უმსხვილესი რუსული და უცხოური ბანკები საბერძნეთის ევროზონიდან გასვლის შესაძლო შედეგების პროგნოზებს ადგენენ. ექსპერტებს ერთი ტონალობა აქვთ - რუსეთი ცუდ მდგომარეობაში აღმოჩნდება.

უძლიერესი კომპანიებიც კი ვერ უძლებენ მსოფლიო ფინანსურ კრიზისს, ამ პერიოდში ყველაზე ძლიერი ამერიკული კომპანიებიც კი კოტრდებიან. მით უფრო, როცა კრიზისი თვითონ კომპანიის შიგნით მიმდინარეობს. ასეთ დროს, პირველ რიგში, გაკოტრების პირას მყოფი კომპანიები თანამშრომლებს ამცირებენ და ამის შესახებ ასობით თანამშრომლებს პირდაპირ უცხადებენ.

EBRD-ახალი პრეზიდენტი ბრიტანელი სუმა ჩაკრაბარტი (Suma Chakrabarti) ჰყავს – ინფორმაციას როიტერი ავრცელებს. ჩაკრაბარტი რომელმაც ტომასა მიროვი (Thomas Mirow) შეცვალა საფინანსო ორგანიზაციას მომავალი 4 წლის განმავლობაში უხელმძღვანელებს.
ამ დროსათვის ჩაკრაბარტი ბრიტანეთის იუსტიციის სამინისტროს მდივნის თანამდებობას იკავებს. ის პირველი ბრიტანელია, რომელიც EBRD–ის პრეზიდენტი გახდა.

საერთაშორისო ინსტიტუტები საბერძნეთის მიერ ევროზონის დატოვებისთვის ემზადებიან

„მოხმარების მაჩვენებლები და საინვესტიციო კლიმატი ქვეყანაში მკვეთრად გაუარესდება, უმუშევრობის დონე ახალ რეკორდებს მოხსნის. მოქალაქეების უმრავლესობა, რომელსაც ბანკებში დანაზოგები აქვს, ქონების დიდ ნაწილს დაკარგავს,“ - ასეთ პროგნოზს აკეთებს გერმანულ საქმიან გამოცემებთან ინტერვიუში გერმანელი პროფესორი ვოლფგან ფრანცი, რომლის თქმითაც, ასეთი სცენარის რეალიზაციის შემთხვევაში, საბერძნეთი უმძიმეს მდგომარეობაში აღმოჩნდება.

WTI-ს მარკის ნავთობის ფასი ნიუ-იორკის ბირჟაზე 2,6%-ით დაეცა დაბარელზე 94 დოლარს ჩამოსცდა, რაც ბოლო 5 თვის განმავლობაში მინიმალური მაჩვენებელია.
ვარდნის მიზეზი საუდის არაბეთის ნავთობის მინისტრის ალი ალ-ნაიმის განცხადება გახდა იმის შესახებ, რომ ბაზარზე შეთავაზებები მნიშვნელოვნად აჭარბებს მოთხოვნას, უახლოეს მომავალში კი Brent-ის მარკის ნავთობი სავარაუდოდ 100 დოლარზე ქვემოთ ჩამოვა.

ბებერ კონტინენტზე არსებული მძიმე ეკონომიკური ვითარება კვლავინდებურად ექსპერტთა და ანალიტიკოსთა მსჯელობის საგნად რჩება. ამჯერად ევროპულ კრიზისზე თავის აზრს გვიზიარებს ეკონომიკაში ნობელის პრემიის ლაურეატი ჯოზეფ სტიგლიცი.

მისი აზრით, ეკონომიის რეჟიმს ევროპისათვის სხვა არაფერი მოაქვს, თუ არა ტანჯვა და არეულობა. ამასთან, სტიგლიცი თვლის, რომ საერთაშორისო სავალუტო ფონდის წლევანდელი ყოველწლიური შეხვედრის შემდეგ აშკარა გახდა, რომ როცა საქმე ეკონომიკურ პოლიტიკას ეხება, ევროპა და საერთაშორისო საზოგადოება მართვის გარეშე რჩება.

