშაო ძალის დეფიციტი. ტრანსპორტისა და ლოგისტიკის სექტორი საქართველოს ეკონომიკის განვითარების მნიშვნელოვანი კონტრიბუტორია. ჩვენი პარტნიორობა „თეგეტა აკადემიასთან“ მიზნად ისახავს ახალი საგანმანათლებლო სერვისების შექმნას, როგორც უკვე არსებული თანამშრომლების გადამზადების, ისე ახალი კადრების მომზადების მიზნით. ერთობლივი პროექტის ფარგლებში ჩვენ 900-ზე მეტი პროფესიონალი გადავამზადეთ, რომლებიც მზად არიან თანამედროვე სტანდარტების შესაბამისი მომსახურების გასაწევად“.სიმულაციური სასწავლო გლობალური პლატფორმა Electude, რომელიც 3000-ამდე სასწავლო მოდულს აერთიანებს, მსუბუქი ავტომობილების გარდა, სატვირთო მიმართულებასაც მოიცავს.პროგრამის საქართველოში დანერგვის პირველი წლის წარმატებით დახურვის შემდეგ „თეგეტა აკადემიაში“ აქტიურად მიმდინარეობს მოდულების ქართულ ენაზე თარგმნა და აკადემიის სასწავლო პრაქტიკებში დანერგვა. კომპანიაში გრძელვადიან მიზნად კი ქართულ საავტომობილო განათლებაში სასწავლო პლატფორმის მასობრივად დანერგვას მოიაზრებენ.„თეგეტა ჰოლდინგის“ შვილობილი კომპანია „თეგეტა აკადემია“ არის ავტორიზებული კოლეჯი და მულტიფუნქციური ტრენინგცენტრი, რომელიც 2013 წლიდან აქტიურად ეწევა საგანმანათლებლო და საკონსულტაციო საქმიანობას ტექნიკური და ბიზნესის მიმართულებებით.

1696238927

აჭარის რეგიონში, კერძოდ ბათუმში, 6 ოქტომბერს დასავლეთ საქართველოში ყველაზე დიდი მულტიფუნქციური სავაჭრო ცენტრი, გრანდ მოლი იხსნება. მოლში მომხმარებელს მათთვის კარგად ნაცნობი ბრენდების მაღაზიები და სხვადასხვა გასართობი თუ საკვები ობიექტები დახვდებათ - დრესაპ ჯგუფი კი აღნიშნულ სავაჭრო ცენტრში ახალ მაღაზიებს წარადგენს: Lacoste, Guess, Tommy Hilfiger, Calvin Klein, Gant, Levi’s, Lee & Wrangler, Jack & Jones, Etam, Samonite, FActory, Kid’s Gallery და პირველად საქართველოში - Calvin Klein Underwear და G-Star Raw.ჯგუფი ბათუმში უკვე საკმაოდ დიდი ხანია არის წარმოდგენილი და ამჟამად მომხმარებელი 8 მაღაზიით იცნობს. მულტიბრენდული მაღაზიები: Jeans Gallery, FActory, Kid’s Gallery და მონობრენული მაღაზიები: Levi’s, Greyder - უკვე წლებია აჭარაში მომხმარებელს საერთაშორისო ბრენდების უახლეს კოლექციებს სთავაზობს.როგორც დრესაპ ჯგუფის აღმასრულებელი დირექტორი, ლაშა მურვანიძე აცხადებს, აჭარის რეგიონში მნიშვნელოვანი გაფართოება, ერთის მხრივ სწორედ ლოიალური მომხმარებლების დიდმა მოთხოვნამაც განაპირობა.„ვფიქრობ, ასეთი სტანდარტის მოლის გახსნა უმნიშვნელოვანესი წინ გადაგმული ნაბიჯია რეგიონის განვითარებისთვის, როგორც ტურისტულ, ასევე ეკონომიკურ ჭრილში.მაღაზიების გახსნასთან ერთად, ჩვენთვის საამყოა ის ფაქტი, რომ რეგიონში 150-მდე სამუშაო ადგილს ვქმნით.აჭარელი მომხმარებელი უკვე კარგად გვიცნობს, რადგან საკმაო ხანია ჯგუფის სხვადასხვა მაღაზიებში მათთვის საყვარელი ბრენდების კოლექციებს ვთავაზობთ. ჩვენთვის სტრატეგიული გადაწყვეტილება იყო თავის დროზე ბათუმში არსებული მაღაზიების წარდგენაც - ამიერიდან კი მომხმარებელს ჩვენგან ბრენდების გაზრდილი ასორტიმენტი ელოდება. მათი გამოხმაურება და ლოიალობა კი რეგიონში ჯგუფის მნიშვნელოვანი გაფართოების ერთ-ერთი წინაპირობა გახდა.აღსაღნიშნია ის ფაქტიც, რომ პირველად საქართველოში, სწორედ ბათუმში იხსნება ისეთი საერთაშორისო ბრენდების მაღაზიები, როგორებიცაა: Calvin Klein Underwear და ასევე, ახლო მომავალში - G-Star Raw.სამომავლოდ მომხმარებელს კიდევ არაერთ საინტერესო სიახლეს შევთავაზებთ.”აჭარასთან ერთად დრესაპ ჯგუფმა, გასულ წელს, დასავლეთ საქართველოს კიდევ ერთ ქალაქში, ზუგდიდშიც წარადგინა მულტიბრენული მაღაზია, ჯინს გალერი. მრავალ დაგეგმილ სიახლესთან ერთად, მომავალ წელს ჯგუფს 30 წლის იუბილე უსრულდება და ერთგულ მომხმარებელს არაერთ საინტერესო სიურპრიზსაც უმზადებს.დასავლეთ საქართველოში ყველაზე დიდი, მულტიფუნქციური სავაჭრო ცენტრი, გრანდ მოლი კი შ. ხიმშიაშვილის 29-ში, 6 ოქტომბერს გაიხსნება და ბრენდული მაღაზიებთან ერთად, კვების ობიექტებს, კინოთეატრს, ბოულინგს, ფიტნეს კლუბსა და ბავშვთა გასართობი ცენტრს გააერთიანებს.

