აზერბაიჯანში ნავთობის მოპოვების სადღეღამისო მაჩვენებელი 2011 წელს 40 ათასი ბარელით გაიზრდება და 1,11 მლნ ბარელს მიაღწევს. ამის შესახებ ნავთობის კარტელი OPEC -ი მაისის ანგარიშში პროგნოზირებს. ნავთობის მოპოვებაზე მიმდინარე პროგნოზი 25 ათასი ბარელით მეტია, კარტელის მიერ გასულ თვეში ქვეყანაში ნავთობის მოპოვების საპროგნოზო მაჩვენებელთან შედარებით.
პროგნოზის გაუმჯობესება აზერი-ჩირაგ-გიუნშელის საბადოზე ნავთობის მოპოვების მაჩვენებლის გადაფასებას უკავშირდება. OPEC -ის ცნობით, 2011 წელს აზერბაიჯანში ნავთობის მოპოვების სადღეღამისო მაჩვენებელი გასული წლის ანალოგიურ პერიოდთან შედარებით 20 ათასი ბარელით გაუმჯობესდა. აზერბაიჯანული ნავთობის მოპოვების ყველაზე მაღალი მაჩვენებელი, OPEC -ის პროგნოზით, მიმდინარე წლის ბოლო კვარტალში დაფიქსირდება და დღე-ღამეში 1,14 მლნ ბარელს მიაღწევს. წლის მეორე და მესამე კვარტალში ეს მაჩვენებელი 1,12 მლნ ბარელი იქნება.
კომპანიის BP-ი მონაცემენით, აზერბაიჯანში ნავთობის დადგენილმა მარაგებმა 2010 წლის დასაწყისში 7 მლრდ ბარელი შეადგინა, 2009 წელს ნავთობის მოპოვების მაჩვენებელი 2008 წელთან შედარებით 13,5%-ით გაიზარდა და სადღეღამისო მაჩვენებელმა 1,033 მლნ ბარელი შეადგინა.
აზერბაიჯანში ძირითადი მოცულობის მოპოვება აზერი-ჩირაგ-გიუნშელის საბადოზე ხდება, სადაც მოიპოვება მსუბუქი, Aზერი Lიგჰტ-ის კატეგორიის ნავთობი. აზერი-ჩირაგ-გიუნშელის საბადოს დამუშავებაზე მუშაობენ: BP (37,43%), Chevron (11,27%), SOCAR (10%), INPEX (10,96%), Statoil (8,56%), EExxon(8%), TPAO (6,75%), Itochu (4,3%), Hess (2,72%).
რეგისტრაცია!
