მედიაკომპანია „ბლუმბერგმა“ მისი კონკურენტის, ამერიკული მედიაკომპანია Bureau of National Affairs-ის 990 მილიონ დოლარად ყიდვის შესახებ შთანხმებას მიაღწია.BNA-ს მესაკუთრეები თითოეულ აქციაში 39,5 დოლარს მიიღებენ.
აშშ-ს მარეგულირებელი ორგანოების თანხმობის შემთხვევაში, გარიგება სავარაუდოდ, წლის ბოლოს დასრულდება.
„BNA-ს ანალიტიკა და კვლევები Bloomberg -ის პროდუქტებს უფრო ფასეულს გახდის“, - განაცხადა „ბლუმბერგის“ პრეზიდენტმა, დენ დოქტოროფმა და აღნიშნა, რომ გაყიდვის მიუხედავად, „ბიუროუ ოფ ნეშენალ ეფეარს“-ი კვლავ დამოუკიდებელ კომპანიად დარჩება და მისი ახალი მფლობელების მხრიდან კომპანიაში არავითარ საკადრო ცვლილებები მოსალოდნელი არ არის.
მსოფლიო ბაზრის ეკონომიკური ინფორმაციების ლიდერი - კომპანია „ბლუმბერგი“ 1981 წელს დაარსდა. მის ძირითად ოფისსა და მსოფლიოს ფილიალებში13 600 ადამიანზე მეტი მუშაობს. მთელი მსოფლიოს მასშტაბით, „ბლუმბერგი“ გამოწერილი აქვს 300 000 ფიზიკურ პირსა და ორგანიზაციას, გარდა ამისა, „ბლუმბერგი“ საქმიანობას რადიომაუწყებლობის, ინტერნეტისა და გამომცემლობების მიმართულებებითაც ახორციელებს.
რეგისტრაცია!
