იგი სსფ-ს საქმიანობის რეფორმირებას აპირებსსაფრანგეთის ეკონომიკისა და ფინანსთა მინისტრი, 55 წლის კრისტინ ლაგარდი სამშაბათიდან, საერთაშორისო სავალუტო ფონდის ხელმძღვანელის თანამდებობას ოფიციალურად დაიკავებს. 28 ივნისს, საერთაშორისო ფინანსური ორგანიზაციის დირექტორთა საბჭოზე ორი კანდიდატურა იხილებოდა: ლაგარდის და მექსიკის ცენტრალური ბანკის ხელმძღვანელის, ავგუსტინ კარსტენსის. როგორც ექსპერტები ვარაუდობდნენ, ფონდმა უპირატესობა ფრანგი ქალბატონის კანდიდატურას მიანიჭა. ფონდის წესდების მიხედვით, ლაგარდი ორგანიზაციას 5 წლის მანძილზე უხელმძღვანელებს.
პირველი და მთავარი ამოცანა, რომლის გადაჭრაც ახალ დირექტორს მოუხდება, ევროპის, ახლო აღმოსავლეთისა და ჩრდილოეთ აფრიკის ეკონომიკური პრობლემების მოგვარებაა, თუმცა, ექსპერტებს ეჭვი არ ეპარებათ, რომ ლაგარდი ნებისმიერი სირთულის ამოცანას თავს გაართმევს, რადგან ევროზონის ეკონომიკის მახასიათებლები მისთვის კარგადაა ცნობილი. ფონდის სპეციალისტების აზრით, ლაგარდის მმართველობის პერიოდში, უფრო ხმამაღლა გაიჟღერებს ორგანიზაციის შემადგენლობაში განვითარებადი ეკონომიკის მქონე ქვეყნების, მათ შორის ჩინეთის, რუსეთის, ინდოეთისა და ბრაზილიის წარმომადგენლობების გაფართოების თემაც.
ლაგარდი ფონდის ფორმირების თემას უკვე შეეხო. მისი აზრით, ფონდმა ბევრად აქტიურად, სერიოზულად და გონივრულად უნდა იმოქმედოს, რათა ეკონომიკის ზრდა-განვითარებისა და მაკროეკონომიკის სტაბილურობის უზრუნველყოფა უფრო ეფექტურად მოახერხოს.
რეგისტრაცია!
