ნანახია: 1286

მსოფლიო ეკონომიურმა კრიზისმა, პირველ რიგში, საფინანსო ინსტიტუტები და მათ შორის ბანკები დააზარალა.
საბანკო კრიზისის დროს ბანკი ეს არის არაგადამხდელუნარიანი საფინანსო ინსტიტუტი, რომელიც ფულს ვეღარ უხდის თავის კლიენტს.
შექმნილმა საბანკო კრიზისმა მძიმე დარტყმა მიაყენა როგორც ევროპის სახელმწიფოებს, ასევე ამერიკის შეერთბული შტატების ეკონომიკას. სახელმწიფოს მეთაურები ყველა ღონეს ხმარობენ, რომ არსებული კრიზისის გაღრმავებას ხელი შეუშალონ და სხვადასხვა კონიუნქტურული პაკეტების შემუშავებით იგი საბოლოოდ დაამარცხონ.
ამერიკაში ფინანსური კრიზისის გაგრძელება 2009 წელს ორი რეგიონალური ბანკის დახურვაში გამოიხატა. ესენია ნაციონალური ბანკი –Bank of Commerce ილიონესის შტატში და Bank of Clark County ვაშინგტონში. FDIC მონაცემებით კი გასულ წელს 25 ბანკი ჩამოიშალა. მათ სიას მიეკუთვნება ცნობილი Lehman Brother--ის გაკოტრებული საინვესტიციო ბანკი.
ამერიკის შეერთებული შტატების ახალი პრეზიდენტი ბარაკ ობამა ამერიკის საფინანსო ბაზარზე ახალი, მკაცრი წესების შემოტანას აპირებს. "მრავალი, შორს გამიზნული ცვლილება არის მოსალოდნელი", – წერს New York Times-ის შაბათის ინტერნეტ გამოცემა.
მომავალში ამერიკა კომპლექსური ფინანსური სისტემების მკაცრ კონტროლს გეგმავს, რომელთაც არსებული კრიზისი გამოიწვიეს. ობამას მთავრობამ კრიზისის დაძლევის ახალი პაკეტი წარადგინა და მასში განხილულია მთელი რიგი საკითხები აღნიშნული პროცესების დამარეგულირებელი მექანიზმების ცვლილებასთნ დაკავშირებით. ხოლო აღნიშნული პაკეტის მეორე ნაწილი საბანკო კრიზისის დასაძლევად შემუშავებულ სტრატეგიას შეეხება", – იუწყება New York Times-ი.
გერმანიის ყველაზე ძლიერი ფინანსური ჰოლდინგი Hypo Real Estate ბანკის გადასარჩენად, რომლის შემადგენლობაშიც Depfa Bank plc und der Depfa Deutsche Pfandbriefbank AG ბანკები შედიან, სახელმწიფომ 87 მილიარდი ევრო გამოყო. მსოფლიო ფინანსურმა კრიზისმა ჰოლდინგი გაკოტრების პირას მიიყვანა. ბანკის გაკოტრება კი ქვეყნის ეკონომიკას მძიმედ დააზარალებდა, პრინციპში ხერხემალში გადატეხდა და ქვეყანას ფატალურ შედეგებს მოუტანდა, –ამბობს კარსტენ მათეუსი Zuddeutsche Zeitung.
მძიმე მდგომარეობაა შქმნილი ავსტრიის ბანკებშიც. მთავრობა არსებულ კრიზისთან გამკლავებას ყველა ხერხებით ცდილობს და გაკოტრების პირას მდგარ ბანკებს მილიარდი ევროს ოდენობის დახმარების პაკეტს სთავაზობს.
Hypo Alpe Adria ბანკი, რომელიც შექმნილი კრიზისის გამო მძიმე პირობებში აღმოჩნდა და შემდგომი ფუნქციონირებისთვის საწყის ეტაპზე დაახლოებით ერთი მილიარდი ევრო ესაჭიროება, ყველაზე მეტად დაზარალდა.
ასევე მძიმე მდგომარეობაა აღმოსავლეთ ევროპის ქვეყნების საბანკო -საფინანსო სისტემაში. კერძოდ, პოლონურ Bre Bank-ში და უკრაინულ Forum Bank -ში. საფრანგეთის საფინანსო ინსტიტუტი SociRtR Generale და ავსტრიული საფინანსო ინსტიტუტები Raiffeisen Zentralbank და Erste Bank, ისევე როგორც მილანური ბანკი Unicredit-ი ვერ ასცდნენ ზემოხსენებულ კრიზისს.
ის რაც გუშინ საკრედიტო პრობლემას წარმოადგენდა ვარშავაში, ბრატისლავასა და ბუდაპეშტში, მან თავისი ბალანსით დღეს ასახვა ჰპოვა მილანში, ფრანკფურტსა და ვენაში, – წერს ტომას ფრომი Ztddeutsche Zeitung.
ზოგიერთი უცხოელი ექსპერტის აზრით, არსებული საბანკო კრიზისი საბოლოოდ ერთიანი მძლავრი საფინანსო ინსტიტუტის შექმნით დასრულდება. მათი აზრით, არსებული კრიზისიდან გამოსვლის ერთადერთი თუ არა ერთ-ერთი საუკეთესო გამოსავალი სწორედ ეს იქნება.
ჯერჯერობით კი მსოფლიოში ეკონომიური და მათ შორის საბანკო კრიზისი გაღრმავების ფაზაში გადადის. სახელმწიფოები მათ ხელთ არსებული ყველა საშუალებით ებრძვიან ეკონომიურ რეცესიას და მის დასაძლევად ახალ, ეფექტურ გეგმებს სთვაზობენ საზოგადოებას.