1696235768

Tegeta Cars-მა ავტოინდუსტრიის გიგანტის Geely Holding-ის ინოვაციური და მაღალტექნოლოგიური საავტომობილო ბრენდი, Geely Auto წარადგინა. პრეზენტაცია მედიის წარმომადგენლებისთვის სასტუმრო Moxy-ში გაიმართა და სტუმრებს შესაძლებლობა ჰქონდათ, Geely Auto-ს გამორჩეული მოდელი - Geely Coolray პირველებს შეეფასებინათ.ქართულ ბაზარზე ახლად შემოსული ავტომობილი პრეზენტაციის სტუმრებს „Geely Sakartvelo“-ს დირექტორმა გაგა კოხრეიძემ და კომპანიის კომერციულმა დირექტორმა გიორგი შაქარაშვილმა წარუდგინეს. მათ ღონისძიების სტუმრებს დეტალურად გააცნეს ბრენდის ისტორია, Geely Coolray-ს მახასიათებლები, შესაძლებლობები და ინოვაციურ-ტექნიკური უპირატესობები. საღამოს დასასრულს ღონისძიების მხარდამჭერმა  სადაზღვევო კომპანია „ალდაგმა“ პრეზენტაციის სტუმრებისთვის ავტომანქანის მოსავლელი კომპლექტი: ავტობოქსები გაათამაშა.გიორგი შაქარაშვილი,- Geely Sakartvelo-ს კომერციული დირექტორი: „ჩვენთვის ძალიან საამაყოა, რომ შესაძლებლობა გვაქვს ქართველ მომხმარებლებს სრულიად ახალი, ინოვაციური ბრენდი წარვუდგინოთ. Geely Auto  არის გიგანტი ავტომწარმოებელი, რომელიც აწარმოებს ავტომობილებს სხვადასხვა კატეგორიაში, როგორებიცაა სედანი, ჰეჩბეკი, საშუალო და დიდი ზომის SUV-ები.Geely-ს მარკის ავტომობილები გამოირჩევა აწყობის ხარისხით, ხელმისაწვდომობითა და გამოხატული ხასიათით, რომელსაც ავტომობილის საჭესთან პირველი შეხებისთანავე შეიგრძნობს მომხმარებელი. მოხარულები ვართ, რომ უკვე ქართველ მომხმარებლებსაც აქვთ საშუალება, მიიღონ Geely Coolray-ს მართვის გამოცდილება და აღმოაჩინონ ავტომობილის შთამბეჭდავი შესაძლებლობები“.Geely Holding ჩინური მრავალეროვნული საავტომობილო ბრენდია, რომელიც ჩინეთში მეშვიდე ადგილს იკავებს უმსხვილეს ავტომწარმოებლებს შორის. Geely Auto-ს ბრენდის ქვეშ 8 ავტომობილია გაერთიანებული. მათ შორის ყველაზე პოპულარულია Geely Coolray. ბრენდის ავტომობილები გამძლეობით, უსაფრთხოების სისტემებით, თანამედროვე ტექნოლოგიების ინტეგრაციითა და ხელმისაწვდომი ფასებით გამოირჩევა.Geely Coolray, რომელიც ბრენდის პირველი ავტომობილია ქართულ ბაზარზე, მძღოლის დამხმარე სისტემებითა და უსაფრთხოების თანამედროვე ტექნოლოგიებითაა აღჭურვილი. მას 