რუსეთის პრემიერ-მინისტრი ვლადიმირ პუტინი ბენზინის გაძვირებას მწარმოებელი კომპანიების გარიგებით ხსნის. ამის შესახებ პრემიერმა სამთავრობო კომისიის სხდომაზე განაცხადა.
მანამდე ვიცე-პრემიერმა იგორ სეჩინმა აღნიშნა, რომ ბირჟებზე საწვავის ფასი უსაფუძვლოდ, ნავთობპროდუქტების დეფიციტის გამო იზრდება. პუტინმა კი განაცხადა, რომ საქმე არა დეფიციტში, არამედ გარიგებაშია.
ისინი ერთმანეთში თანხმდებიან და ბირჟაზე მცირე რაოდენობა გააქვთ, აღნიშნა რუსეთის მთავრობის მეთაურმა.”პუტინმა შექმნილი ვითარების მონიტორინგი ანტიმონოპოლიურ სამსახურს დაავალა.
აპრილის ბოლოს რუსეთის ბევრ რეგიონში ბენზინის კრიზისი დაიწყო, რაც, ენერგეტიკის სამინისტროს აზრით, ნავთობპროდუქტების ექსპორტის 67%-ით გაზრდითაა გამოწვეული.
შედეგად, 1 მაისს მთავრობამ საბაჟო გადასახადი 44%-ით, ტონაზე 408,3 დოლარით გაზარდა. ამასთან, თებერვლიდან რუსეთში მოქმედებს ბენზინზე ფასების ზრდის აკრძალვა.
რეგისტრაცია!
