მათივე ცნობით, ღონისძიება 6-7 ოქტომბერს, „ექსპოჯორჯიაში“ გაიმართება.„გამოფენაში მონაწილეობის მიზანი ფინანსური განათლების შესახებ ცნობიერების ამაღლებაა. მოსახლეობის ფინანსური განათლება საქართველოს ეროვნული ბანკის ერთ-ერთი პრიორიტეტია, რაც ასახულია კიდეც ფინანსური განათლების ეროვნულ სტრატეგიაში. ამ მიმართულებით ქვეყნის მთავარი ბანკი დაინტერესებულ მხარეებთან პარტნიორობით ბოლო წლების განმავლობაში არაერთ პროექტსა თუ ღონისძიებას ახორციელებს.თბილისში განათლების ყველაზე მასშტაბური და მრავალფეროვანი გამოფენა „ექსპოჯორჯიას“ ორგანიზებით გაიმართება. ღონისძიებაში ეროვნული ბანკთან ერთად, მის მიერ დაარსებული ფინანსური განათლების პლატფორმა „ფინედუ“ (www.finedu.gov.ge ), საბანკო ასოციაცია და ხუთი კომერციული ბანკი - „საქართველოს ბანკი“, „თიბისი ბანკი“, „ლიბერთი ბანკი“, „კრედო ბანკი“ და „პაშა ბანკი“/„რებანკი“ ჩაერთვება.გამოფენის დამთვალიერებელს შესაძლებლობა ექნება, საინტერესო ლექციებს დაესწროს და სხვადასხვა შემეცნებით და ინტერაქციულ აქტივობაში მიიღოს მონაწილეობა“, - აღნიშნულია განცხადებაში.

1696250357

„დღეს დილიდან მთელი საქართველო ხუმრობის ხასიათზე დადგა, სახელმწიფო უსაფრთხოების სამსახურის მიერ გამოქვეყნებული „ფარული ჩანაწერების“ გამო, რომლის მიხედვითაც, თითქოს, ვიღაც ადამიანები სახელმწიფო გადატრიალებას აწყობენ.კადრში ჩანს ადამიანი, რომელსაც ხელში მიკროფონი უჭირავს და დარბაზში მსხდომ სხვა უამრავ ადამიანთან ინტერაქციულ დისკუსიას აწარმოებს. ყველაფერი გამიგია, მაგრამ ლექციაზე მიკროფონით გამოცხადებული რევოლუცია არ გამიგია! ეს ყველაფერი, ერთი შეხედვით, სასაცილოა, სინამდვილეში კი სულაც არა, რადგან დასკვნა ერთია - ასეთი უსაფრთხოების სამსახურის იმედზეა ბიძინა ივანიშვილი და ჩვენი საწყალი ქვეყანა ?და მაინც ... იუმორში გავატაროთ, სხვა რა დაგვრჩენია“, - აცხადებს ოქრიაშვილი.

