ნანახია: 646

საბიუჯეტო დეფიციტის შეჩერება, რომელიც ამ მომენტისათვის 1.3 ტრილიონ დოლარს შეადგენს, აშშ-ს ახალი ხელისუფლების პრიორიტეტი გახდება. ეს განცხადება 23 თებერვალს აშშ-ის პრეზიდენტმა ბარაკ ობამამ გააკეთა. სავარაუდოდ, აშშ-ს ბიუჯეტის ასეთი გლობალური სეკვესტრი ცნობილი გახდება მას შემდეგ, რაც კონგრესი 2010 წლის ბიუჯეტის განხილვას დაიწყებს.
130 კაცისგან შემდგარ აუდიტორიასთან შეხვედრისას, რომელიც ფინანსისტების, ჩინოვნიკებისა და საჯარო მოხელეებისაგან შედგებოდა, აშშ-ს ადმინისტრაციის ხელმძღვანელმა განაცხადა, რომ 2013 წლისთვის მთავრობის ბიუჯეტი 1.3 ტრილიონი დოლარით შემცირდება და 533 ტრილიონი დოლარი იქნება. ეს კი მხოლოდ ფინანსური რესურსების რაციონალურად გამოყენების შედეგად მოხდება.
სავარაუდოდ, ფინანსური სეკვესტრი, პირველ რიგში, შეიარაღებულ ძალებს შეეხება, ერაყისა და ავღანეთის "დემოკრატიზაციის" შეჩერების ხარჯზე. ამას გარდა, მოსალოდნელია ზოგი ფედერალური პროგრამის შეჩერებაც.
"ამერიკამ აუცილებლად უნდა შეცვალოს არსებული მდგომარეობა, წინააღმდეგ შემთხვევაში, ადმინისტრაცია ვერ მოახერხებს ეკონომიკის გადასარჩენად შემუშავებული გეგმის განხორციელებას. ობამას გეგმა, ბიუჯეტში არსებული პრობლემების დასაძლევად, სულაც არ ჩანს დაუძლეველი და რთულად შესასრულებელი, მაგრამ პრობლემა სხვა რამეა - მოახერხებს თუ არა ის თავის გუნდთან ერთად ამ პროგრამის 2011 წლამდე განხორციელებას. თუ ორი წლის შემდეგ კრიზისი დავიწყებას არ მიეცემა, აშშ-ს ეკონომიკა ახალ იმპულსებს მიიღებს და მოსალოდნელია პოლიტიკური მოვლენების განვითარებაც, რაც ნეგატიურად აისახება ობამასა და მის გუნდზე," - განაცხადა ანალიტიკოსმა ინგა ფოშკამ.
"ჩემი აზრით, ობამა ვერ მოახერხებს არსებული მდგომარეობის მნიშვნელოვნად შეცვლას. ბიუჯეტის დეფიციტი ჩვეულებრივ მოქალაქეებსა და იმ კომპანიებს აწევთ მხრებზე, რომლებსაც არ ჰყავთ ე.წ. "კრიშები" ხელისუფლებაში. ეს ყველაფერი აისახება ბარაკ ობამას პოპულარობაზე, რომელიც საგრძნობლად დაეცემა, რადგან მოქალაქეები, რომლებმაც მას ხმა მისცეს, მისგან სასწაულს ელოდნენ," - განაცხადა პოლიტიკური საინფორმაციო ცენტრის ხელმძღვანელმა ალექსეი მუხინმა.