ნანახია: 3557

აზიის ნდობის კრედიტი

ინვესტორები საფონდო ბირჟას უნრუნდებიან


ინვესტორებს შორის აზიის საფონდო ბირჟებთან მიმართებაში ოპტიმიზმი იმატებს. Deutsche Bank-მა ამ კვირაში განაცხადა, რომ აზიურ ფონდებში სახსრების მომატება დააფიქსირა, ჩინელი ანალიტიკოსები კი ვარაუდობენ, რომ ქვეყნის წამყვანი საბირჟო ინდექსი Shanghai Composite-ი მიმდინარე წელს მსოფლიოში ზრდის ყველაზე მაღალ და სწრაფ ტემპს აჩვენებს.
თუმცა 2008 წლის მეორე ნახევარში ქვეყანა არც თუ ისე სახარბიელო მდგომარეობაში იყო. ვროპელი, ამერიკელი და იაპონელი ინვესტორები ნაციომალურ ბირჟაზე სახსრებს დაჩქარებული ტემპით აბრუნებდნენ. თუმცა უკვე იანვარში სიტუაცია უკეთესობისაკენ შეიცვალა, როდესაც აზიის ქვეყნებმა და პირველ რიგში კი ჩინეთმა კრიზისის დაძლევის ნიშნები გამოამჟღავნეს.
Deutsche Bank-მა აქტივობის მომატება თავის საფინანსო ფონდებში სინგაპურსა და ჰონგკონგში დააფიქსირა.
ინვესტორების დაჟინებული ყურადღება ამჟამად ჩინეთისკენაა მიმართული, სადაც საკმაოდ კარგი პირობებია შექმნილი საკრედიტო-საფინანსო სისტემის გასაუმჯობესებლად. იანვარში ჩინეთის ბანკმა 238 მილიარდი დოლარის ოდენობით კრედიტი გამოჰყო. ჩინური Shenyin & Wanguo Securities-ის ანალიტიკოსების აზრით, ამ თანხის მნიშვნელოვანი ნაწილი-97 მილიარდი შეიძლება კომპანიების მიერ მოკლევადიანი შენატანების და ბირჟებზე აქციების შესყიდვაზე დაიხარჯოს.
ჩინეთის მთავრობა უკვე გასული წლის ნოემბრის თვიდან უბიძგებდა ჩაძირვისათვის განწირულ ბანკებს (რომელთა უმრავლესი ნაწილიც მთავრობის კონტროლს ექვემდებარება) საკრედიტო პოლიტიკის გატარებისკენ. "ჩინეთის ბანკებიდან ფულის გადინება მას შემდეგ დაიწყო, რაც ჩინეთის მთავრობამ ეკონომიკური ზრდის გაძლიერების მცდელობაში ყველანაირი ბარიერი მოხსნა. ეს კიდევ უფრო განამტკიცებს ჩინელი მოქალაქეების რწმენას, რომ ჩინეთი შეძლებს რეცესიის თავიდან აცილებას."- აცხადებენ ჩინელი ექსპერტები. მათივე აზრით, ჩინეთის ბირჟაზე დაბანდებულმა სახსრებმა შესაძლოა 200დან 250 მილიარდ დოლარამდე მიაღწიოს.
ჩინეთის ბევრმა კომპანიამ ამ სახსრების გამოყენება სავალუტო და საფინანსო ფონდებზე ზეგავლენის მოსახდენად დაიწყო. შეიძლება, სწორედ ესაა იმის მიზეზი, რომ ჩინეთის საფონდო ბირჟამ უკანასკნელი 3 თვის განმავლობაში თავისი კაპიტალიზაცია 41%-ით გაზარდა და 30 % უკვე ამ წლის დასაწყისში დაფიქსირდა.
ოქსფორდის უნივერსიტეტის ეკონომისტის ლინდა იუეს განცხადებით, ჩინურ პროდუქციაზე მოთხოვნის კლების ფონზე, კომპანიებს უადვილდებათ თავიანთი თავისუფალი სახსრების არა წარმოებაში, არამედ აქციებში ჩადება.