ნანახია: 1033

გერმანიის პროფესიონალური საფეხბურთო კლუბები მომავალს უშიშრად უყურებენ. გერმანიის საფეხბურთო ლიგის ხელმძღვანელობა დარწმუნებულია, რომ ფეხბურთის ბიზნესმოდელი საკმაოდ ძლიერია და მომავლის არ ეშინიათ. საყურადღებოა, რომ გასულ სეზონზე ზარალის აცილება ყველა კლუბმა ვერ მოახერხა.
გერმანიის საფეხბურთო ლიგის ხელმძღვანელმა ზაიფერტმა 2007-2008 წლის ფინანსური ანგარიშები წარადგინა, რომლის თანახმადაც, პირველი და მეორე ბუნდესლიგის საფეხბურთო კლუბებმა რეკორდული მაჩვენებლის თანხა – 1.93 მლრდ. დოლარი – აიღეს. "მსოფლიო ეკონომიკური კრიზისი უკვალოდ არც გერმანიის ფეხბურთის ხელმძღვანელობით ჩაივლის", - აღიარა ბატონმა ზაიფერტმა პრესასთან საუბარში.
კრისტიან ზაიფერტი დარწმუნებულია, რომ გერმანული ფეხბურთის სტაბილური ბიზნეს-მოდელი სერიოზულ, გრძელვადიან დარტყმას არ მიიღებს.
გერმანიის ფეხბურთის ფედერაციის ხელმძღვანელი დარწმუნებულია ერთ რამეში: "კრიზისიდან ბუნდესლიგა იმაზე ძლიერი გამოვა, ვიდრე მანამდე იყო," - განაცხადა კრისტიან ზაიფერტმა. მაშინ როდესაც სპორტის სხვა სახეობების წამყვანი ლიგები თავიანთი ბიუჯეტის 60%-ს სპორტსმენების ხელფასებში ფლანგავენ. "იმ ხელფასით, რომელსაც ინგლისში იღებენ, უფრო კარგად თამაშიც შეიძლებოდა," - პირდაპირ განაცხადა ზაიფერტმა.
გერმანიის საფეხბურთო ფედერაციაში ფეხბურთს განიხილავენ, როგორც პროდუქტს, ხოლო ლიგას, როგორც ბრენდს. იმისათვის, რომ თავიანთი პროდუქტის დემონსტრირება მოახდინონ, სტატისტიკურად დაითვალეს, რომ ბუნდესლიგაში ერთ თამაშში საშუალოდ 2.81 გოლი გააქვთ, რაც მეტია ბრიტანეთის პრემიერ-ლიგის მაჩვენებელზე, რომელიც 2.69 შეადგენს.
"ეკონომიკური კრიზისისგან თავის დაღწევას მხოლოდ იმ შემთხვევაში მოვახერხებთ, თუ მოვახერხებთ მაყურებელთა რაოდენობი გაზრდას", - დარწმუნებულია კრისტიან ზაიფერტი. სხვათა შორის, გამოკითხვების თანახმად, მაყურებელთა 74%-ი თვლის, რომ ბუნდესლიგა არის "კარგი ფეხბურთის" დემონსტრირება, მაშინ როდესაც ეს მაჩვენებელი ერთი წლის წინ 71%-ს შეადგენდა.
2007-2008 წელს ბუნდესლიგის ყველა მატჩს დაახლოებით 38 975 მაყურებელი ესწრებოდა. ეს მაჩვენებელი ნიშნავს იმას, რომ თითქმის ყოველთვის სტადიონები სრულად ივსებოდა, მათი საშუალო მაჩვენებელი 46 747 ადამიანია. კრისტიან ზაიფერტომის მონაცემებით, შემოსავლის ზრდის შედეგად ბუნდესლიგის კლუბების კუთვნილი კაპიტალი მიმდინარე სეზონზე 17%-ით გაიზარდა და 505 მლრდ. ევრო შეადგინა.
გადასახადების დაფარვის შემდეგ თვრამეტიდან თხუთმეტმა ბუნდესლიგის კლუბმა სეზონი მოგებით დაასრულა. საშუალოდ მატი სუფთა მოგება ექვსიდან ორი მილიარდი ევროთი შემცირდა.