ევროკავშირის ქვეყნების ტოპ–მენეჯერებს და შეძლებულ მოქალაქეებს თავიანთი ფული გერმანიაში გადააქვთ, რადგან საკუთარ ქვეყნებს არ ენდობიან. Bloomberg–ის მონაცემებით, სექტემბერში ბუნდესტაგმა არასაბანკო სექტორიდან 15 მილიარდი დოლარის შედინება დააფიქსირა.
უცხოური ინვესტიციების წყალობით, გერმანიის ცენტრალური ბანკის ბალანსი, რომელიც აგვისტოს მონაცემებით, 47 მილიარდი ევროს დეფიციტში იყო, უკვე სექტემბერში პროფიციტს დაუბრუნდა.
„მე ესპანეთიდან ვარ, მაგრამ არ მჯერა, რომ ესპანეთი ევროზონაში დარჩება,“ – განუცხადა სააგენტოს მადრიდული კომპანია Grupo Gowex–ის დირექტორმა და აღნიშნა, რომ მათ ფული გერმანიაში გადაიტანეს, რადგან ესპანეთი, სავარაუდოდ, პესოს დაუბრუნდება.ევროკავშირის ბიზნეს–წრეებს კაპიტალი გერმანიაში იმის გამო გადააქვთ, რომ არ ენდობიან ხელისუფლების გეგმებს.
პარასკევს ევროკავშირის ლიდერები შეთანხმდნენ, რომ შექმნიან ახალ ალიანსს, რომელშიც ევროკავშირის 27 ქვეყნიდან 23 შევა. მისი იურიდიული საფუძველი ახალი სავიუჯეტო პაქტი გახდება, რომელიც მკაცრ ფინანსურ დისციპლინას ითვალისწინებს. ამ ზომების გატარებას გერმანია მოითხოვდა. მაგრამ ინვესტორებს არ სჯერათ: ევროს კურსი დაეცა, ნავთობი იაფდება, საფონდო ბაზრები კი მინუსის ზონაში ვაჭრობენ.
commersant.ge
რეგისტრაცია!