1.5 მოცულობის, 172 ცხენის ძალის ოთხცილინდრიანი ძრავა და 190 კმ/სთ მაქსიმალური სიჩქარე აქვს. ავტომობილი გამოირჩევა კომფორტული ინტერიერითა და ინოვაციური მახასიათებლებით: ბრმა ზონის მართვის ფუნქცია, ადაპტიური კრუიზ კონტროლი, პანორამული სახურავი, 360-გრადუსიანი კამერა, პარკირების ავტომატური სისტემა და სხვა.გიორგი შაქარაშვილი, Geely Sakartvelo-ს კომერციული დირექტორი: „Geely Holding Group“ 1986 წელს დაარსდა, ხოლო საავტომობილო ინდუსტრიაში მან 1997 წლიდან შეაბიჯა. მას შემდეგ კომპანიის ისტორიაში არაერთი უმნიშვნელოვანესი თარიღი შეგვიძლია გამოვყოთ. მათ შორის ყველაზე აღსანიშნავია ბრენდის მიერ Volvo Cars-ის შეძენა, რამაც ბევრი რამ შეცვალა ავტოინდუსტრიაში. გარდა Volvo Cars -ისა, Geely Group აერთიანებს ისეთ ავტომწარმოებლებს, როგორებიცაა Smart, Polestar, Lynk & Co, Zeekr, Lotus და ა.შ.“Geely Auto-ს ქართველი მომხმარებლებისთვის ოფიციალურ წარდგენამდე, სოციალურ ქსელში ბრენდის თიზინგ კამპანია გავრცელდა. კამპანიის ფარგლებში შეიქმნა პიქსელური ვიზუალები, რომლებზეც ავტომობილის ბრენდირება დაფარული იყო და  მომხმარებელს, ქალაქში განსაკუთრებული სიახლის მოლოდინს უქმნიდა. ბანერები სხვადასხვა საინფორმაციო პლატფორმებმა სოციალურ ქსელში განათავსეს.Geely Auto-ს მთავარი მახასიათებლები ინდუსტრიაში უახლესი მიდგომებისა და თანამედროვე ტექნოლოგიების დანერგვაა, რაც უპირველესად წიაღისეული საწვავიდან ახალ ენერგიაზე გადასვლას გულისხმობს.კომპანიის მიერ 2022 წელს გამოქვეყნებული ანგარიშის თანახმად, Geely Auto-მ 2020 წელთან შედარებით ნახშირბადის გამონაბოლქვი ერთ ავტომობილზე 8,1%-ით შეამცირა, ახალ ენერგიაზე მომუშავე მოდელების გაყიდვებში კი წლიური 300%-იანი ზრდა აჩვენა. 2022 წელს Geely-ს 9 სატრანსპორტო ქარხანას ეკომეგობრული საწარმოების სტატუსი - "National Green Factory" მიენიჭა.ამავე ანგარიშის თანახმად, Geely Auto-მ აიღო ვალდებულება, რომ 2025 წლისთვის ნახშირბადის გამონაბოლქვს თითოეულ ავტომობილზე 25%-ზე მეტით შეამცირებს, ხოლო 2045 წლისთვის ნახშირბადნეიტრალური გახდება.Tegeta Cars გეგმავს, რომ Geely Coolray-ს შემდეგ, ბრენდის სხვა ავტომობილებთან ერთად, Geely-ის ელექტრომობილებიც შემოიტანოს ქართულ ბაზარზე. 