1696244854

30 სექტემბერს, სასტუმრო ბილტმორში, 12:00 საათიდან 17:00 საათამდე ახალგაზრდებს შესაძლებლობა ექნებათ, ერთ სივრცეში გაეცნონ ევროპისა და ამერიკის წამყვან უნივერსიტეტებს, მათი წარმომადგენლებისგან მიიღონ დეტალური ინფორმაცია სასწავლო პროგრამების, სტუდენტური პროექტების და დაფინანსების შესახებ. რაც მათ დაეხმარება,  ინფორმირებული არჩევანის გაკეთებაში.ღონისძიებაზე დასასწრებად მსურველებს შეუძლიათ გაიარონ რეგისტრაცია ბმულზე: https://logos.edu.ge/leaf/„საქართველოს ბანკისთვის, კორპორატიული სოციალური პასუხისმგებლობის ფარგლებში, განათლება ერთ-ერთ მთავარ პრიორიტეტს წარმოადგენს. ჩვენ გვჯერა, რომ უკეთეს მომავალს სწორედ განათლებული ახალგაზრდები ქმნიან. სწორედ ამიტომ, ჩვენ არაერთ პროექტს ვახორციელებთ და ვუჭერთ მხარს, რომელიც აძლევს მათ შესაძლებლობას, მიიღონ ხარისხიანი განათლება როგორც საქართველოს, ასევე ევროპისა და ამერიკის წამყვან უნივერსიტეტებში“, - აღნიშნავს ანა ლომთაძე, საქართველოს ბანკის CSR მიმართულების ხელმძღვანელი.სწორედ ამ მიზნით, განათლების გამოფენაზე საქართველოს ბანკის მიერ წარმოდგენილი იქნება მის მიერ მხარდაჭერილი საგანმანათლებლო პროგრამები - Chevening, Fulbright და Miami Ad School Europe-თან თანამშრომლობით შექმნილი ნიკა გუჯეჯიანის სახელობის სასტიპენდიო პროგრამა. რომელთა ფარგლებშიც, უკვე 50-ზე მეტ სტუდენტს მიეცა შესაძლებლობა, მიეღო განათლება ევროპისა და ამერიკის წამყვან უნივერსიტეტებში.აღსანიშნავია, რომ Chevening-ის პროგრამაზე აპლიკაციების მიღება დაწყებულია, ამიტომ საქართველოს ბანკის სტენდთან ახალგაზრდები მათთვის საინტერესო ყველა შეკითხვაზე პასუხს 2022 წლის ჩივნინგის პროგრამის გამარჯვებულისგან, ფიქრია ელიზარაშვილისგან მიიღებენ.აღსანიშნავია, რომ საქართველოს ბანკის მიერ განხორციელებული და მხარდაჭერილი პროექტების შედეგად, ბანკმა განათლების შესაძლებლობა უკვე 120 000-ზე მეტი ახალგაზრდისთვის შექმნა.განათლების ცენტრი LEAF-ი კი 15 წელია წარმატებით პოზიციონირებს ბაზარზე და დაინტერესებულ პირებს განათლების თემაზე კონსულტაციას სთავაზობს. ცენტრი უკვე 1000-ზე მეტ ახალგაზრდას დაეხმარა საზღვარგარეთ  არსებულ უნივერსიტეტებში ჩაბარებასა და დაფინანსების მოპოვებაში.„ჩვენი და LEAF-ის თანამშრომლობა არის შესაძლებლობა, ხელი შევუწყოთ უფრო მეტ ახალგაზრდას, აისრულონ ოცნებები და მიაღწიონ  დასახულ მიზანს. ეს კი გვაძლევს მოტივაციას, არ გავჩერდეთ და აქტიურად გავაგრძელოთ მომავალი თაობის მხარდასაჭერად ინიციატივების განხორციელება“, - ამბობს ანა ლომთაძე.ამასთან, გამოფენაზე მისულ სტუმრებს ბევრი სასიამოვნო სიახლე დახვდებათ. საინტერესო შეხვედრებთან ერთად მათ შესაძლებლობა ექნებათ, ჩაერთონ გათამაშებაში, მოიგონ სხვადასხვა საჩუქრები და სწავლის დაფინანსება. საქართველოს ბანკის Student Card-ის სტენდთან კი ისინი შეძლებენ, მოიგონ 5100 ლარიანი ბიბლუსის ვაუჩერი. 

