ბიზნესი
ახალ სტრატეგიულ პერიოდში ,,პაშა ბანკი საქართველო’’ მიზნად ისახავს, გახ...

შედეგები პაშა ბანკის კორპორატიულმა და კომერციულმა განყოფილებებმა განაპირობა, რამაც ბანკის საკრედიტო პორტფელი წლის ბოლოს 336 მილიონ ლარამდე გაზარდა. დეპოზიტების ზრდამ წინა წელთან შედარებით 16 მილიონი ლარი შეადგინა. ეს კიდევ ერთი ნიშანია იმისა, რომ პაშა ბანკის ბრენდის მიმართ მომხმარებლების ერთგულება მნიშვნელოვნად გაიზარდა.2024 წელს, ,,პაშა ბანკი საქართველო’’ ახალ სამწლიან სტრატეგიულ პერიოდში შევიდა. ახალი სტრატეგიის მიხედვით, 2024-2026 წლებში ბანკი ფოკუსირებული იქნება კორპორატიული ბიზნესის გაფართოებაზე, რომელმაც ახლახანს ქართულ ბაზარზე 10 წელი იზეიმა.პაშა ბანკი მიზნად ისახავს, გახდეს ერთ-ერთი მთავარი არჩევანი კორპორატიული მომხმარებლებისთვის საქართველოში, მისი კლიენტების საჭიროებებზე მორგებული მაღალი ხარისხის სერვისის მიწოდებითა და საქართველოს ეკონომიკის ზრდაში მნიშვნელოვანი წვლილის შეტანით.მომდევნო სტრატეგიულ პერიოდში ‘’პაშა ბანკი საქართველო’’ ცვლილებებს განახორციელებს საცალო ბიზნესში: ბანკმა გადაწყვიტა, შეწყვიტოს მასობრივი საცალო დაკრედიტება და გააგრძელოს ციფრული სერვისების განვითარება.ამ მიზნების მისაღწევად ბანკი განაგრძობს ინვესტიციებს ადამიანურ კაპიტალში და რჩება თავისი ძირითადი ღირებულებების ერთგული.

1708951707

Georgian Wings-მა თბილისი-კიშინაუს მიმართულებით საინაუგურაციო ფრენა შე...

პირველი რეგულარული ფრენის ღონისძიება, კიშინაუს საერთაშორისო აეროპორტში საზეიმო ვითარებაში წარიმართა.ღონისძიებას, როგორც Georgian Wings-ის ხელმძღვანელი, ასევე საქართველოს საგანგებო და სრულუფლებიანი ელჩი მოლდოვას რესპუბლიკაში ლევან დიასამიძე, კიშინაუს საერთაშორისო აეროპორტის და Georgian Wings-ის პარტნიორი კომპანიების წარმომადგენლები ესწრებოდნენ.Georgian Wings-ის პრეზიდენტის ბატონი შალვა კიკნაძის განცხადებით ,,ავიაკომპანია Geosky-ს სამგზავრო მიმართულება Georgian Wings-ი იწყებს ახალ მიმართულებას თბილისი-კიშინაუ-თბილისი კვირაში 2 სიხშირით, გადაწყვეტილება იქნა მიღებული კიშინაუს მიმართულებით ფრენების დაწყების თაობაზე, გაზრდილი მოთხოვნიდან გამომდინარე, აღნიშნული ფრენა უფრო დააახლოებს საქართველოსა და მოლდოვეთს და ხელს შეუწყობს ორ ქვეყანას შორის ტურიზმის ზრდას“.„ვულოცავთ ჩვენს წევრ კომპანია „Georgian Wings”-ს ახალ ფრენას კიშინაუს მიმართულებით, რაც მნიშვნელოვანია, როგორც ბიზნესის განვითარებისა და ოპერირების არეალის გაფართოების, ასევე ქვეყნებს შორის ტურისტული პოტენციალის ზრდის თვალსაზრისით. ვფიქრობ, მსგავსი სიახლეები პოზიტიურად აისახება ჩვენი ქვეყნის ეკონომიკაზე“ განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.Georgian Wings-ი დღეიდან ფრენებს თბილისი-კიშინაუ-თბილისის მიმართულებით, ყოველ სამშაბათს და შაბათ დღეს, რეგულარულად კვირაში 2 სიხშირით შეასრულებს.ავიაბილეთების შეძენა შესაძლებელია როგორც ავიაკომპანიის ოფიციალურ ვებ.გვერდის მეშვეობით georgianwings.com, ასევე ავია სალაროებსა და ტურისტულ კომპანიებში.