2011 ფინანსურ წელს, რომელიც 2012 წლის 31 მარტს დასრულდა, იაპონიის სახელმწიფო ვალმა 960 ტრილიონ იენს (12 ტრილიონი დოლარი) მიაღწია.ქვეყნის ფინანსთა სამინისტროს სტატისტიკური მონაცემების თანახმად, წინა წელთან შედარებით სახელმწიფო ვალის დონე 3,8%-თაა გაზრდილი.

ბოლო სამი ათწლეულის მანძილზე მსოფლიოს სხვადასხვა ქვეყანაში საგადასახადო წნეხი პერმანენტულად მცირდებოდა

"მაღალი გადასახადები ეკონომიკური ზრდის შემაფერხებელი ფაქტორია", "შეწყდეს წარმატების "დასჯა" და ეკონომიკა გაიზრდება" - ეს ის ფრაზებია, რომლებიც 1980-იან წლებში ამერიკის შეერთებულ შტატებში და დიდ ბრიტანეთში საშემოსავლო გადასახადის განაკვეთის შემცირებას დაედო საფუძვლად. შემდეგ ეს ტენდენცია სხვა ქვეყნებსაც "გადაედო" და დღემდე მიმდინარეობს მსოფლიოში. თუმცა, ეკონომისტები ჯერ კიდევ არ შეჯერებულან საბოლოო პოზიციაზე, თუ როგორია კავშირი გადასახადების განაკვეთსა და ეკონომიკურ ზრდას შორის, ვინაიდან აქ ბევრი ურთიერთგამომრიცხავი მოვლენა გვხვდება. მაგალითად: ამერიკის შეერთებული შტატების ეკონომიკა 1920-1960 წლებში, როდესაც მაღალი საგადასახადო განაკვეთები ფიქსირდებოდა, სწრაფი ტემპებით იზრდებოდა. ამერიკელები ცხოვრობდნენ 1990-იან წლებში, როდესაც საგადასახადო განაკვეთები მცირედ გაიზარდა, ვიდრე 2000-იან წლებში, როდესაც საგადასახადო წნეხი შემცირდა.

ამერიკის ეკონომიკის ზრდის ტემპი 2012 წლის დასაწყისში პროგნოზულ მაჩვენებელზე ნაკლებია

ამერიკის შეერთებული შტატების მთლიანი შიდა პროდუქტი 2012 წლის პირველ კვარტალში, წინასწარი მონაცემებით, 2.2%-ით გაიზარდა. ამ მონაცემს აშშ-ს ვაჭრობის სამინისტრო აქვეყნებს. ანალიტიკოსები 2012 წლის პირველ კვარტალში ეკონომიკის 2.5%-იან ზრდას პროგნოზირებდნენ.
აღსანიშნავია, რომ წინა წლის შესაბამის პერიოდთან შედარებით ამერიკული ეკონომიკის ზრდის ტემპი შემცირებულია. 2011 წლის პირველ კვარტალში მთლიანი შიდა პროდუქტის 3.0%-იან ზრდას ჰქონდა ადგილი. ეკონომიკური ზრდის წლიური მაჩვენებელი კი 1.7% იყო.

რა გავლენა ექნება საფრანგეთის საპრეზიდენტო არჩევნების შედეგებს ევროპის კრიზისის დაძლევის პროგრამაზე

ბოლო ვაჭრობის შედეგად ევრო/დოლარის გაცვლითი კურსი 1.3254 ნიშნულზე დაფიქსირდა. წლის დასაწყისთან შედარებით ევრო გამყარებულია, თუმცა ეს დოლარის დასუსტებიდან გამომდინარეობს. შეგახსენებთ, 2012 წლის იანვარში ევროს გაცვლითი კურსი 1.26 ნიშნულამდე დაეცა.
ევროპა თანდათან აცნობიერებს, რომ შემუშავებული ანტიკრიზისული გეგმები ჩიხში შედის. ბიუჯეტის ხარჯვის ნაწილის შემცირებამ მოვალე ქვეყნების მთლიანი შიდა პროდუქტის კლება გამოიწვია, რაც პირიქით ამძიმებს სავალო პრობლემებს. ამ პრობლემის მიმართ ყურადღება გერმანიის კანცლერმა ანგელა მერკელმა გაამახვილა და და ქვეყნებს ეკონომიკის ზრდის გზების ძიებისკენ მოუწოდა.