1695988740

Dev. Fest უკვე მეათედ იმართება საქართველოში. ღონისძიების ფარგლებში სხვადასხვა სივრცე მოეწყობა, სადაც სტუმრები შეძლებენ დაესწრონ როგორც ინდივიდუალურ სესიებს, ასევე პანელურ დისკუსიებს, მონაწილეობა მიიღონ სხვადასხვა ვორქშოფებში, სხვადასხვა შემეცნებითი თუ გასართობი აქტივობებში.ღონისძიების მთავარი სცენა სპიკერებს დაეთმობა, რომლებიც ისაუბრებენ Google ის ტექნოლოგიების, Software Engine პრინციპების გამოყენებაზე, Machine Learning-სა და Data Science-ზე.მოწვეულ სპიკერებს შორის არის საქართველოს ბანკის მთავარი მონაცემთა ანალიტიკოსი მიხეილ ნადარეიშვილი, რომელიც ML-სა და Data Science-ზე ისაუბრებს, და გიორგი ვახტანგიშვილი, საქართველოს ბანკის ციფრული საბანკო მომსახურების დეპარტამენტის დირექტორის მოადგილე, რომელიც პროდუქტის განვითარების პროცესსა და გამოწვევებზე ისაუბრებს, საქართველოს ბანკის ბიზნესმენეჯერის მაგალითზე.პანელური დისკუსიის მონაწილეები კი განიხილავენ პროდუქტების და პროექტების მენეჯემენტს ტექის მიმართულებით, საუკეთესო პრაქტიკებსა და community-ის განვითარების პერსპექტივებს.„მოხარულები ვართ, რომ DevFest უკვე მეათედ იმართება საქართველოში. საქართველოს ბანკი, როგორც ტექნოლოგიური ფინანსური ინსტიტუტი, აქტიურად უჭერს მხარს ამ სფეროს განვითარებას საქართველოში. ჩვენთვის განსაკუთრებით სასიხარულო და საამაყოა Google Developers Group (GDG)-თან პარტნიორობა და მათთან ერთად არაერთი მნიშვნელოვანი ღონისძიების ორგანიზება, მათ შორის DevFest-ის რომელიც, მთელს მსოფლიოში ყოველწლიურად იმართება და 300 000-მდე ტექნოლოგიების სფეროთი დაინტერესებულ ადამიანს აერთიანებს.  DevFest-ზე მოსულ სტუმრებს აქვთ შესაძლებლობა, დაესწრონ ინდივიდუალურ სესიებს, ჩაერთონ შინაარსობრივ დისკუსიებში, გაცვალონ იდეები და გაიცნონ თანამოაზრეები.ჩვენ არ ვჩერდებით და აქტიურ რეჟიმში ვაგრძელებთ ტექნოლოგიური სფეროს განვითარების ხელშეწყობას საქართველოში“,- განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორის მოადგილემღონისძიების შესახებ დამატებითი ინფორმაციის მიღება შესაძლებელია შემდეგ ბმულზე.

1695985704

საქართველოს რაგბის ეროვნული ნაკრები 2023 წლის მსოფლიო ჩემპიონატზე საასპარეზოდ ემზადება. თიბისი, როგორც ეროვნული ნაკრების მხარდამჭერი, მათ განსაკუთრებით გულშემატკივრობს და სხვადასხვა ქალაქში მატჩების ღია ჩვენებებს მართავს. პირველი მატჩის ღია ჩვენება თბილისში უკვე შედგა, მომდევნო თამაშზე კი ეროვნული ნაკრების გამხნევებას გულშემატკივრები ქუთაისში თიბისის მიერ ორგანიზებულ ღონისძიებაზე შეძლებენ.სპორტის მოყვარულებს ეროვნული გუნდის გამხნევებისა და გულშემატკივრობის შესაძლებლობა თიბისის ფან-ზონებიდან ექნებათ. 30 სექტემბერს რიგით მეორე ღია ჩვენება ჩატარდება - ქუთაისში, 100 საფეხურიან კიბესთან. ფიჯი vs საქართველოს მატჩის პირდაპირ ტრანსლაციას აუდიტორიას ექსკლუზიურად საქართველოს პირველი არხი სთავაზობს.ადგილზე ნებისმიერი ასაკის გულშემატკივარი საქართველოს ეროვნული ნაკრების მატჩის ჩვენებაზე დასწრების გარდა, სხვადასხვა გასართობ, სპორტულ და არასპორტულ აქტივობებში ჩართვას შეძლებს. დიდი ეკრანი, რაგბის კუთხე, კვების ობიექტები და სათამაშო სივრცეები გულშემატკივრებისთვის მატჩამდე ორი საათით ადრე, თიბისის ღონისძიებაზე იქნება წარმოდგენილი.თარიღი & დრო: 30 სექტემბერი, 19:45 საათილოკაცია: ქუთაისი, აღმაშენებლის გამზირი 1, 100 საფეხურიანი კიბეთამაში: ფიჯი vs საქართველომეტი ინფორმაციისთვის ეწვიეთ ბმულს. ვუგულშემატკივროთ ჩვენს ეროვნულ ნაკრებს საფრანგეთში რაგბის მსოფლიო ჩემპიონატზე. #ერთადგავიმარჯვებთღონისძიების მხარდამჭერები: ქუთაისის მერია, საქართველოს პირველი არხი.

