ნანახია: 382

ავსტრალიური დოლარი არათუ მყარდება, არამედ ისტორიულ მაქსიმუმს აღწევს

ავსტრალიური დოლარი 1,07 ამერიკული დოლარის ეკვივალენტია და, პროგნოზების თანახმად, მომავალ ექვს თვეში 1,16 აშშ დოლარს მიაღწევს. 983 წლის დეკემბრის მერე ავსტრალიურ დოლარს ამ ნიშნულისთვის არ მიუღწევია. ,,ავსტრალიური დოლარი კვლავ იწევს და არავის იცის, როდის შეჩერდება მისი ზრდა", - განაცხადა ABC-ის ეკონომიკურმა კორესპონდენტმა სტეფან ლონგმა.” ეს მართლაც რომ გადატრიალებაა. 2000 წლის ოლიმპიადის დროს 1 აშშ დოლარი 2 ავსტრალიურ დოლარს უდრიდა, ახლა კი ეს მაჩვენებელი 15 პროცენტით დაეცა. ზედმეტია იმის თქმა, რომ ავსტრალიური დოლარის კურსის აწევაც ფინანსური კრიზისის ერთ-ერთი გამოხატულებაა.

მამოძრავებელი ძალები
ავსტრალიაში აშშ-სთან შედარებით ბევრად მაღალი საპროცენტო განაკვეთებია (ავსტრალია 4,75%0 – აშშ 0%.)
10 წელია სამთავრობო ობლიგაციების სარგებელი 5%-ზეა შეჩერებული. ქვეყანას აქვს მცირე რაოდენობის სახელმწიფო ვალი და რეგულირებადი საბანკო სისიტემა. საერთო ჯამში, ავსტრალიის ეკონომიკური სისიტემა მყარია და უმუშევრობის დონე მხოლოდ 5%-ია.
1990 წლის რეცესიის გამოცდილება დაეხმარა ავსტრალიას გლობალურ ფინანსური კრიზისთან გამკლავებაში და იგი სხვა ქვეყნებზე უკეთ ართმევს თავს კრიზისთან ბრძოლას. ” გარდა ამისა, მას ხელს უწყობს ფერადი ლითონის ფასებიც. სპილენძის ფასი 2,5 %- მდე გაიზარდა. ხოლო ოქროს ფასმა კი რეკორდულად მაღალ მაჩვენებელს მიაღწია.

მსყიდველობითი უნარი
ავსტრალიელები კმაყოფილნი არიან თავიანთი ვალუტის მაღალი მსყიდველობითი უნარით. ” პირველ რიგში, ეს მათ დაეხმარა ინფლაციის შეჩერებაში. ამჟამად ღესერვე Bank of Australia - ს მთავარი საზრუნავია, სესხის ღირებულების ასამაღლებელი პოლიტიკის გატარება და გლობალური კრიზისი ფონზე და მის შემდეგაც მიღებული მაჩვენებლის დარეგულირება.” წლის პირველ კვარტალში ნავთობის ფასები 14%-მდე გაიზარდა, მაგრამ ამის მიუხედავად, იმპორტის ფასი 1,4%-მდე გაიზარდა. ეს ფაქტორები კი საგრძნობლად ამუხრუჭებს ინფლაციის ტემპს.
წლის პირველ კვარტალში კომპიუტერების და მანქანების ფასები დაეცა. ეს კი იმას მიშნვას, რომ RBA- იმ უნდა გადაავადოს საპროცენტო განაკვეთები. ცხადია, ეს სასარგებლოა სახლების მფლობელებისთვის და მათთვის, ვინც იპოთეკური სესხით სარგებლობს.
ავსტრალიელი მოგზაურობის მოყვარულები და ტურისტები სარგებელში არიან. აშშ-ს მიმართულბით მგზავრობა მათთვის უკვე ძალიან იაფია და ისინი ხშირად მიემგზავრებიან ნიუ-იორკსა და ლას-ვეგასში.

ნეგატიური მხარე
უარყოფითი მხარე, რაც ამ მოვლენას ახლავს თან, არის ტურისტული ინდუსტრიის მუშაობის შეფერხება. ავსტრალიაში შემცირდა ტურისტების ნაკადი. ეს ეხება როგორც მდიდარ, ასევე ჩვეულებრივ ტურისტებს. ტურ-ოპერატორები სერიოზული პრობლემების წინაში დგანან. იგივე პრობლემა აქვს ბევრ საკრუიზო კომპანიას. მათი ბიზნესი 60% -მდე დაეცა და მუშაობას მხოლოდ მასიური ფასდაკლებების შეთავაზებით ახერხებენ.
ეს საკითხი აწუხებთ საერთო საცხოვრებელების მფლობელებსაც. ტურისტების რაოდენობა კატასტროფულად მცირეა.
იკლო ადგილობრივი დამსვენებლების რიცხვმაც, რომლებიც არდადეგებს ავსტრალიის ტერიტორიაზე ატარდბდნენ. ისინი ახლა უკვე სხვა ქვეყნებში, განსაკუთრებით, აშშ-ში მიემგზავრებიან.
ავსტრალიელი ექსპორტიორებისთვის ავსტრალიური დოლარის გამყარება ძირს უთხრის მათ კონკურენტუნარუნარიანობას და ბაზარს აკარგვინებს.
გამონაკლისია, მხოლოდ რესურსების სექტორი. ამის ორი მიზეზი არსებობს. პირველი, როგორც ჩანს, რკინის მადანზე და ქვანახშირზე მთელს მსოფლიოში, განსაკუთრებით ჩინეთში, დიდი მოთხოვნაა და ეს სფერო გამართულად მუშაობს. მეორე, ბევრი სახეობის ავსტრალიური სასაქონლო ექსპორტი არის ამერიკულ დოლარში.

სამომავლო კურსი
"ბლუმბერგის" ტელევიზიით გამოსვლისას ავსტრალიის საგარეო საქმეთა მინისტრმა და ყოფილმა პრემიერ-მინისტრმა კევინ რუდიმ განაცხდა: ,,ჩვენ არ ვაპირებთ უკან დახევას იმათ გამო, ვინც ცდილობს ჩვენი გაცვლითი კურსით მანიპულირებას. მით უმეტეს იმ ქვეყნების გამო, რომლებიც, სავარაუდოდ, არ აპირებენ ჩვენთვის ვალის გადახდას".