ნანახია: 476

გაზეთ "კაპიტალის" ცნობით, ბაზრის ძირითადმა მოთამაშეებმა ლიტრი ბენზინი 10 დრამით (0,027 აშშ დოლარი) უკვე გააძვირეს, ზოგიერთი მათგანი ფასების მომატებას მომავალში გეგმავს, ერთ-ერთი მოთამაშე კომპანია "ფლეში" კი ამასთან დაკავშირებით გადაწყვეტილებას უახლოეს დღეებში მიიღებს.
კომპანიაში "ფლეში" განმარტავენ, რომ ამ დროისთვის ნავთობზე არსებული საერთაშორისო ფასების ფონზე, სომხეთში ბენზინის ფასი ისედაც დაბალია და იგი აუცილებლად უნდა გაიზარდოს.
კომპანიაში ასევე ამბობენ, რომ 24 თებერვალს 1 ბარელ ნავთობზე ფასმა 111,75 აშშ დოლარს მიაღწია და კომპანიები იძულებულები არიან იმპორტირებული პროდუქცია გააძვირონ.
კომპანიაში განმარტავენ, რომ ბენზინის იმპორტიორები ფასის მატებას არ მიესალმებიან, რამდენადაც პროდუქტის გაძვირების შედეგად საწვავის მოხმარება მცირდება. ქვეყანაში ავტომობილების 70% უკვე გაზს მოიხმარს.

ირაკლი ჯღარკავა