1695903765

„აუხსნელია პირადად ჩემთვის. მე ამაზე ღიად ვაფიქსირებ ჩემს აზრს. ჭიქაში არის ქარიშხალი ატეხილი. ეს არის ძალიან მგრძნობიარე საკითხი. ყველა ის ადამიანი, რომელიც ქვეყნის ინტერესების საზიანოდ და სხვა ქვეყნის ინტერესების სასარგებლოდ მოქმედებს, არის მოღალატე ჩემს თვალში, მნიშვნელობა არ აქვს, რომელი ქვეყნის აგენტი იქნება, ის არის მოღალატე.ჩემთვის და სახელმწიფო სამსახურებისთვის არ არის ცნობილი არც ერთი ფაქტი, რომ ფარცხალაძემ ჩვენი ქვეყნის საზიანოდ და სხვა ქვეყნის სასარგებლოდ რაიმე ქმედება ჩაიდინა. ფარცხალაძე არის ბიზნესმენი. "

1695900111

რისკების აკადემია თიბისიმ კორპორაციული სოციალური პასუხისმგებლობის ფარგლებში დააფუძნა. საგანმანათლებლო პროექტის მიზანი ახალგაზრდებისთვის საბანკო რისკების მიმართულებით კვალიფიკაციის ამაღლება, გამორჩეული კადრების აღმოჩენა და განათლების ხელშეწყობაა. პროგრამას სფეროს პროფესიონალი მენტორები - თიბისის თანამშრომლები და მოწვეული ლექტორები გაუძღვებიან და სტუდენტებს ანალიტიკური და ტექნიკური უნარებისა და ცოდნის შეძენაში დაეხმარებიან.პროგრამა სამთვიან კურსს მოიცავს. დაინტერესებულმა პირებმა ონლაინ აპლიკაცია 4 ოქტომბრის ჩათვლით უნდა შეავსონ. საუკეთესო აპლიკანტების შერჩევა კი ტესტირებისა და გასაუბრების ეტაპების გავლის შემდეგ მოხდება.თიბისი აკადემიის რისკების მართვის მიმართულების შესახებ დეტალური ინფორმაციის მიღება და რეგისტრაციის გავლა შესაძლებელია ბმულზე.

