ნანახია: 834

ევროპა იმ კანდიდატურებს განიხილავს, ვინც ჟან-კლოდ ტრიშე ევროპის ცენტრალური ბანკის თავმჯდომარის პოსტზე უნდა შეცვალოს. მისი უფლებამოსილების ვადა ოქტომბერში იწურება, მაგრამ სავარძლისთვის ბრძოლა აქტიურ ფაზაშია. გერმანიის ფინანსთა მინისტრის ვოლფგანგ შოიბლეს განცხადებით, არჩევა მიმდინარე წლის მარტში მოხდება.
ტრიშეს მემკვიდრედ ბუნდესბანკის პირველი პირი აკსელ ვებერი სახელდებოდა, მაგრამ მოულოდნელად წინა კვირაში მან თანამდებობა დატოვა.
კიდევ ერთ კანდიდატურად განიხილება ფინეთის ცენტრალური ბანკის თავმჯდომარე ერკი ლიკანენი.
ექსპერტების შეფასებით, ევროპის ცენტრალური ბანკის პრეზიდენტის პოსტზე ფავორიტად მოიაზრება მარიო დრაგი. იტალიის ბანკის 63 წლის მეთაურს ამ სფეროში დიდი გამოცდილება აქვს. იგი მუშაობდა მსოფლიო ბანკში და საინვესტიციო გიგანტში Golden Sachs. გავრცელებული ინფორმაციის მიხედვით, მის კანდიდატურას მხარს უჭერს საფრანგეთი, თუმცა, მის მოწინააღმდეგეებში ირიცხება ევროზონის ყველაზე დიდი გავლენის მქონე გერმანია.
ასეთ სიტუაციაში, ბერლინისა და პარიზის კომპრომისულ კანდიდატად ლუქსემბურგის ცენტრალური ბანკის თავმჯდომარე ივ მერში სახელდება, რომელიც ევროპის ცენტრალურ ბანკში 19 წელი მუშაობდა. მაგრამ აქ ერთი მცირე დეტალიც არსებობს, ევროკავშირის ქვეყნების ფინანსთა მინისტრების საბჭოს თავში უდგას აღნიშნული ქვეყნის წარმომადგენელი, რაც შეიძლება ივ მერშის ბანკის მეთაურად დანიშვნის ბარიერი გახდეს.
ნაკლებად რეალურ, მაგრამ შესაძლო კანდიდატებს შორის სახელდება გერმანელი იენს ვაიდმანი, ფრანგი დომინიკ სტროს-კანი, რომელიც ამჟამად სავალუტო ფონდის დირექტორის თანამდებობაზეა. მისი უფლებამოსილება მალე იწურება, მაგრამ მას აგრეთვე აქვს გახდეს საფრანგეთის პრეზიდენტობის კანდიდატი სოციალისტების წარდგენით.