1708949979

ბაზისბანკში ბიზნესისთვის გადარიცხვების Visa B2B Connect პლატფორმა დაინ...

Visa B2B Connect შემუშავებულია სპეციალურად ფინანსური ინსტიტუტებისთვის და ბაზისბანკის ბიზნეს და კორპორაციულ მომხმარებლებს საშუალებას აძლევს სწრაფად და უსაფრთხოდ განახორციელონ საერთაშორისო გადარიცხვები მსოფლიოს 100-ზე მეტ ქვეყანაში, შემდეგ ვალუტებში: USD, EUR, GBP, CHF.Visa B2B Connect-ის მეშვეობით საერთაშორისო გადარიცხვები ხორციელდება საბანკო ანგარიშებს შორის. სერვისით სარგებლობა შეუძლიათ იურიდიულ და მეწარმე ფიზიკურ პირებს."ბაზისბანკი, როგორც ბიზნესის ერთ-ერთი უმსხვილესი მხარდამჭერი ქვეყანაში, აქტიურ რეჟიმში აგრძელებს ინოვაციური და ალტერნატიული პროექტების დანერგვას ბანკის ბიზნეს მიმართულების გასაძლიერებლად. ამჯერად, Visa-სთან პარტნიორობით, B2B Connect პლატფორმა დავნერგეთ, რომელიც დაფუძნებულია Visa-ს რეპუტაციასა და გამოცდილებაზე. მისი საშუალებით შესაძლებლობა გვაქვს ბიზნეს სეგმენტის კლიენტებისთვის განვახორციელოთ საერთაშორისო გადარიცხვები უსაფრთხო, გამჭვირვალე და ინოვაციური გზით.“ - ბაზისბანკის გენერალური დირექტორი, დავით ცაავა.„მოხარული ვარ, რომ Visa-ს საქართველოში ბიზნესის მხარდაჭერასა და საერთაშორისო ციფრული გადარიცხვების განვითარების გზაზე, ბაზისბანკი შემოუერთდა. ბაზისბანკი ჩვენთვის მნიშვნელოვანი პარტნიორია და მეამაყება, რომ Visa B2B Connect ბიზნეს მომხმარებლებისთვის დანერგა. მჯერა, რომ ეს პლატფორმა გაზრდის უსაფრთხო და სწრაფ საერთაშორისო გადარიცხვებს და ხელს შეუწყობს ბიზნესების განვითარებას. Visa B2B Connect არის უსაფრთხო და გამჭვირვალე პლატფორმა, რომელიც უპრეცედენტოდ ამარტივებს და ხელმისაწვდომს ხდის საერთაშორისო B2B გადახდებს, რაც ქართულ ბიზნესებს უცხოური ბაზრების უკეთ ათვისებაში დაეხმარება და ქვეყნის ეკონომიკურ წინსვლას შეუწყობს ხელს.“ - Visa-ს რეგიონული მენეჯერი კავკასიის რეგიონში, დიანა კიღურაძე.ასევე, Visa და ბაზისბანკს შორის ურთიერთპარტნიორობაზე კომენტარი გააკეთა Visa B2B Connect-ის CEMEA-ს ხელმძღვანელმა ვიშალ ვირმანმა: „მოხარული ვართ, რომ ბაზისბანკთან თანამშრომლობით ვაფართოებთ Visa B2B Connect-ის ქსელს საქართველოში და  მხარს ვუჭერთ ბაზისბანკის ბიზნეს სეგმენტის მომხმარებლებს. ბაზისბანკისგაწევრიანება Visa B2B Connect სისტემაში არის წინ გადადგმული ნაბიჯი საქართველოსთვის საერთაშორისო გადარიცხვების ეკოსისტემის განვითარების გზაზე. აღნიშნული თანამშრომლობა მხარს უჭერს ციფრულ ტრანსფორმაციას და ზრდის ეფექტურობას ფინანსურ ინსტიტუტებსა და მათ კორპორაციულ კლიენტებს შორის.“

1708935903

Tegeta Truck & Bus-მა 2023 წელი გაყიდვების 84%-იანი ზრდის მაჩვენებლით...