ევროჯგუფის ხელმძღვანელმა ჟან-კლოდ იუნკერმა დადებითი პოზიცია გამოხატა ევროპის დაზარალებული ქვეყნების ეკონომიკებში ინვესტიციების გაზრდის იდეის მიმართ.
მისი თქმით, ევროპის საინვესტიციო ბანკის რეკაპიტალიზაციის მიზნით 10 მილიარდი ევროს გამოყოფა სერიოზულად გაზრდის ბანკის კრედიტუნარიანობას, რაც ევროპის ეკონომიკაზე დადებითად აისახება.
ფინანსისტის სიტყვებით, ეკონომიკის ზრდა მხოლოდ ბიუჯეტის კონსოლიდაციით არ უნდა იქნას მიღწეული და აუცილებელია იმ ზომების აქტიური გამოყენება, რომლებიც ეკონომიკური ზრდის ტემპებს აჩქარებს.

სარეიტინგო სააგენტო Fitch-ი ნიდერლანდების მთავრობისგან ბიუჯეტის დეფიციტის შემცირებას მოითხოვს.
ამის შესახებ ინფორმაციას ღეუტერს-ი ავრცელებს. Fitch-მა ოთხშაბათს გაავრცელა ინფორმაცია იმის შესახებ, რომ ნიდერლანდებს, მთავრობაში არსებული განხეთქილების მიუხედავად, ჯერ კიდევ შეუძლია ბიუჯეტის დეფიციტის შემცირება ევროზონის მიზნის მისაღწევად, რაც მშპ-თან სავიუჯეტო დეფიციტის 3%-იან თანაფარდობას გულისხმობს.
ჩვენი პროგნოზით, საბაზისო სცენარის მიხედვით დეფიციტი, 2013 წელს 3%-მდე შემცირდება, რის შემდეგაც სახელმწიფო ვალი დასტაბილურდება,” - განმარტებულია სააგენტოს განცხადებაში.

ბოლო 5 თვის მანძლზე პირველად, S&P 500-მა თვე ვარდნით დაასრულა. აპრილი აშშ-ის საფონდო ბაზარზე მინორულ ნოტაზე დასრულდა. 30 აპრილის ვაჭრობის შედეგებით, წამყვანი ამერკული ინდექსები 0,1-0,7%-ით შემცირდა.
აპრილის ბოლო სავაჭრო სესიაზე ვარდნის მხრივ ლიდერი საბანკო სექტორი გახდა. Bank of america-ს აქციების კოტირება ბირჟაზე 1,7%-ით შემცირდა, ჩიტიგროუპ-ის - 1,4%-ით, ჭელლს Fargo-ს აქციებზე კი, ფასი 1,1%-ით დაეცა - წერს RBC.

უმუშევრობის მაჩვენებლის ბოლო ორი ათწლეულის მაქსიმუმამდე გაზრდის და S&P-ის მიერ რეიტინგის 2 საფეხურით შემცირების ფონზე ესპანეთის ეკონომიკა მწვავე კრიზისის ზღვარზეა.
ერთ-ერთი გამოსვლისას შესაბამისი პოზიცია გამოხატა ესპანეთის საგარეო საქმეთა მინისტრმა ხოსე მანუელ გარსია-მარგალომ. "წარმოდგენილი მაჩვენებლები კატასტროფულია", - აღნიშნა ესპანელმა პოლიტიკოსმა, როდესაც 2012 წლის I კვარტლის უმუშევრობის მაჩვენებელზე აკეთებდა კომენტარს. ბოლო მონაცემებით ესპანეთში უმუშევრობის დონემ 24%-ს მიაღწია, რაც ბოლო 20 წლის ანტირეკორდია, დღეისათვის კი მსოფლიოში ერთ-ერთი ყველაზე მაღალი მაჩვენებელია.

