ამის შესახებ ინფორმაციას სააგენტო RBC მსოფლიო ბანკის რუსეთის ეკონომიკის შესახებ ანგარიშზე დაყრდნობით ავრცელებს. ბანკის ახალი პროგნოზით, საშუალო ფასი ბარელ ნავთობზე 2011 წელს 107,2 აშშ დოლარი იქნება, 2012 წელს - 102,1 აშშ დოლარი.
აღსანიშნავია, რომ მანამდე ბანკის პროგნოზი 2011 წლისთვის ბარელი ნავთობზე 96,8 აშშ დოლარს პროგნოზირებდა, 2012 წლისთვის - 92,3 აშშ დოლარს.
მსოფლიო ბანკის ახალი პროგნოზი ლიბიაში კონფრონტაციის გაგრძელების საფრთხეს ეყრდნობა, შესაბამისად, 2011 წლის ბოლოსთვის ნავთობის ექსპორტის განახლების პრობლემა რთულად თუ მოიხსნება.
ბანკი ასევე მიუთითებს, რომ საერთაშორისო ენერგეტიკულმა სააგენტომ ლიბიაში ნავთობის სადღეღამისო მოპოვების საპროგნოზო მაჩვენებელი 2011 წლისთვის 0,2 მლნ ბარელით შეამცირა.
"სირიასა და იემენში გაუარესებული მდგომარეობისა და სხვა ქვეყნებში არსებული დაძაბულობის გათვალისწინებით, მომავალში ნავთობის მიწოდებაში პრობლემის არსებობის რისკი კვლავ შენარჩუნებულია", - განმარტებულია ბანკის ანგარიშში.
გარდა ამისა, 2011 წლისთვის ექსპერტები ნავთობზე დღე-ღამეში მსოფლიო მოთხოვნილების 1,3 მლნ ბარელით (1,5%-ით) გაზრდას პროგნოზირებენ, აქედან თითქმის ნახევარი ჩინეთზე მოდის. მსოფლიო ბანკი მიუთითებს, რომ პროგნოზების შესაბამისად ბაზარზე დეფიციტი წარმოიშობა.
რეგისტრაცია!