კომპანიის ისტორიაში პირველად, კომერციულ და კერძო სეგმენტზე, ჯამურად, 226 ერთეული ტექნიკა გაიყიდა, რაც 2022 წლის მაჩვენებელზე თითქმის ორჯერ მეტია. Tegeta Truck & Bus-მა, როგორც გერმანული ბრენდის, MAN-ის ოფიციალურმა იმპორტიორმა, საუკეთესო შედეგი აჩვენა ამ ბრენდის ორიგინალი ნაწილების რეალიზაციაში, შედეგად კომპანიამ 2023 წელს გაყიდვების მიმართულებით შთამბეჭდავ 84%-იან ზრდას მიაღწია. ბექა ბერიძე, Tegeta Truck & Bus-ის დირექტორი: „გასული წელი Tegeta Truck & Bus-ისთვის ერთ-ერთი ყველაზე წარმატებული იყო როგორც კომერციული, ისე ავტობუსების ბიზნესის მიმართულებით. უშუალოდ კომერციული ტექნიკის რეალიზაციაში 113%-იანი ზრდა ვაჩვენეთ. გარდა ამისა, 2023 წელს MAN-ის ტექნიკა იმაზე დიდი რაოდენობით გაიყიდა, ვიდრე გასულ სამ წელში ჯამურად. გაყიდვების კუთხით მეორე ადგილზეა ჩვენი ერთ-ერთი წამყვანი ბრენდი HINO, რომელიც სადისტრიბუციო სეგმენტზეა გათვლილი. გასულ წელს კომპანია „ჰერცს“ HINO-ს 60 ერთეული ტექნიკა გადავეცით. 2023-ში წარმატებით გაიყიდა Tegeta Truck & Bus-ის პორტფელში შემავალი ახალი ჩინური ბრენდის, XCMG-ის ტექნიკა, რომელიც გამოირჩევა სანდოობითა და ხარისხით. მიუხედავად იმისა, რომ ამ ბრენდს ჩვენი მომხმარებელი ჯერ არ იცნობდა, 40 ერთეულის რეალიზაცია შევძელით და ამ მაჩვენებელს წელს კიდევ უფრო გავაუმჯობესებთ“.გასული წელი კომპანიისთვის მნიშვნელოვანი იყო რეგიონში განხორციელებული პროექტების მიმართულებითაც. ქართულმა კომპანიამ EBRD-ის საერთაშორისო ტენდერის ფარგლებში, ერევნის მუნიციპალიტეტს 87 ერთეული კომპრესირებულ ბუნებრივ აირზე მომუშავე, 12C ტიპის, MAN-ის 18-მეტრიანი ავტობუსი გადასცა. ეს იყო „თეგეტა თრაქ ენდ ბასის“ პირველი ნაბიჯი საერთაშორისო არენაზე, MAN-ის ბრენდთან ერთად.Tegeta Truck & Bus-მა EBRD-ის საერთაშორისო ტენდერში გამარჯვების შემდეგ თბილისის მუნიციპალიტეტის მიერ გამოცხადებული 18-მეტრიანი ავტობუსების ტენდერშიც გაიმარჯვა. ევროსტანდარტების შესაბამისი, ეკოლოგიურად სუფთა, კომპრესირებული ბუნებრივი აირის ძრავაზე (CNG) მომუშავე მუნიციპალური სატრანსპორტო საშუალებების 50 ერთეული კომპანიამ უკვე შემოიყვანა და თბილისის სატრანსპორტო კომპანიას გადასცა. ავტობუსები კონკრეტულ მარშრუტებზე თბილისში უკვე გადაადგილდება. წლის ბოლომდე კი მუნიციპალური ავტოპარკი, ჯამში, 160 ერთეული თანამედროვე სატრანსპორტო საშუალებით განახლდება. ავტობუსებს ტექნიკურ მომსახურებას უწევს „თეგეტა თრაქ ენდ ბასის“ გამოცდილი მექანიკოსების 30-კაციანი გუნდი, რომლებიც ყოველდღიურად ზრუნავენ მუნიციპალური ტრანსპორტის ტექნიკურ გამართულობაზე. 