1695807553

ჩხარტიშვილის განმარტებით, ბრალდება რუსულ ნავთობთან მის კავშირსა და სანქციების გვერდის ავლაზე მიზანმიმართული კამპანიაა, როგორც მის მიმართ, ასევე მთლიანად ქვეყნის მიმართ.„დღეს, ბრიფინგზე პარტია „ლელოს“ წარმომადგენელმა რუსული სანქცირებული ნავთობის გასაღებისა და რუსეთისათვის დაწესებული სანქციების გვერდის ავლის არარსებულ ფაქტთან დაკავშირებით მახსენა. ირაკლი კუპრაძე გამოუცდელი ახალგაზრდაა და ადვილია მისი გამხმოვანებლად გამოყენება, მაგრამ ამ ბრიფინგის დამგეგმავმა, „ლელოს“ დამფუძნებელმა და თაღლითობაში მხილებულმა მამუკა ხაზარაძემ და ბადრი ჯაფარიძემ კარგად იციან, რომ არც სანქციამდე და მით უფრო სანქციების მერე არ მქონია არანაირი შეხება რუსულ ნავთობთან და ჩვენი მხრიდან არ ყოფილა და არც მომავალში ექნება ადგილი საერთაშორისო სანქციების გვერდის ავლას.უფრო მეტიც, ბიზნესში ოდნავ ჩახედული ადამიანისთვის ცხადია, რომ ასეთი რამ თეორიულადაც შეუძლებელია, რადგან გემების და ტვირთების საზღვრის კვეთას სასაზღვრო ადმინისტრაცია და შემოსავლების სამსახურები მკაცრად აკონტროლებენ და გასული წლის 26 თებერვლიდან საქართველოში არ დაფიქსირებულა სანქციის დარღვევის არცერთი შემთხვევა. ეს არაერთხელ იქნა აღნიშნული საერთაშორისო საფინანსო ინსტიტუტებისა და სტრატეგიული პარტნიორების მხრიდანაც.ეს არ არის პარტია „ლელოს“ მხრიდან ჩემზე სიცრუის შეთხზვისა და ტირაჟირების პირველი შემთხვევა და ფაქტია, რომ ადგილი აქვს როგორც გამიზნულ მავნებლობას ქვეყნის წინააღმდეგ, ისე პოლიტიკური ტრიბუნის ბიზნეს ანგარიშსწორებისთვის გამოყენების მცდელობას. შესაბამისად, მამუკა ხაზარაძისა და ბადრი ჯაფარიძის მიმართ, რომლებიც დგანან „ლელოს“ ამ უნიჭო კამპანიის უკან და რომელთაც არც სამართლებრივი, არც მორალური და არც ბიზნეს პასუხისმგებლობა არ გააჩნიათ, ჩემი მხრიდან მაინც სამართლებრივი რეაგირება იქნება“, - აღნიშნულია ბიზნესმენის განცხადებაში.

1695806930

ბანკის ცნობით, წარმოდგენილ წიგნებზე პერიოდულად ფასდაკლება და განსაკუთრებული შეთავაზებები იმოქმედებს, რათა ლიტერატურა ყველა მსურველისათვის თანაბრად ხელმისაწვდომი იყოს. „საქართველოს ბანკი, კორპორაციული სოციალური პასუხისმგებლობის ფარგლებში, ახალგაზრდებისთვის განათლების შესაძლებლობების შექმნას აქტიური რეჟიმით განაგრძობს. შესაბამისად, ამ მიზნით ბანკი არაერთ პროექტს ახორციელებს. მათ შორის განსაკუთრებულ ადგილს საქართველოს ბანკის იდეათეკა იკავებს - თანამედროვე ტექნოლოგიებით და მრავალფეროვანი ბიბლიოთეკით აღჭურვილი მულტიფუნქციური სივრცე, რომელიც მოსწავლეებს შესაძლებლობას აძლევს, მუდმივად შეიმეცნონ და აღმოაჩინონ ახალი, მოაწყონ კლასგარეშე შეხვედრები, პრეზენტაციები და ჩაერთონ ცოდნის გაცვლის აქტიურ პროცესში.თუმცა, იმისათვის, რომ წიგნებთან დამეგობრების შესაძლებლობა უფრო მეტი ადამიანს ჰქონოდა, „საქართველოს ბანკმა“ სულაკაურის წიგნის მაღაზიებში იდეათეკის თაროები განათავსა.ეს ნიშნავს იმას, რომ მკითხველს შესაძლებლობა აქვს, „საქართველოს ბანკის“ იდეათეკის თაროებზე ყოველკვირეულად საინტერესო ადამიანების მიერ რეკომენდებული საკითხავი აღმოაჩინოს. ამასთან, წარმოდგენილ წიგნებზე პერიოდულად ფასდაკლება და განსაკუთრებული შეთავაზებები იმოქმედებს, რათა ლიტერატურა ყველა მსურველისათვის თანაბრად ხელმისაწვდომი იყოს.იდეათეკა „საქართველოს ბანკის“ ერთ-ერთი გამორჩეული პროექტია, რომელიც 2019 წელს შეიქმნა და მის მიზანს მაღალმთიანი, ეთნიკური უმცირესობებით დასახლებული და საზღვრისპირა სოფლებში მცხოვრები ბავშვებისთვის განათლების შესაძლებლობის შექმნა წარმოადგენს. „საქართველოს ბანკის“ ინიციატივით, იდეათეკა 6 რეგიონის 16 სკოლაში უკვე ფუნქციონირებს, რაც ნიშნავს იმას, რომ ფინანსური ინსტიტუტი 7000-ზე მეტ ბავშვს განათლების შესაძლებლობას აძლევს.თუმცა, იდეათეკის გარდა, „საქართველოს ბანკის“ პორტფოლიო კიდევ მრავალ პროექტს ითვლის. მათ შორისაა სტიპენდიები (ჩივნინგის, ფულბრაიტის, ნიკა გუჯეჯიანის სახელობის), STEM სკოლა, ეკონომიკის ოლიმპიადა, Kings-ის ოლიმპიადა... სოციალური პასუხისმგებლობის ფარგლებში განხორციელებული საგანმანათლებლო პროექტებით ბანკმა განათლება უკვე 120 000-ზე მეტი ახალგაზრდისთვის გახადა ხელმისაწვდომი. თუმცა, ეს ყველაფერი არ არის. „საქართველოს ბანკი“ არ ჩერდება და განაგრძობს ახალი შესაძლებლობების შექმნას.„საქართველოს ბანკის“ საგანმანათლებლო პროექტების შესახებ ინფორმაციის მისაღებად ეწვიეთ ვებგვერდს“, - აღნიშნულია გავრცელებულ ინფორმაციაში.

