პორტუგალიამ ფინანსური მხარდაჭერის თხოვნით მიმართა ევროკავშირის ხელმძღვანელობას, რათა ქვეყანამ შეძლოს საბიუჯეტო კრიზისთან გამკლავება. ”ირლანდიისა და საბერძნეთის შემდეგ, პორტუგალია მესამე ქვეყანაა, რომელსაც დასჭირდა მეზობლებისთვის საკრედიტო მხარდაჭერის თხოვნა.
,,მე შევეცადე ყველა შესაძლო მეთოდი გამომეყენებინა, მაგრამ დადგა დრო როდესაც ამ საკითხთან დაკავშირებით სხვაგვარი გადაწყვეტილების მიღება უკვე ძალიან სარისკოა", - განაცხადა ქვეყნის მოქმედმა პრემიერ-მინისტრმა სოკრეტიმ სატელევიზიო მიმართვაში.”სოკრეტის, რომელიც სოციალისტური პარტიის ლიდერია, არ უსაუბრია გარიგების დეტალებზე, მაგრამ ცნობილია, რომ მისი პოლიტიკური პარტნიორების ასევე დაინტერესებულნი არიან ამ გარიგებით.”სესხის დეტალები (რაოდენობა, საპროცენტო განაკვეთი და სხვა პირობები) განხილული იქნა ბუდაპეშტში ევროკავშირის ფინანსთა მინისტრების შეხვედრაზე. "ბლუმბერგის" მონაცემებით, სესხის თანხა, სავარაუდოდ, 75 მლრდ. ევრომდე (107 მლრდ. დოლარამდე) იქნება. თანხა პორტუგალიის სავალუტო ფონდის განკარგულებაში გადავა.”რაც შეეხება ქვეყნის პრემიერ-მინისტრს, სოკრეტიმ გადადგომის შესახებ მიმდინარე წლის 23 მარტს განაცხადა, მას შემდეგ, რაც პარლამენტმა არ მიიღო მთავრობის მიერ შემუშავებული გეგმა ბიუჯეტის შემცირებასთან დაკავშირებით. ამჟამად, სოკრეტი მთავრობის დროებითი მეთაურია 5 ივნისის საპარლამენტო არჩევნებამდე.”2010 წელს პორტუგალიის ბიუჯეტის დეფიციტი 8,6%-ს შეადგენდა. თუმცა, მთავრობის ვარაუდით, ეს მაჩვენებელი 7,3 %-მდე შემცირდება. ქვეყანაში შრომით ბაზარზე უკიდურესად რთული ვითარებაა. გასული წლის მეოთხე კვარტალში, უმუშევართა რაოდენობა 11,1 %-მდე გაიზარდა, რაც რეკორდული მაჩვენებელია 1998 წლის მონაცემების მერე.”ბაზარი საკმაოდ ფრთხილად გამოეხმაურა პორტუგალიის განცხადებას. როგორც ანალიტიკოსები აღნიშნავენ, ლისაბონის ეს ნაბიჯი მიუთითებს, რომ ევროკავშირში საბიუჯეტო კრიზისი გაიზარდა.
ბევრი კი ამგვარ საქციელს უკვე ,,დიდ შეცდომას’" უწოდებს.
რეგისტრაცია!