2023 წელს ავტობუსებზე 17 000-მდე ინდივიდუალური სერვისი განხორციელდა.ბექა ბერიძე, Tegeta Truck & Bus-ის დირექტორი: „რაც შეეხება კომერციული ტექნიკის მომსახურებას, თბილისში, „თეგეტა მოტორსის“ ცენტრალურ ფილიალში, ფუნქციონირებს MAN-ის ავტორიზებული სერვისცენტრი. თითქმის დასრულებულია გერმანული ბრენდის მეორე სერვისცენტრის ავტორიზაცია, რომელიც ქუთაისში იხსნება. გარდა ამისა, დაწყებულია მუშაობა და წელს დასრულდება გეზ-ის ობიექტი, სადაც იქნება სატვირთოების ყველაზე დიდი სერვისცენტრი მთელ ამიერკავკასიაში, რომელსაც ასევე ექნება MAN-ის ავტორიზაცია“.Tegeta Truck & Bus-ის პორტფელს 2023 წელს რამდენიმე ახალი ბრენდი დაემატა. გარდა ამისა, კომპანიამ გადადგა პირველი ნაბიჯები ელექტროტექნიკის რეალიზაციის მიმართულებით.ბექა ბერიძე, Tegeta Truck & Bus-ის დირექტორი: „2023-ში დავიწყეთ ჩინური XCMG-ის ბრენდით აქტიურად ოპერირება სატვირთო ტექნიკის ბაზარზე. საქართველოში ჩინური ტექნიკის სეგმენტი მზარდია და ვფიქრობთ, XCMG-ის ბრენდი ამ ბაზარზე ჩვენი მთავარი დასაყრდენი იქნება. ასევე გადავდგით პირველი ნაბიჯები ელექტროტექნიკის მიმართულებით და შემოვიყვანეთ „ცენტროს“ ბრენდის, სრულად ელექტრული, მიკროავტობუსის ტიპის სადისტრიბუციო მანქანები“.„თეგეტა თრაქ ენდ ბასის“ წარმატებულმა საქმიანობამ გასულ წელს საერთაშორისო აღიარებებიც მოიპოვა. მიუნხენის საერთაშორისო კონფერენციაზე, რომელსაც 71 ქვეყნის იმპორტიორი ესწრებოდა, MAN-ის მეორადი ტექნიკის გაყიდვების მაღალი მაჩვენებლის გამო, კომპანიამ მიიღო ჯილდო - MAT TopUsed Best Practice. მეორე საერთაშორისო აღიარება კი დუბაიში მოიპოვა, სადაც გაიმარჯვა ნომინაციაში „საუკეთესო მარკეტინგული პრაქტიკა EMEA/CIS ქვეყნებში“.წარმატებული 2023-ის შემდეგ Tegeta Truck & Bus-ს ამბიციური გეგმები აქვს 2024 წლისთვის. კომპანია გეგმავს 300 ერთეულამდე ტექნიკის რეალიზაციას, თავის პორტფელში მსოფლიოს წამყვანი ბრენდების დამატებას, ელექტრიფიცირების მიმართულების გააქტიურებას, ჩინური ტექნიკის ბაზარზე პოზიციების გამყარებასა და MAN-ის ბრენდის კიდევ უფრო მეტად გაძლიერებას.--„თეგეტა ჰოლდინგში“ შემავალი კომპანია Tegeta Truck & Bus ქართულ ბაზარზე 2006 წლიდან ოპერირებს. ის გერმანული უმსხვილესი ბრენდის MAN TRUCK & BUS-ის ოფიციალური იმპორტიორია საქართველოსა და ამიერკავკასიაში. კომპანია მომხმარებელს სთავაზობს სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის ფართო სპექტრს. 

