ნანახია: 325

აშშ–ის სავაჭრო წარმომადგენლის რონ კერკის განცხადებით, რუსეთი მსოფლიო სავაჭრო ორგანიზაციაში შესაძლოა უკვე 2011 ან 2012 წელს შევიდეს.
"თუ ეს წელს არა, მომავალ წელს აუცილებლად მოხდება," – განაცხადა კერკმა.
ნიუ–იორკში, არასამთავრობო ორგანიზაცია `საერთაშორისო საქმეთა საბჭოზე~ გამოსვლისას რუსეთის მთავრობის თავმჯდომარის მოადგილემ სერგეი ივანოვმა აღნიშნა, რომ რუსეთი შესაძლოა მსო–ში ექვსი თვის განმავლობაში გაწევრიანდეს.
მანამდე კი რუსეთის პრეზიდენტმა სერგეი მედვედევმა და პრემიერმა ვლადიმირ პუტინმა განაცხადეს, რომ მოსკოვი მსო–ში შესვლას 2011 წელს ვარაუდობს.
ორგანიზაციის წესების თანახმად, ბლოკის 153 წევრიდან თითოეულს აქვს უფლება დაბლოკოს გადაწყვეტილება ორგანიზაციაში ახალი ქვეყნის შესვლის შესახებ. შესაბამისად, კანდიდატმა ორმხრივი მოლაპარაკება უნდა გამართოს იმ სახელმწიფოსთან, რომელიც მას ვეტოს ადებს. შეგახსენებთ, რომ მოსკოვსა და თბილისს შორის რუსეთის მსო–ში შესვლასთან დაკავშირებით შეთანხმება მიღწეული არაა. მხარეებმა პირველი შეხვედრა შვეიცარიაში, ქალაქ ბერნში გამართეს, თუმცა მოლაპარაკებები უშედეგოდ დასრულდა.