ევროკავშირმა შესაძლოა ირანიდან ნავთობის იმპორტი აკრძალოს. მიზეზი ოფიციალური თეირანის მიერ ატომური პროგრამის განხორციელებაა.
ენერგეტიკის საკითხებში ევროკომისარის განცხადებით, განიხილება ირანის წინააღმდეგ სანქციების გაფართოება. ევროკავშირში დარწმუნებული არიან, რომ ირანულ ნავთობზე უარის თქმა პრობლემებს არ შეუქმნით. ევროკომისიაში აცხადებენ, რომ ნავთობს „ოპეკის“ ან სხვა მომწოდებლებისგან მიიღებენ.
შეგახსენებთ: მიმდინარე კვირაში თეირანის წინააღმდეგ სანქციები ამერიკამ, დიდმა ბრიტანეთმა და კანადამ უკვე აამოქმედეს. შტატებმა მსოფლიოს მთავრობებს ირანის ფინანსურ ინსტიტუტებთან თანამშრომლობის შეზღუდვა ურჩია, ხოლო ლონდონმა ირანის საბანკო სექტორთან ყველანაირი კონტაქტი გაწყვიტა.
რეგისტრაცია!