1708695254

Galt & Taggart: FMCG ბაზარზე ყველაზე დიდი წილი დისქაუნთერის ფორმატის მ...

კვლევის მიხედვით, დისქაუნთერის ფორმატის მაღაზიები ყველაზე სწრაფად გაიზარდა 2018-23 წლებში და ბრენდული ქსელების ბაზრის 45% დაიკავა. მეორეს მხრივ, კლებადია დიდი ფორმატის მაღაზიების, ჰიპერმარკეტების და სუპერმარკეტების ბაზრის წილი, რომელიც 2018-23 წლებში 37%-დან 20%-მდე შემცირდა. გარდა ამისა, აღსანიშნავია რომ, კომპანიების უმეტესობა კონცენტრირებულია მომხმარებელთა კონკრეტულ ჯგუფებზე და მცირეა ისეთი კომპანიების რაოდენობა, რომელიც რამდენიმე ფორმატში ოპერირებს. შესაბამისად, ფორმატების დივერსიფიკაცია შესაძლებელს გახდის სხვადასხვა პრეფერენციების მომხმარებლის მოზიდვას, რაც განსაკუთრებით მნიშვნელოვანია იმ ფონზე, როდესაც მოსახლეობის რაოდენობა არ იზრდება.კვლევის მიხედვით, ბრენდებისთვის მნიშვნელოვანია პროდუქციის ასორტიმენტის ზრდა, რაც არაფორმალური ბაზრიდან მომხმარებლის მოზიდვას შეუწყობს ხელს. მაგალითისთვის, ხორცის, რძის პროდუქტების და ხილ-ბოსტნეულის წილი მომხმარებლის FMCG დანახარჯებში 2023 წელს 40.7%-ს შეადგენდა მაშინ როცა, ბრენდული ქსელების შემოსავლებში მათი ჯამური წილი მხოლოდ 19.5% იყო, რაც დიდ, აუთვისებელ პოტენციალზე მიუთითებს. პროდუქციის ასორტიმენტის ზრდის ერთ-ერთ გზა საკუთარი წარმოების განვითარებაა. ბრენდული ქსელების შემოსავლებში საკუთარი წარმოების (private label) წილი 2023 წელს 8.9% იყო, რომელიც 2018 წელთან შედარებით მცირედით გაზრდილია. მოსალოდნელია რომ საკუთარი წარმოების წილი გაყიდვებში გაიზრდება და ევროპის საშუალო მაჩვენებელს თანდათან დაუახლოვდება."გალტ & თაგარტის" კვლევაში აქცენტი ასევე გაკეთებულია დემოგრაფიული ცვლილებების ეფექტებზე. 2028 წელს, საქართველოში ზრდასრული მოსახლეობის თითქმის მეოთხედი Gen-Z თაობის წარმომადგენელი იქნება. შესაბამისად, მათზე მორგებული სერვისების შეთავაზება მომხმარებლის მიზიდვის ერთ-ერთი მთავარი წინაპირობაა. ამ მიზნის მისაღწევად კვლევა ელ-კომერციის, მონაცემთა ანალიზისა და სოც-მედიის გამოყენების მნიშვნელობაზე ამახვილებს ყურადღებას. მიუხედავად იმისა, რომ ელ-კომერციის წილი მცირეა და დიდი ზრდა მოსალოდნელი არ არის, ციფრული არხების ათვისებას მომხმარებლის ინფორმირების ფუნქციაც აქვს.გარდა ამისა, ლოიალობის პროგრამების პოპულარიზაციის გზით, ბრენდულ ქსელებს მომხმარებლის პრეფერენციებისა და ჩვევების გაანალიზება შეუძლიათ, რაც შესაძლებლობას იძლევა რომ მოხდეს სერვისების პერსონალიზაცია.

