ნანახია: 450

მსოფლიოში მილიონერთა რაოდენობა გაიზარდა. ზრდა სინგაპურისა და ჩინეთის ხარჯზე დაფიქსირდა.
Boston Consulting Group-ის (BCG) კვლევის მიხედვით, მსოფლიოში მილიონერთა რაოდენობა 12,2%-ით გაიზარდა და მთლიანობაში 12,5 მლნ ადამიანი შეადგინა. ყველაზე მეტი მილიონერი, რომელთა ქონებაც დოლარებშია აკუმულირებული, აშშ-ში ცხოვრობს და მათი რაოდენობა 5,2 მლნ-ს შეადგენს; შემდეგ მოდის იაპონია 1,53 მლნ-ით და ჩინეთი 1,11 მლნ-ით.
მსოფლიოში აქტივების ჯამი, რომელთაც ფიზიკური პირები მართავენ მეორე წელია ზედიზედ 9 ტრილიონი დოლარით (8%) იზრდება და ამჟამად 121,8 ტრილიონ დოლარს აღწევს, ამ სიმდიდრის 39% მილიონერებს ეკუთვნით. მილიონერების ყველაზე მეტი კონცენტრაცია სინგაპურში ფიქსირდება, სადაც ისინი მოსახლეობის 15,5%-ია, მაშინ როდესაც მსოფლიოში, საშუალოდ, ეს მაჩვენებელი 0,9%-ია.
სინგაპურელთა რაოდენობა, რომელთაც 1 და მეტი მილიონი გააჩნიათ, 2010 წელს 33%-ით გაიზარდა. ევროპაში ყველაზე მეტი მილიონერი შვეიცარიაშია და 9,9%-ს შეადგენს.
BCG-ის მონაცემებით, მსოფლიო კეთილდღეობა 2015 წლამდე საშუალოდ 5,9%-ით გაიზრდება და ამ პერიოდისთვის მისი მოცულობა 162 ტრილიონი დოლარი იქნება. ყველაზე სწრაფად მილიონერთა რაოდენობა განვითარებადი ეკონომიკების ქვეყნებში გაიზრდება. მაგალითისთვის, ინდოეთში ზრდა 18% იქნება, ჩინეთში კი 14%. შესაბამისად, აზია წყნარი ოკეანის რეგიონზე მსოფლიოს აქტივების სტრუქტურის მართვა 2010 წელს დაფიქსირებული 18%-დან 2015 წლისთვის 23%-მდე გაიზრდება.