საერთაშორისო სარეიტინგო სააგენტომ Standart & Poor's-ი ესპანეთს საკრედიტო რეიტინგი ერთბაშად ორი საფეხურით "A” -დან "BBB+ ~-მდე შეუმცირა.
სააგენტოს ანალიტიკოსებმა რეიტინგის შემცირების გადაწყვეტილება საბიუჯეტო მაჩვენებელბის გაუარესებით ახსენეს. ისინი ასევე მიიჩნევენ, რომ ესპანეთის ეკონომიკაში ზრდა გაცილებით ნელი იქნება, ვიდრე ამას ცოტა ხნის წინათ პროგნოზირებდნენ.
ამასთანავე, S&P-ის პროგნოზით, მთავრობას ბანკების მხარდაჭერა მოუწევს, რადგანაც მათ სირთულეები ელით.

მექსიკაში საკუთარი ბიზნესის სწრაფ განვითარებას საცალო ვაჭრობის მსოფლიო ქსელი Walmart-ი მრავალმილიონიან ქრთამებს უნდა უმადლოდეს. The New York Times-ის ინფორმაციით, კომპანიის ტოპ-მენეჯმენტმა მრავალი წლის განმავლობაში იცოდა ამ დარღვევების შესახებ, თუმცა გამოძიებას მსვლელობას არ აძლევდა.

ამერიკის შეერთებული შტატების პრეზიდენტმა კონგრესს მოუწოდა მთელი რიგი ზომების მიღებისკენ, რომლებიც საწვავის ბაზარზე სპეკულაციებთან ბრძოლაში იქნება გამოყენებული. Agence France-Presse-ის ინფორმაციით, ობამას მიერ 17 აპრილს წარმოდგენილი გეგმა ითვალისწინებს იმ თანამშრომლების შტატის გაზრდას, რომლებიც სასაქონლო ფიუჩერსების ვაჭრობის კომისიაში ნავთობის ფიუჩერსების გარიგებებს აკვირდებიან. ამასთან, ობამა გამოდის წინადადებით, საწვავის ბაზარზე უკანონო მანიპულაციების გამო ჯარიმები მილიონიდან 10 მილიონ დოლარამდე გაიზარდოს.

მსოფლიო ბანკის დირექტორთა საბჭომ ორგანიზაციის პრეზიდენტად კორეული წარმოშობის ამერიკელი ჯიმ ენ კიმი აირჩია. Agence France-Presse–ის ინფორმაციით, ჯიმ ენ კიმი საკუთარი უფლებამოსილებების შესრულებას ოფიციალურად 2012 წლის პირველი ივლისიდან შეუდგება, როდესაც ორგანიზაციის მოქმედ პრეზიდენტს რობერს ზელიკს ამ პოსტზე მუშაობის ვადა ამოეწურება.

მოგებული დოლარი დარჩება

ჩინეთმა ვალუტის კურსის რეგულირების შერბილება გადაწყვიტა
ჩინეთის ცენტრალური ბაკის განცხადებით, ქვეყნის მთავრობამ ნაციონალური ვალუტის, იუანის კურსის რეგულირების შერბილების შესახებ მიიღო გადაწყვეტილება. 2012 წლის 16 აპრილიდან დაშვებული იქნება იუანის გამყარება, ან გაუფასურება დოლართან მიმართებაში დღეში 1%-ის დონეზე. აქამდე, იუანის კურსის მერყეობის ამპლიტუდა საშუალოშეწონილი დონიდან 0,5%-ით განისაზღვრებოდა.
”ჩინეთმა უკვე მიაღწია სავალუტო ბაზრის განვითარების მარალ დონეს. ბაზრის შესაძლებლობა დამოუკიდებლად განსაზღვროს ღირებულება და გაუმკლავდეს რისკებს დღითიდღე იზრდება”, - ნათქვამია ჩინეთის ცენტრალური ბანკის მიერ გავრცელებულ მოხსენებაში.

IMF რესურსების გაზრდას ითხოვს

G20-ის ქვეყნებმა შესაძლოა საერთაშორისო სავალუტო ფონდის საკრედიტო პოტენციალი 400-500 მილიარდი დოლარით გაზარდონ. ამ გადაწყვეტილების მიზნად ფონდის ექსპერტები ევროზონის სავალო კრიზისის დაძლევას ასახელებენ.
სავალუტო ფონდი აქამდეც აცხადებდა, რომ საჭიროებდა დამატებით 600 მილიარდი დოლარის აქტივებს, საიდანაც უშუალოდ კრედიტებისთვის 500 მილიარდი, ხოლო დამატებით 100 მილიარდი კი ბაზარზე შესაძლო არაპროგნოზირებადი მოვლენებისგან ”თავის დასაცავად” ესაჭიროებოდა.
გამომდინარე იქედან, რომ ევროპის ცენტრალური ბანკი რეფინანსირების გრძელვადიან ოპერაციებს ახორციელებს, გასცემს შეღავათიან კრედიტებს კომერციულ ბანკებზე, საერთაშორისო სავალუტო ფონდი ნაკლებად საჭიროებს რესურსების შევსებას, მიიჩნევენ ექსპერტები.