1708676559

რა უპირატესობებს აერთიანებს საქართველოს ბანკის სასტარტო ბიზნეს ნაკრები

საქართველოს ბანკის სასტარტო ბიზნეს ნაკრები უკვე გაააქტიურა 8/10Shop-მა. კომპანია ქართველი მეწარმეების მიერ შექმნილ მრავალფეროვან პროდუქციას აერთიანებს და მომხმარებლამდე მიაქვს. მას მუდმივ რეჟიმში უწევს არაერთ პარტნიორთან კომუნიკაცია და ყველა დეტალის აღრიცხვა, შესაბამისად, სასტარტო ნაკრები მის საჭიროებებს სრულად პასუხობს:„ყოველთვიურად ვასრულებ მეწარმეებთან თანხების გადარიცხვას, მომხმარებლებთან შეკვეთების ტრანსპორტირებას, მარაგებისა აღრიცხვასა და კონტროლს. საქართველოს ბანკის სასტარტო ბიზნეს ნაკრების მეშვეობით კი ყველა ამ პუნქტს უფრო შეღავათიანი ტარიფებით და გამართულად შევასრულებთ“, – ამბობს 8/10Shop-ის დირექტორი, თათა კაპანაძე.გარდა იმისა, რომ სასტარტო ბიზნეს ნაკრები მცირე და საშუალო მეწარმეებს პროცესების უმარტივებს, ამავდროულად განსაკუთრებული შეღავათებით სარგებლობის შესაძლებლობასაც აძლევს. მათ შორისაა სოციალური მედიის მართვის ორთვიანი უფასო მომსახურება, ბუღალტრულ მომსახურება და სხვა. საკუთარი საქმიანობისთვის საჭირო და საინტერესო შეთავაზებებზე თათა კაპანაძე უფრო ვრცლად საუბრობს:„განსაკუთრებით მინდა აღვნიშნო OneWay-ის სპეციალური ფასდაკლება საკურიერო მომსახურებაზე, რომელიც სასტარტო ბიზნესნაკრების მეშვეობით გვაქვს. ასევე, საწყობის მენეჯმენტის სისტემა, რაც საშუალებას გვაძლევს, რომ შევძლოთ მარაგების სწორი აღრიცხვა და კონტროლი. აუცილებლად გამოვიყენებ ბუღალტრულ 3-თვიან უფასო მომსახურებას, რაც უფრო ნათელ ხედვას მოგვცემს, სად ვართ ამ მიმართულებით და რისი გაუმჯობესებაა საჭირო სწორი აღრიცხვიანობისთვის“.8/10Shop ერთ-ერთი პირველია, რომელიც საქართველოს ბანკის ბიზნეს ნაკრების, კონკრეტულად კი, სასტარტო ნაკრების მომხმარებელი გახდა. თათა კაპანაძის თქმით, ნაკრების ამოქმედება შესაძლებლობას მისცემს კომპანიას, რუტინული პროცესები შეუმსუბუქდეს და ბიზნესის განვითარებისთვის მეტი დრო და რესურსი გამოუთავისუფლდეს:„ჩემთვის, როგორც მცირე ბიზნესების მფლობელისთვის, ძალიან ხელსაყრელი იქნება საქართველოს ბანკის სასტარტო ნაკრებით სარგებლობა. ეს მომცემს შესაძლებლობას, უფრო მასშტაბური ხედვით სწორად ვმართო საკუთარი ბიზნესი ბევრი სხვადასხვა მიმართულებით. მოკლედ რომ შევაჯამო, ძალიან სასარგებლოა საქართველოს ბანკის ბიზნეს ნაკრებით სარგებლობა და ყველა დამწყებ ბიზნესის მფლობელს ვურჩევდი მათ გამოყენებას“, – ამბობს თათა კაპანაძე.აღსანიშნავია, რომ ბიზნესს საშუალება აქვს, აირჩიოს საქართველოს ბანკის კონკრეტული ნაკრები (სასტარტო, S, M ან L ნაკრები), რომელიც ყველაზე კარგად პასუხობს მის საჭიროებებს. თუ რას მოიცავს თითოეული მათგანი, დეტალურად შეგიძლიათ ნახოთ საქართველოს ბანკის ვებგვერდზე..ბიზნეს ნაკრების გასააქტიურებლად კი ეწვიეთ ბიზნეს მობილბანკს ან ბიზნეს ინტერნეტბანკს. 

1708607941

ახალი ვალდებულება ბიზნესს - ნავთობპროდუქტების სავალდებულო საგანგებო მა...

„კანონპროექტი ითვალისწინებს ნავთობისა და ნავთობპროდუქტების სავალდებულო საგანგებო მარაგების შენახვის ვალდებულებას.აღნიშნული მიზნით, კანონპროექტის შესაბამისად დაწესდება შესაბამისი სუბიექტების უფლება/მოვალეობები და დადგინდება შესაბამისი პროცედურები.კანონპროექტი მომზადებულია „ერთის მხრივ, საქართველოსა და მეორეს მხრივ ევროკავშირს და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ“ შეთანხმების შესაბამისად, საქართველოს აღებული აქვს ვალდებულება, თავისი კანონმდებლობა დაუახლოვოს ევროკავშირის კანონმდებლობას, მათ შორის, 2009 წლის 14 სექტემბრის საბჭოს 2009/119/EC დირექტივა, რომელიც წევრ სახელმწიფოებს ავალდებულებს, შეინახონ გადაუმუშავებელი ნავთობისა და/ან ნავთობპროდუქტების მინიმალური მარაგები,“- ნათქვამია პარლამენტის 2024 წლის საგაზაფხულო სესიისთვის გათვალისწინებული საქართველოს მთავრობის კანონშემოქმედებითი საქმიანობის მოკლევადიან გეგმაში.

1708595418

ივნისიდან Jazeera Airways ელ-ქუვეითიდან ბათუმის მიმართულებით ოპერირება...

