ნანახია: 951

ბალტიისპირეთის ატომური ელექტროსადგური იქნება პირველი რუსული ატომური სადგური, რომელიც კერძო კაპიტალის საშუალებით აშენდება. პროექტში მონაწილეობას მიიღებენ როგორც რუსი, ასევე, უცხოელი ინვესტორები. ამასთან, აქციათა საკონტროლო პაკეტის მფლობელი სახელმწიფო იქნება. წინასწარი შეფასებით, ეს პროექტი დაახლოებით 13-14 მლრდ. დოლარი დაჯდება.
პრემიერ-მინისტრმა, ვლადიმერ პუტინმა, ამ პროექტთან დაკავშირებულ ხელშეკრულებას ხელი ცოტა ხნის წინ მოაწერა. მსგავსი პროექტი ჩერნობილის ტრაგედიის შემდეგ არ განხორციელებულა. პროექტის მიზანი სახელმწიფოს მიერ მოხმარებული ელექტროენერგიის 1/4-ის ატომური ენერგეტიკით ჩანაცვლებაა.
პირველი ენერგობლოკის მშენებლობა 2010-2016, ხოლო მეორეს მშენებლობა 2012-2018 წლებში იგეგმება. პროექტში, რომლის აქციათა 51%-ი (საკონტროლო პაკეტი) ხელისუფლების ხელში იქნება, მოზიდული იქნებიან როგორც რუსი, ასევე უცხოელი ინვესტორები, რის შედეგადაც ეს იქნება პირველი ატომური ელექტროსადგური, რომელიც კერძო ინვესტიციებით განხორციელდება.
ექსპერტები თვლიან, რომ დასახელებული თანხა – 13-14 მლრდ. დოლარი – საბოლოო არ არის და მისი კორექტირება მოხდება. მათი განცხადებით, მშენებლობით ლიტველი ინვესტორები დაინტერესდებიან, ასევე ევროკავშირის წევრი ქვეყნები, რომლებისთვისაც მომგებიანი იქნება არა მხოლოდ მშენებლობაში მონაწილეობა, არამედ ატომური ელექტროსადგურის შემდგომ მართვაში.