1695996715

თბილისიმარათონი უკვე მე-12 წელია რაც იმართება და ემსახურება საქართველოში ჯანსაღი ცხოვრების წესის პოპულარიზაციას, ქველმოქმედებას და დედაქალაქში სპორტული ტურიზმის განვითარებას. ჯანსაღი ცხოვრების სტილის ხელშეწყობა, სელფის ერთ-ერთი მიმართულებაა, რისთვისაც სელფი მის აბონენტებს სპეციალურად ამ მიზნით შექმნილ პროდუქტებს სთავაზობს. მარათონის მხარდაჭრაც ეხმიანება სელფის მიზანს, მისცეს მომხმარებლებს მოტივაცია დანერგონ ჯანსაღი და აქტიური ცხოვრების წესი.წელს, მარათონის რეგისტრაციიდან შემოსული თანხა მოხმარდება კასპის სოციალური სერვისის - 6-18 წლის შშმ ბავშვთა დღის ცენტრის სრულ რეაბილიტაციას. დეტალური ინფორმაციისთვის: www.Tbilisimarathon.ge

1695992252

დააგროვე ქულები, მოიპოვე პრივილეგიები და ისიამოვნე შენზე მორგებული საუკეთესო სერვისით.სამყაროში, სადაც გართობისა და დასვენების შესაძლებლობები უსაზღვროა, Club Iveria, გთავაზობთ კომფორტსა და საუკეთესო მომსახურებას. თუ ხარ ადამიანი, ვინც აფასებს ხარისხს და გსურს მიიღო ექსკლუზიური ფასდაკლებები და პრივილეგიები პრემიუმ კლასის ლოკაციებზე, Club Iveria-ს წევრობა საუკეთესო არჩევანია.Club Iveria-ს სხვადასხვა ობიექტები ზედმიწევნით არის მორგებული წევრების საჭიროებებზე. კლუბის წევრობა უფასოა, ხოლო მასში გაწევრიანების შემდეგ, ავტომატურად იღებ პრივილეგიებს, ფასდაკლებებსა და სპეციალურ შეთავაზებებს.საწევრო ბარათის ტიპებიClub Iveria-ში შეხვდებით ოთხ სხვადასხვა კატეგორიის ბარათს, რომლებიცაა: Classic, Silver, Gold და VIP. კაზინოში სტუმრობისას, შეგიძლია დააგროვო ქულები და აიმაღლო სტატუსები. პირველი ვიზიტის დროს, გადმოგეცემა Classic კატეგორიის ბარათი, საიდანაც დაიწყება შენი მდიდრული გამოცდილება.რა პრიორიტეტები მოგენიჭება Club Iveria-ში გაწევრიანების შემდეგ?● ფასდაკლებები პრემიუმ კლასის ლოკაციებზეროგორც Club Iveria-ს წევრი, შენ იღებ წვდომას ექსკლუზიურ ფასდაკლებებზე თბილისის და ბათუმის ყველაზე პრესტიჟულ დაწესებულებაში, მათ შორის რადისონის სასტუმროებში - რადისონ ბლუ ივერია თბილისში, რადისონ ბლუ ბათუმში, რადისონ ქოლექშენში. ასევე კაზინო ივერია თბილისში და კაზინო ივერია ბათუმში, Iveria Beach-სა და სხვა დასასვენებელი ობიექტებში.შენი წევრობა სცდება მხოლოდ ერთ ადგილს – ეს არის ბილეთი საუკეთესო გართობისა და დასვენებისთვის.● ექსკლუზიურ ღონისძიებებზე წვდომაClub Iveria ამაყობს, რომ მასპინძლობს ექსკლუზიურ მსოფლიო დონის ღონისძიებებს და წევრებს საშუალებას აძლევს დაესწრონ დაუვიწყარ საღამოებს, რომლებიც ტარდება თბილისისა და ბათუმის საუკეთესო დარბაზებში.● სტატუსზე დაფუძნებული უპირატესობებიროგორც ავღნიშნეთ, Club Iveria-ს აქვს წევრობის ოთხი დონე - Classic, Silver, Gold და VIP.  თითოეული გთავაზობს ფასდაკლებების განსხვავებულ დონეებს. შენი სტატუსის დონე განისაზღვრება შენს მიერ დაგროვებული ქულების მიხედვით, პირველ რიგში, კაზინოში ვიზიტების მეშვეობით. ამ ქულების გამოსყიდვა შესაძლებელია შესაბამის ლოკაციებზე, რაც ნიშნავს იმას, რომ რაც უფრო მეტად იაქტიურებ და დარჩები ივერიას კაზინოების ერთგული, მით მეტ ფასდაკლებას მიიღებ.●  შეუდარებელი კომფორტიClub Iveria-ში სჯერათ, რომ ნამდვილი ფუფუნება დეტალებშია. გუნდი მუდმივად ზრუნავს განავითაროს და დახვეწოს ყველა არსებული სერვისი. 