საქართველოს აეროპორტების გაერთიანების გენერალური დირექტორის, ირაკლი ქარქაშაძის განცხადებით, ავიაკომპანიასთან მოლაპარაკებების წარმატებით დასრულება განაპირობა იმან, რომ საქართველო სპარსეთის ყურის ქვეყნებისთვის ერთ-ერთი პრიორიტეტული მიმართულებაა.,,Jazeera Airways-მა საქართველოს ავიაბაზარზე ოპერირება 2018 წელს თბილისის საერთაშორისო აეროპორტში დაიწყო. მას შემდეგ რაც ორწლიანი მოლაპარაკებები ავიაკომპანიასთან საქართველოს აეროპორტების გაერთიანებამ წარმატებით დაასრულა. ჩვენ მუდმივად ვაგრძელებთ ავიაკომპანიებთან კომუნიკაციას და თანამშრომლობას, რათა მეტი მიმართულება და მეტი სიხშირე შევთავაზოთ ჩვენს მგზავრებს. შედეგად, ავიაკომპანია 14 ივნისიდან 16 სექტემბრის ჩათვლით ელ-ქუვეითი-ბათუმი-ელ-ქუვეითის საჰაერო ხაზზე ფრენებს ყოველდღიურად შეასრულებს,-‘’განაცხადა ირაკლი ქარქაშაძემ.გალფის ქვეყნების მხრიდან საქართველოს მიმართ ინტერესი მზარდია. ქუვეითიდან საქართველოს 2023 წელს  77,392 მგზავრი ეწვია. სპარსეთის ყურის ქვეყნებიდან კი ჯამში საქართველოში გასულ წელს 1,094,695 მგზავრი ჩამოვიდა. 

1708591320

ბაზისბანკის მხარდაჭერით, საცხოვრებელი კომპლექსი „ალფა დეველოპმენტ გლდა...

კომპლექსი გმირი კურსანტების #7-ში მდებარეობს და გამოირჩევა საუკეთესო ადგილმდებარეობით. პროექტის ჯამური ღირებულება 5.3 მილიონი აშშ დოლარია, ბანკის მიერ გაწეული ფინანსური მხარდაჭერა კი 3.4 მილიონ აშშ დოლარს შეადგენს.3200 მ²-ზე გაშენებული კომპლექსი 7 და 12-სართულიან ორ საცხოვრებელ ბლოკს აერთიანებს, რომლის თანამედროვე შენობები მყუდრო და წყნარ საცხოვრებელ სივრცეს ქმნის. ბინები იდეალურად არის დაპროექტებული – ყველა ოთახს აქვს ფანჯარა და აივანი. კომპლექსის ტერიტორიაზე გათვალისწინებულია მოპირკეთებული და გამწვანებული ეზო. მობინადრეების განკარგულებაშია როგორც მიწისზედა, ასევე მიწისქვეშა ავტოსადგომი.ალფა დეველოპმენტი 2013 წლიდან ოპერირებს ქართულ ბაზარზე. ამ დროის განმავლობაში სტაბილური და სანდო კომპანიის რეპუტაცია მოიპოვა, რომელიც უზრუნველყოფს მაღალი ხარისხის მშენებლობას. უსაფრთხო საცხოვრებელი გარემო, კომფორტული ინფრასტრუქტურა, ბინების გონივრული გეგმარებები, მაღალი ხარისხის სამშენებლო მასალა, სწორი მენეჯმენტი და მაღალკვალიფიციური საპროექტო-საინჟინრო გუნდი ის უპირატესობებია, რაც ალფა დეველოპმენტს გამოარჩევს ქართულ ბაზარზე.ალფა დეველოპმენტ გლდანის შესახებ დეტალებს გაეცნობით აქ – Alfa Development.ბაზისბანკის იპოთეკური სესხით სარგებლობა შესაძლებელია ონლაინ.

