ნანახია: 789

სურსათის შემდეგ, შესაძლოა, ტანსაცმელიც გაძვირდეს

ნიუ–იორკის სასაქონლო ბირჟაზე ბამბის ფასმა ისტორიულ მაქსიმუმს მიაღწია და პირველად გადააჭარბა 2 დოლარს გირვანქაზე. ფასების ზრდა ჩინეთის მხრიდან მოთხოვნის ზრდის შედეგია. გარდა ამისა, ავსტრალიაში, რომელიც მსოფლიოში ბამბის ნომერი მეოთხე ექსპორტიორია, ცუდ მოსავალს ელიან.
2010 წელს ჩინეთმა ბამბის წარმოება 14%–ით, 27 მილიონ ტონამდე გაზარდა.
ამასთან, ფასების კიდევ უფრო გაზრდის მოლოდინში ჩინეთში მეურნეობები ბამბას იმარაგებენ. შედეგად, ქვეყნისთვის აუცილებელი გახდა ნედლეულის იმპორტის 40%–ით გაზრდა.
ანალიტიკოსების პროგნოზით, ბამბის ფასი აგვისტოსთვის, შესაძლოა, გირვანქაზე 2,2 დოლარი გახდეს.
ბამბის გაძვირებამ, შესაძლოა, ტანსაცმელსა და სხვა პროდუქციაზე ფასების მატება გამოიწვიოს. აშშ–ის ზოგიერთ საცალო ქსელში ფასების ზრდა უკვე დაიწყო.