1695986988

ბაზისბანკთან პარტნიორობით ჩატარდება სასტუმროს გარე ფასადის სრული მოპირკეთება და სასტუმროს გარე პერიმეტრის კეთილმოწყობა, ასევე შენობის სრული რემონტი/აღჭურვა. ელექტროგაყვანილობის მოწესრიგება და გათბობა-გაგრილების სისტემის მოწყობა.შენობა, რომელშიც სასტუმრო სოლომონია განთავსებული, მე-19 საუკუნეში არის აშენებული და გამოირჩევა უნიკალური სტილის არქიტექტურით. სასტუმრო ქალაქ ქუთაისის ცენტრალურ და ისტორიულ ნაწილში  მდებარეობს.სასტუმროს ახალი კორპუსის დასრულება და პირველი სტუმრების გამასპინძლება 2024 წლის დასაწყისიდან არის დაგეგმილი. სასტუმრო, ვიზიტორებს საქართველოს გაცნობით სხვადასხვა ტიპის ტურებს სთავაზობს, მათ შორის ღვინის და ქართული ავთენტური სამზარეულოს სადეგუსტაციო ტურებს.  დასასვენებელ სივრცეს, კერძო პარკინგსა და რეცეფციის 24 საათიან მომსახურებას სთავაზობს.„სასტუმროს განვითარება ჯერ კიდევ პანდემიის დროს დავგეგმეთ, რაც გამოწვევა იყო ბანკებთან ურთიერთობისას. ბაზისბანკმა ჩვენთან ერთად აიღო რისკები და პარტნიორული დამოკიდებულება გამოიჩინა, რაც ცალსახად მისასალმებელია. მინდა მადლობა გადავუხადო ბაზისბანკის გუნდს აღნიშნულ პროექტში შეტანილი წვლილისთვის. ვიმედოვნებ, რომ კიდევ მეტი მსგავსი პროექტი განხორციელდება ჩვენს ქალაქში, რაც ხელს შეუწყობს ტურიზმისა და მასპინძლობის სექტორის განვითარებას.“ - სასტუმრო სოლომონის მენეჯერი, გიორგი ქებულია.„ბაზისბანკს, როგორც ბიზნესის ერთ-ერთ უმსხვილეს დამფინანსებელს საქართველოში, მნიშვნელოვანი წვლილი შეაქვს სასტუმრო ინდუსტრიის განვითარების კუთხით. მსგავსი პროექტების დაფინანსება ბანკისთვის ერთ-ერთ პრიორიტეტულ მიმართულებას წარმოადგენს, რადგან ხელს უწყობს ტურიზმის განვითარებას და აძლიერებს სამშენებლო სექტორს. მოხარული ვართ, რომ ჩვენი ჩართულობით სასტუმრო სოლომონი ფართოვდება და კიდევ ერთი წარმატებული პროექტი ხორციელდება.“ - ბაზისბანკის მცირე და საშუალო ბიზნესის რეგიონის უფროსი, ნათია ბერიძე.

1695973671