1708588320

სფეისი უზბეკეთის ბაზარზე კონცენტრირდება

სფეისის აპლიკაცია აპრილში გაითიშება, თუმცა SPACE ბარათებით სარგებლობა შესაძლებელია ვადის ამოწურვამდე, ასევე მსურველს ბარათის შეკვეთა ჯერ კიდევ შეუძლია.სფეისის მომხმარებელი ყველა კომუნალურ გადასახადს ნულოვანი საკომისიოთი ვეღარ გადაიხდის, თუმცა პირველი 5 გადახდა იქნება უფასო.სფეისმა საქართველოს ბაზრის დატოვებაზე განაცხადა. თავის რესურსს მთლიანად უზბეკეთის ბაზრისკენ მიმართავს."თიბისი ჯგუფი საერთაშორისო ექსპანსიას აძლიერებს. ახალი მიზნებიდან და შორს მიმავალი გეგმებიდან გამომდინარე, სფეისი, რომელიც საქართველოში პირველი ციფრული ნეობანკია, საქართველოს ბაზარს ტოვებს და მთელს რესურსს საერთაშორისო განვითარებისაკენ მიმართავს.2018 წელს თიბისი ჯგუფმა პირველი, სრულად ციფრული ბანკი გაუშვა საქართველოში, რომელმაც შეცვალა საბანკო მომსახურების ტრადიციული მიდგომები. სფეის საქართველო იქცა ერთგვარ ტრამპლინად თიბისი ჯგუფის ციფრული ბანკინგის პროდუქტებისა და მომსახურების საერთაშორისო ბაზარზე გასატანად. სფეისიდან მიღებული გამოცდილების საფუძველზე, თიბისი ჯგუფი წარმატებით შევიდა და გაფართოვდა  უზბეკეთის ბაზარზე და ეს მოგზაურობა აქ არ მთავრდება. მომდევნო წლებში, სფეისის საერთაშორისო ნეობანკი სხვა ქვეყნებშიც იქცევა თიბისი ჯგუფის გაფართოების მნიშვნელოვან პლატფორმად.სფეისმა სრულად შეცვლა მომხმარებლის ქცევა. ბანკი, რომელსაც არ აქვს ფილიალები, იმას ნიშნავდა, რომ  სფეისის ნებისმიერი პროდუქტი და სერვისი ხელმისაწვდომი იყო დისტანციურად, სახლიდან გასვლის გარეშე. სფეისმა პირველმა შემოიტანა ისეთი სიახლეები ბაზარზე, როგორიცაა დისტანციური ვერიფიკაცია და ანგარიშის გახსნა, მყისიერი გადარიცხვები ნებისმიერ ქართულ ბანკში 24/7-ზე, სესხის აღება ნებისმიერ დროს, მაშინაც კი, როცა მომხმარებელს არ ჰქონდა სფეისში საკრედიტო ისტორია ან წინასწარ დამტკიცებული სესხი.სფეისის კონცეფცია თავიდანვე ითვალისწინებდა იმას, რომ მაქსიმალურად მორგებული უნდა ყოფილიყო მომხმარებლებზე და მიზნად ისახავდა ყველაზე მარტივ, გამჭვირვალე და მყისიერ ყოველდღიურ ფინანსური სერვისების მიწოდებას. სფეისში არსებული კულტურა და ღირებულებები სრულად გადაეცემა სფეის ინთერნეიშენალს, რომელიც 2020 წლიდან, სფეის აპლიკაციიდან მიღებულ გამოცდილებაზე დაყრდნობით, ქმნის საერთაშორისო საბანკო პლატფორმას. სწორედ, სფეის ინტერნეიშენალის ტექნოლოგიებისა და სერვისების მეშვეობით ოპერირებს ციფრული ბანკი უზბეკეთში თიბისი უზბეკეთის სახელით. კითხვაზე „რატომ უზბეკეთი?“ – პასუხი ისაა, რომ უზბეკეთში გადახდების,  სმარტფონებისა და ინტერნეტის ფართო გამოყენებამ, შექმნა იდეალური გარემო ციფრული ბანკინგის განვითარებისთვის. საბანკო ბაზრის მოდერნიზაციის აუცილებლობის გაცნობიერებით, თიბისი ბანკი წარმატებით გახდა უზბეკეთის ფინანსური ლანდშაფტის ნაწილი.გამომდინარე იქიდან, რომ სფეისი საქართველოს ბაზრიდან, საერთაშორისო ბაზარზე ინაცვლებს, მომხმარებლები სფეის აპლიკაციით სარგებლობას  ვეღარ შეძლებენ და შეუფერხებლად განაგრძობენ თიბისიში იმ სერვისებითა და პროდუქტებით სარგებლობას, რომლებსაც მანამდე სფეისში იყენებდნენ," - აღნიშნულია კომპანიის მიერ გავრცელებულ ინფორმაციაში. 

1708522264