მსოფლიო ბანკმა 2010-2011 წლებში განვითარებადი ქვეყნების დაფინანსება 21%-ით, ანუ 57.4 მილიარდი დოლარით შეამცირა. თუმცა საერთაშორისო ორგანიზაცია აღნიშნავს, რომ განვითარებად ეკონომიკებს ახლა უფრო სჭირდებათ დახმარება, ვიდრე კრიზისის დაწყებამდე.
2010 წლის 1 ივლისიდან 2011 წლის 30 ივნისამდე მსოფლიო ბანკმა 712 კრედიტი, გრანტი და საკრედიტო გარანტია გასცა ეკონომიკური ზრდის სტიმულირებისთვის, სიღარიბესთან ბრძოლისა და კერძო ბიზნესის განვითარებისთვის.
მსოფლიო ბანკი, რომელიც 1944 წელს შეიქმნა ძირითადად დაკავებულია განვითარებადი ქვეყნებისთვის ფინანსური და ტექნიკური დახმარებით. ბანკი შედგება ორი ორგანიზაციისგან – რეკონსტრუქციისა და განვითარების საერთაშორისო ბანკი და საერთაშორისო განვითარების ასოციაცია, რომელიც ძირითადად მსოფლიოს უღარიბესი ქვეყნების განვითარების საკითხებზე მუშაობს.
გარდა ამ ორი ორგანიზაციისა, მსოფლიო ბანკის სტრუქტურაში შედის საერთაშორისო საფინანსო კორპორაცია, საინვესტიციო გარანტიების სააგენტო და საინვესტიციო დავების რეგულირების საერთაშორისო სააგენტო.
ორგანიზაცია განვითარებადი ქვეყნებისთვის გასცემს შეღავათიან კრედიტებს და გრანტებს სხვადასხვა ეკონომიკური პრობლემების გადასაჭრელად და სოციალურ-ეკონომიკური ფონის გასაუმჯობესებლად.
მსოფლიო ბანკის შტაბ-ბინა განთავსებულია ვაშინგტონში. მის აქციონერად გვევლინება 187 სახელმწიფო. ყველაზე მსხვილი წილი გააჩნიათ აშშ-ს, იაპონიას, საფრანგეთს და დიდ ბრიტანეთს. ტრადიციულად მსოფლიო ბანკის მეთაურად ამერიკის შეერთებული შტატების მოქალაქე აირჩევა.
რეგისტრაცია!
