Twitter-მა შესაძლოა ამ წელს დიდი სარეკლამო შემოსავალი მიიღოს, ამის მიუხედავად ის მაინც ჩამორჩება Facebook-ს. კვლევების ცენტრმა eMarketer-მა განაცხადა, რომ Twitter-ის სარეკლამო შემოსავალი 150 მილიონ დოლარს გაუტოლდება. გასულ წელს, კი მისმა შემოსავალმა 45 მილიონი დოლარი შეადგინა. ვარაუდობენ, რომ ამ წელს 140 მილიონი დოლარის შემოსავლი ამერიკის შეერთებული შტატებიდან იქნება. აქვე უნდა აღინიშნოს, რომ eMarketer-ის ვარაუდით მომავალ წელს Twitter-ის შემოსავალი 250 მილიონ დოლარამდე გაიზრდება.
თუმცა, eMarketer ასევე აღნიშნავს, რომ მისი შეფასება არ არის გარანტია.
eMarketer-ის მონაცემებით სოციალური ქსელებიდან წამყვანი პოზიცია Facebook-ს უჭირავს. 2010 წელს Facebook-ის შემოსავალმა 1,86 მილიარდ დოლარს მიაღწია. ამ წელს კი ვარაუდობენ, რომ 4,5 მილიარდ დოლარს გაუტოლდება.
რაც შეეხება, MySpace-ის მოგებას, ამ წელს 184 მილიონ დოლარს ვარაუდობენ. გასულ წელს, მისი შემოსავალი 288 მილიონი დოლარი იყო.
eMarketer-ის განცხადებით, მსოფლიოში 2011 წელს სოციალურ ქსელში სარეკლამო დანახარჯი 6 მილიარდი იქნება, 2012 წელს კი 8,1 მილიარდი დოლარი.
ზურა მამულაშვილი 
რეგისტრაცია!
