ნანახია: 449

ევროპული ავტო კონცერნები ბაზარზე დამატებით წილებს მოიპოვებენ

აღმოსავლეთ ევროპის ეკონომიკური ზრდის მაჩვენებელი უახლოესი წლების განმავლობაში ორჯერ გადააჭარბებს ევროზონის საშუალო ტემპებს. თუმცა, როგორც ექსპერტები აცხადებენ, ეკონომიკის კრიზისამდელ დონეს არ უნდა ველოდოთ.
საერთაშორისო შედარებების ვენის ინსტიტუტის წარმომადგენლის პეტერ ჰავლიკის აზრით, რთულია გავთვალოთ იაპონიის ბუნებრივი კატასტროფის შედეგი ცენტრალური და აღმოსავლეთ ევროპის ეკონომიკური განვითარებისთვის.
ეს რეგიონი სიდიდით მსოფლიოს მესამე ეკონომიკასთან ნაკლებადაა დაკავშირებული. სრულიად შესაძლებელია, რომ ცალკეული ქვეყნები მოიგებენ იაპონურ საავტომობილო წარმოებაში წარმოქმნილი დროებითი შეფერხებით, მსხვილი ევროპული კონცერნები კი ბაზარზე დამატებით წილებს მოიპოვებენ.
დასავლეთ ევროპული ავტოწარმოებისთვის მიმზიდველი და ამასთან მომგებიანი ხდება ბიზნესის აღმოსავლეთ ევროპის ტერიტორიაზე გაშლა, რადგან აქ უფრო დაბალი ხელფასებია. თუმცა ეს უპირატესობა დროთა განმავლობაში ქრება, რადგან მაღალი ინფლაციის გამო ხელფასებიც იზრდება.
ექსპერტების შეფასებით, დასავლეთ ერვოპისგან განსხვავებით, სადაც 2012 წლისთვის ზრდის ტემპების შესუსტებაა მოსალოდნელი, აღმოსავლეთ ევროპაში ეკონომიკური ზრდა გაგრძელდება.