1695738003

აღსანიშნავია, რომ ნუციკო პირველი ქართველია, რომელიც “ლიდერთა სამიტზე“ სპიკერად მიიწვიეს.პანელზე - „ბიზნესების გადასვლა ვალდებულებიდან მოქმედებაზე ადამიანის უფლებებისა და შრომითი უფლებების საკითხებში“ - მან ადამიანის, მომხმარებლისა და შრომითი უფლებების შესახებ ისაუბრა, ასევე ყურადღება გაამახვილა მონაცემთა დაცვის, გარემოსდაცვითი და სოციალური რისკ-მენეჯმენტის მნიშვნელობაზე, ქართულ რეალობაში არსებულ გამოწვევებსა და საქართველოს ბანკის მიერ შემუშავებულ პრაქტიკებზე.პანელის სპიკერები იყვნენ: ტორსტენ პინკეპანკი - BASF-ის კორპორატიული მდგრადობის ურთიერთობების დირექტორი; ლუსიტა ჟასმინი - აზიისა და წყნარი ოკეანეთის რესურსების საერთაშორისო ჰოლდინგის (APRIL Group) მდგრადობისა და საგარეო ურთიერთობების დეპარტამენტის დირექტორი; რამონ გუემესი - BMV Group-ის მთავარი ფინანსური ოფიცერი და ასლი კასაპოლუ, Aslı Tekstil-ის ბორდის წევრი და აღმასრულებელი დირექტორის მოადგილე.პანელის ფარგლებში სპიკერები განიხილავდნენ ადამიანის უფლებებს კორპორატიულ გარემოში, მსმენელებს უზიარებდნენ შრომითი და ადამიანების უფლებების დაცვის მიმართულებით მათი კომპანიების გამოცდილებას, რაც შესაძლებლობას მისცემს აღმასრულებელ პოზიციებზე მყოფ მენეჯერებს, გასცდნენ დაკისრებულ ვალდებულებებს და გადავიდნენ მოქმედებაზე.აღსანიშნავია, რომ UN Global Compact-ის მიზანს კერძო სექტორის მხარდაჭერა და მათი მოტივირება წარმოადგენს, რათა მათ გადადგან ნაბიჯი მდგრადი განვითარების მიზნებისკენ და განახორციელონ ქმედება, რომელიც ხელს შეუწყობს ისეთ გამოწვევებთან გამკლავებას, როგორებიცაა გლობალური პანდემია, კლიმატური ცვლილებები, უთანასწორობა, კონფლიქტები, გლობალურ ეკონომიკასა და მიწოდების ჯაჭვში არსებული პრობლემები. ეს ის ამბიციური მიზნებია, რომლის დაძლევაც კერძო სექტორისა და საერთაშორისო ორგანიზაციების ძალისხმევის გაერთიანებით არის შესაძლებელი.

1695733511