პროგრამული უზრუნველყოფის ერთ-ერთი უმსხვილესი კომპანია Oracle-ი ანტიკორუფციული გამოძიების ყურადღების ცენტრში მოექცა. ის უცხოელ კონტრაგენტებისთვის ქრთამის მიცემაშია ეჭვმიტანილი.
ფედერალური ბიურო და ამერიკის იუსტიციის დეპარტამენტი Oracle-ის მიერ ანტიკორუფციული კანონმდებლობის დარღვევის ფაქტებს უკვე ერთი წელია იძიებს. თავის მხრივ, გამოძიებას ფასიანი ქაღალდებისა და ბირჟების კომისიაც ატარებს.
ჩინოვნიკების თქმით, ამერიკის ხელისუფლება დიდი ხანია დაინტერესებულია დასავლეთ და ცენტრალური აფრიკის ქვეყნების კონტრაქტორების მუშაობით. Oracle კი, მათთვის ქრთამის მიცემაშია ეჭვმიტანილი. Oracle-ის წარმომადგენლებმა და კომპანიის ადვოკატებმა ჟურნალისტების კითხვებზე პასუხის გაცემაზე უარი განაცხადეს.ბოლო წლებში, ამერიკა სულ უფრო დიდ ყურადღებას უთმობს ანტიკორუფციული კანონმდებლობის გატარებას. თუკი 2004 წელს ამ კანონმდებლობის დარღვევისთვის კომპანიებს ჯარიმის სახით, დაახლოებით 11 მილიონ დოლარს ახდევინებდნენ, 2009-2010 წლებში მათ ეს ჯარიმა 2 მილიარდ დოლარამდე გაეზარდათ.
რეგისტრაცია!