გახდება თუ არა იპოთეკური კრედიტების შემდეგ, სტუდენტური სესხები ამერიკის ეკონომიკური კრიზისის მაპროვოცირებელი ფაქტორი?

სახსრების მოცულობამ, რომლებიც ამერიკის შეერთებულ შტატებში განათლების დაფინანსებისთვის გაიცა, ტრილიონ დოლარს გადააჭარბა, დავალიანების ზრდამ კი, Associated Press-ის შეფასებით, შესაძლოა ახალი კრიზისის პროვოცირება გამოიწვიოს. მეოცე საუკუნის 60-იანი წლების იდეამ - „ისესხე და ისწავლე - დააბრუნებ, როცა სამსახურს იშოვი“ - თანამედროვე რეალობაში კრახი განიცადა.

ცნობილმა ფრანგულმა ბრენდმა "რენომ" გაითვალისწინა ქართველი მომხმარებლების საჭიროება და მოლოდინი, 21 საუკუნის ხარისხიანი და თანამედროვე საავტომობილო მოდელის შესახებ და აპრილის თვიდან საქართველოს ბაზარზე ახალ ავტომობილს რენო დასტერ-ს წარადგენს. დასტერი, რომლის პარამეტრებია სიგრძე 4.31 მ და სიგანე 1.82 მ, სპეციალურად შეიქმნა მსოფლიოს ყველანაირი ტიპის სავალი გზისათვის. მომხმარებელთა მრავალფეროვანი მოთხოვნების გათვალისწინებით, რენო დასტერის შეძენა შესაძლებელია როგორც 4X4-ის, ასევე 4X2-ის ფორმატში.

დასავლეთის მთავრობებმა ინვესტორების წინააღმდეგ „ფინანსური რეპრესიები“ დაიწყეს

ანალიტიკოსებში გაჩნდა მოსაზრება, რომ მსოფლიოს წამყვანი ქვეყნების მთავრობებმა ინვესტორების მიმართ „ფინანსური რეპრესიები“ დაიწყეს. საუბარია იმაზე, რომ ცენტრალური ბანკები ბაზარს ფულს „აყრიან“, მარეგულირებლები კი ფინანსურ კომპანიებს უბიძგებენ, მიღებული ფული სახელმწიფო დავალიანებებში ჩადონ.

ინფლაციის გათვალისწინებით, მთავრობებს ეს საშუალებას აძლევს, არა მხოლოდ შეამცირონ დავალიანების მომსახურების ხარჯები, არამედ მათი ლიკვიდაცია მოახდინონ.დასავლელი ანალიტიკოსები და ფონდების მმართველები უკვე აქტიურად განიხილავენ „ფინანსური რეპრესიების“ საფრთხეს.

„საიდუმლო არაა, რომ თავის დროზე, ფინანსური ნაკადების მისაღებად „გაზპრომი“ პრაქტიკულად თითოეულ კომფორამდე მივიდა. ასეთ კომფორულ მონოპოლიას დღეს მსოფლიოში ანალოგი არ აქვს“

„გაზპრომის“ სუფთა მოგება, რუსეთის ბუღალტრული აღრიცხვის სტანდარტებით, 2011 წელს 2,4–ჯერ გაიზარდა და თითქმის 900 მილიარდი რუბლი (დაახლოებით 30 მილიარდი დოლარი) შეადგინა. კორპორაციის საერთო ამონაგები 3,4 ტრილიონ რუბლამდე, ანუ დაახლოებით 23%–ით გაიზარდა.

ამერიკის შეერთებული შტატების ეკონომიკა 2012 წელს უფრო ძლიერი და სტაბილური გახდა, ვიდრე 2011-ში იყო. ასეთი განცხადება შტატების ფედერალური სარეზერვო სისტემის ხელმძღვანელმა ბენ ბერნანკემ ამერიკული არხის ABC-სთვის მიცემულ ინტერვიუში გააკეთა.

