ევროკავშირის ლიდერები ბრიუსელში შეიკრიბნენ. მას შემდეგ რაც პორტუგალიის პარლამენტმა არ მიიღო ბიუჯეტის შემცირების პროექტი, პორტუგალიის პრემიერ-მინისტრმა სოკრეტიმ პოსტი დატოვა. ამჯერად, ევროკავშირის სამიტის მიზანია, ევროსივრცეში სავალო კრიზისის შემცირება და ამ საკითხის მოსაგვარებლად გარკვეული გეგმის შემუშავება.
გარდა ამისა, სამიტის დღისწესრიგში დგას ლიბიის მდგომარეობის, ეგვიპტესა და ტუნისში მიმდინარე მოვლენების განხილვა. სამიტი იღებს გადაწყვეტილებას, რომ ევროკავშირის 27 სახელმწიფოში ევროსივრცეში სტაბილურობის შესანარჩუნებლად შეიმიშაონ ,,კომპლექსური გეგმა", ამ გეგმის თანახმად, რა თქმა უნდა, ვალდებულებები, პორტუგალიის წინაშეც დგება.
პორტუგალიურ ეკონომიკაზე ზემოქმედება იმანაც გააძლიერა, რომ სამშაბათს ქვეყანაში ობლიგაციებზე საპროცენტო განაკვეთმა ბოლო 10 წლის განმავლობაში უმაღლეს დონეს 7,91%-ს მიაღწია.
სოკრეტი შიშობს, რომ პოლიტიკური კრიზისი ძალზე უარყოფითად მოქმედებს პორტუგალიაზე, რადგან ვეღარ ხერხდება ფინანსური მხარდაჭერა და პოლიტიკური ინსტიტუტებიც კარგავენ ნდობას.
ბელგიის ფინანსთა მინისტრმა დიდიერ რეინდერმა განაცხადა, რომ თუკი პორტუგალია ითხოვს დახმარებას, პარტნიორები მზად არიან დაეხმარონ მას.” ,,მე ყოველთვის ვფიქრობდი, რომ ორგანიზებული დახმარება ბევრად უფრო სასარგებლოა, რადგან ეს შესაძლებლობას აძლევს პორტუგალიას რესტრუქტურიზაციის პროცესში ნაკლები დრო დაუთმოს ვალებს და უფრო მეტი ყურადღება მიაქციოს მოსახლეობას~, - განაცხადა რეინდერმა ბრიუსელში.
,,თუ პორტუგალია ითხოვს, ჩვენ დაუყოვნებლივ ჩავერევით, მანმადე კი საჭირო იქნება მისი ასეთი რთული ფინანსური მდგომარეობის გასაუმჯობესებლად, გეგმის შემუშავება და ევროპის ფონდია გახსნა”, - დასძინა ბელგიის ფინანსთა მინისტრმა.
გერმანიის პარლამენტში სიტყვით გამოსვლისას კანცლერმა ანგელა მერკელმა ,,სამწუხარო” უწოდა იმ ფაქტს, რომ პორტუგალიის პრემიერ-მინისტრმა არ მიიღო მთავრობის მიერ შემუშავებული პროექტი გადასახადების გაზრდასთან დაკავშირებით. თუმცა, მერკელმა სოკრეტის მოქმედება ,,სიმამაცედ” შეაფასა. ,,საჭიროა თანმიმდევრული მოქმედება, ერთიანობა და რეფორმები. გუშინდელმა დღემ კი აჩვენა თუ რა რთულია ამის მიღწევა", - აცხადებს ანგელა მერკელი.
პორტუგალიის ხუთივე ოპოზიციურმა პარტიამ უარყო გამკაცრებული გადასახადების პროექტი. ისინი ადანაშაულებენ მთავრობას იმაში, რომ ამ უკანასკნელმა, არ ითხოვა პარტნიორი ქვეყნებისგან დახმარება.
მართალია, პრემიერ-მინისტრი სოკრეტი გადადგა, მაგრამ იგი მაინც გაემგზავრა ბრიუსელში, როგორც "მეთვალყურე" მინისტრი. პორტუგალიაში კი ვადამდელი არჩევნების ჩატარება საუკეთესო გამოსავალია, თუმცა, ამ საკითხთან დაკავშირებით გადაწყვეტილება ქვეყნის პრეზიდენტმა ანიბალ კავაჩომ უნდა მიიღოს.
ლისაბონი ირწმუნება, რომ მათი მდგომარეობა განსხვავდება საბერძნეთსა ირლანდიის რესპუბლიკაში შექმნილი სიტუაციისგან. ლისაბონში ასევე აცხადებენ, რომ მათი ვალი და ფინანსური დეფიციტი სხვა ქვეყნებზე ნაკლებია და ამიტომ აუცილებელი არაა ზემოხსენებული ქვეყნების მსგავსად მოქმედება.
რეგისტრაცია!
