ნანახია: 961

ბანკის გამარჯვების შემთხვევაში დიდი ბრიტანეთის ბიუჯეტი დიდ დარტყმას მიიღებს
მსხვილმა ბრიტანულმა ბანკმა HSBC–მა დიდი ბრიტანეთის საგადასახადო ორგანოების წინააღმდეგ სასამართლო პროცესი მოიგო. მისი აღმატებულების ჯიბე ახლა, მინიმუმ, 27 მლნ. ფუნტით შემცირდება. ამას გარდა, ბანკის მაგალითს შესაძლოა ბრიტანული ბიზნესის სხვა წარმომადგენლებმაც მიბაძონ.
ევროკავშირის უზენაესმა სასამართლომ დიდი ბრიტანეთის საგადასახადო ორგანოების წინააღმდეგ HSBC-ის სარჩელი დააკმაყოფილა, რომელშიც საკრედიტო ორგანიზაცია აქციების ემისიაზე არაკანონიერად დარიცხული გადასახადის დაბრუნებას ითხოვდა. ახლა დიდი ბრიტანეთის ფისკალური ორგანიზაცია იძულებულია ბანკს 27.000.000 ფუნტი სტერლინგი გადაუხადოს, ამას დამატებული საპროცენტო განაკვეთი, რომელიც 2002 წლიდან ერიცხებოდა. ეს პრეცედენტი საკმაოდ დიდი დარტყმა იქნება დიდი ბრიტანეთის ბიუჯეტისთვის, რომელიც ისედაც საკმაოდ მძიმე მდგომარეობაშია. ასეთივე სარჩელით უზენაეს სასამართლოს შესაძლოა კიდევ ათმა კომპანიამ მიმართოს. "მსგავსი სარჩელის შედეგად, საერთო თანხა, სავარაუდოდ, რამდენიმე ასეულ ფუნტ სტერლინგს შეადგენს", - განაცხადა ლონდონის კორპორატიული გადასახადების განყოფილების ხელმძღვანელმა კრის მორგანმა.
Economist Intelligence Unit-ის ანალიტიკოსი ჯეისონ კერიანი თვლის, რომ ყველაზე დიდ დარტყმას ქვეყნის ბიუჯეტი მიიღებს. საქმე იმაშია, რომ ეს საკითხი აქტუალური ჯერ კიდევ 20 წლის წინ – 1986 წელს გახდა. მისი შეფასებით, სახელმწიფოსთან სადაო თანხა 1 მლრდ. ფუნტს გადააჭარბებს. "მიუხედავად იმისა, რომ ბიზნესის წარმომადგენელთა დიდ ნაწილს, რომლებმაც HSBC–ის წარმატება იხილეს, სახელმწიფოსთან პრეტენზიები ექნება, თუმცა ის ადვილად არ დანებდება". - განაცხადა ბ-ნ კერიანმა. მიუხედავად იმისა, რომ საგადასახადო ორგანოებს არ სურთ კომპანიებისთვის თანხების მიცემა, კომპანიები არ გაუშვებენ დამატებითი რესურსების მოპოვების შანსს, ხოლო ბრიტანეთის ხელისუფლებას საბიუჯეტო "ხვრელების" ამოსავსები რესურსების ძებნა მოუწევს.
HSBC-ის უკმაყოფილება ჯერ კიდევ 2002 წელს დაიწყო, როდესაც ბანკი იძულებული გახდა სახელმწიფოსთვის ე.წ. ელექტრონული ფასიანი ქაღალდების შეთახმებებისთვის საფასური გადაეხადა. ეს გადასახადი ბრიტანეთის სახელმწიფომ იმ კომპანიებისგან მიიღო, რომლებმაც თავიანთი ფასიანი ქაღალდების ქვეყნის გარეთ დაბანდება მოისურვეს. HSBC-ის სპეციალისტებმა გადაწყვიტეს, რომ ასეთი პრაქტიკა ევროკავშირის კანონების დარღვევაა და ფულის უკან დაბრუნება მოითხოვეს. რა თქმა უნდა, ბრიტანულმა საგადასახადო ორგანოებმა უარი განაცხადეს. სიმართლის ძიებაში ბანკის წარმომადგენლები სასამართლოში მივიდნენ, რომელმაც საქმე ბანკის სასარგებლოდ გადაწყვიტა.