ნანახია: 755

გაერთიანებულ სამეფოში მილიონერთა რიცხვი ბოლო 2 წლის მანძილზე 2-ჯერ შემცირდა. ეკონომიკური და საქმიანი კვლევების ცენტრის მონაცემების თანახმად, გავლენიანი ხალხის საფულეები განსაკუთრებულად ბოლო ნახევარი წელია შეთხელდა, როდესაც მსოფლიო ეკონომიკურმა კრიზისმა ევროპაში მთელი ძალა მოიკრიბა, რის გამოც ბებერი კონტინენტის მდიდრები უფრო დაზარალდნენ, ვიდრე ამერიკელები. აშშ-ში მილიონერთა რიცხვი მხოლოდ 30%-ით შემცირდა. ექსპერტები დარწმუნებულნი არიან, რომ ბევრი მდიდარი ბრიტანელი თავისი ფინანსური მდგომარეობის გაუმჯობესებას 2011 წლისთვის შეძლებს.
კვლევების მონაცემების თანახმად, ახლა ბნელი ალბიონის ნაპირებზე 242 000 მილიონერი ცხოვრობს. ჯერ კიდევ 2007 წელს ისინი 489 000 იყვნენ. მთავარ მიზეზს გავლენიანი ხალხის ასეთი მკვეთრი ,,გაღარიბებისა”, ექსპერტები მსოფლიო და ნაციონალურ ბაზრებზე უძრავი ქონებისა და ფასიანი ქაღალდების ჩავარდნას ასახელებენ. ,,ბევრი უფრო ვირტუალურ მილიონებს ფლობდა, ვიდრე რეალურ ფულს, _ განმარტა შევენ Iნვესტმენტ Mანაგემენტ დირექტორმა ჯასტინ ურკვარტ სტიუარტმა _ გარდა ამისა, უფრო სწორად, მილიონერებში ჩაეწერა ბევრი იმათგანი, ვისმა ქონებამაც უძრავ ქონებაზე მაღალი ფასების ფონზე სულ რაღაც 1 მლნ. ფუნტს გადააჭარბა." ამგვარად, ექსპერტის თქმით, მილიონერებად ეს ხალხი ძალიან მოკლე დროში იქცნენ და თავად, შესაძლოა, არც კი ვარაუდობდნენ ამას.
მეტნაკლებად გავლენიან ხალხზე პოპულაციის შემცირება უარყოფითი კუთხით აისახება ბრიტანეთის ეკონომიკის ზოგიერთ სექტორზე. ბრიტანეთის ეკონომიკისა და საქმიანი კვლევების ცენტრის პრეს-სამსახურში აცხადებენ, რომ მილიონერების რიცხვის მკვეთრი ვარდნა, პირველ რიგში, ბაზარზე ლუქსის კლასის საქონელზე აისახა. მაგალითად, ცნობილი და ძვირფასი საავტომობილო მარკის ,,ბენტლის" გაყიდვები წელს 60%-ით დაეცა.
დიდი ბრიტანეთი არ არის ის ერთადერთი განვითარებული ქვეყანა, სადაც მილიონერთა რიცხვი გლობალური ეკონომიკური კრიზისის ფონზე შემცირდა. თუმცაღა, შემცირების ტემპები აქ ერთ-ერთი ყველაზე მაღალია. აშშ-ში, სადაც საკრედიტო კრიზისი დაიბადა, 2008 წელს მილიონების მფლობელთა რიცხვი მხოლოდ 27%-ით შემცირდა. ამას მოწმობს კვლევითი და საკონსულტაციო ჯგუფის შპეცტრემ Gროუპ მოხსენება, რომელიც აშშ-ში ბაზრის ანალიზს აკეთებს. კრიზისის პირველმა წელმა, რომლის ეპიცენტრშიც აშშ აღმოჩნდა, მილიონერთა რიცხვი 9,2 მლნ.-დან 6,7 მლნ. ადამიანამდე შეამცირა. მაგალითად, მილიონერებს მიაკუთვნებს ის მოქალაქეები, რომელთა საინვესტიციო აქტივებიც მათი საცხოვრებლის ღირებულების გამოკლებით 1 მლნ დოლარს აჭარბებს.
და მაინც, ჯერ კიდევ ადრეა მდიდართა "დატირება". ამერიკელი და ბრიტანელი ექსპერტები ოპტიმიზმით არიან სავსე. მათი პროგნოზირებით, მილიონერთა რიცხვი უკვე 2011 წლიდან აიწევს, როცა უძრავი ქონების ბაზრის აღდგენა დაიწყება. ,,მდიდრების რეალური რაოდენობა, ნაკლებ სავარაუდოა, შეიცვალოს, თუმცაღა, ისევ გამოჩნდებიან ვირტუალური მილიონერები. ეს სხვათაშორის ყველა ვარიანტში კარგია ნებისმიერი ქვეყნის ეკონომიკისთვის, რადგანაც არსებითად ცვლის საინვესტიციო კლიმატს", _ აცხადებს ჯასტინ ურკვარტ სტიუარტი.