„დიახ, მე ოდნავ უკეთ მძინავს. თუმცა მაინც ვფიქრობ, რომ ძალიან მნიშვნელოვანია, არ ვიყოთ თვითკმაყოფილნი. წინ დიდი გზა გველის, ბევრს უნდა მივაღწიოთ, ჩვენ კვლავ ყველა შესაძლებლობას გამოვიყენებთ,“ -განაცხადა ბერნანკემ.

ევროპის ბაზარზე პრიორიტეტი ევროპაში ნაწარმოებ პროდუქცის უნდა მიენიჭოს



საფრანგეთის პრეზიდენტმა ნიკოლა სარკოზიმ განაცხადა, რომ ის შენგენის ზონაში უვიზო მიმოსვლას შეაჩერებს, ვიდრე ევროპის კავშირი წარმატებას არ მიაღწევს არალეგალური ემიგრაციის წინააღმდეგ ბრძოლაში. ამასთან, სარკოზიმ განაცხადა, რომ ევროპამ აშშ-ს უნდა მიბაძოს და უპირატესობა მხოლოდ ევროპის ქვეყნების პროდუქციას მიანიჭოს.

ისლანდიაში საკმაოდ მალე მიმოქცევაში უცხოური ვალუტა შევა. პირველ პრეტენდენტად შეიძლება ევრო ჩაითვალოს, რადგან ეს კუნძულოვანი სახელმწიფო ევროპის ნაწილია და ევროკავშირში შესვლის დიდი სურვილიც აქვს. მაგრამ ევროპის კონტინენტზე არსებულ ეკონომიკურ მდგომარეობას და იმ სიტუაციას თუ გავითვალისწინებთ, რომელშიც ისლანდია ახლო წარსულში იყო, ეს ძალიან საეჭვო პერსპექტივაა. ასე რომ, გვარიანად რეალური ხდება რეიკიავიკის მეორე გეგმა – კანადური დოლარის შემოტანა, რომელმაც ბოლო დროს თავისი ძალა ყველას დაანახა.

ამერიკული ნავთობ-გიგანტის Chevron-ის პრეზიდენტმა ჯონ უოტსონმა შტატების პრეზიდენტი ბარაკ ობამა ბენზინის გაძვირების გამო გააკრიტიკა. მისი თქმით, ხელისუფლების მიერ სათანადო ზომების მიღების შემთხვევაში საწვავის ფ ასის მკვეთრი ზრდის თავიდან აცილება შესაძლებელი იყო.

"ბულგარეთის კონკურენციის დაცვის კომისია რუსული კომპანია "ლუკოილს” კარტელური ფასების დაწესებაში ადანაშაულებს.
,,ლუკოილის” შვილობილმა კომპანიებმა ავსტრიულმა OMV, რუმინულმა ღომპეტროლ და ასევე ბულგარულმა Nაფტეხ Pეტროლ საწვავზე ფასები ხელოვნურად გაზარდეს. კონკურენციის კომისია საბოლოო გადაწყვეტილებას უახლოესი 30 დღის განმავლობაში გამოიტანს. ამავე პერიოდში კომპანიებს უფლება აქვთ წარადგინონ საკუთარი პრეტენზიები.

თურქეთის ეროვნულ ვალუტას ლირას თავისი გრაფიკული სიმბოლო აქვს. იგი მარტის დასაწყისში თურქეთის ცენტრალურმა ბანკმა გამოაქვეყნა, რამაც, თურქეთის ხელისუფლების ჩანაფიქრით, ვალუტის საიმედოობის და მზარდი პრესტიჟის დემონსტრირება უნდა მოახდინოს. თუმცა, თურქულმა ოპოზიციამ ლოგოში უკვე ამოიცნო ოსმალეთის იმპერიის ბეჭედი და პრემიერ-მინისტრის ინიციალებიც კი. ზოგიერთს კი ის არ მოეწონა, რომ ეს გრაფიკული სიმბოლო დაუძინებელი მტრის, სომხეთის ვალუტის, დრამისას მიამსგავსა.