ნანახია: 695

პოლონეთის საგარეო საქმეთა მინისტრმა, რადოსლავ სიკორსკიმ, განაცხადა: "ჩვენ ყველაფერს გავაკეთებთ, რათა მომავალში ასეთი შემთხვევა აღარ განმეორდეს. ევროკავშირს აქვს საკმარისი ფინანსური და სამართლებრივი სახსრები თავისი წევრი ქვეყნების მსგავსი კრიზისისგან დასაცავად. ჩვენ ყოველთვის ეჭვქვეშ ვაყენებდით ევროკავშირის მხარდაჭერას დაცვის კუთხით, მაგრამ ამის ბოლომდე თავადაც არ გვჯეროდა. ახლა კი ფაქტი სახეზეა.
ჩემი აზრით, ევროკომისიას, რომელიც მიმდინარე მოვლენებს კრიზისის დროს აკვირდებოდა და ზეგავლენას ახდენდა, მნიშვნელოვანი გადაწყვეტილებებისა და ზომების მიღება შეუძლია. ისეთების, რომლებიც კრიზისის დაძლევაში დაგვეხმარება".
პოლონეთის ფიანანსთა მინისტრმა, ჯასეკ როსტოვსკიმ, განაცხადა, რომ პოლონეთს აქვს შემუშავებული გეგმა, რომლითაც ისინი გლობალური ეკონომიკური კრიზისის ყველზე რთული პერიოდის დაძლევას შეძლებენ.
მას პოლონეთის საბანკო სექტორი პრობლემების გადაჭრის გზად მიაჩნია. მისი განცხადებით არცერთი პოლონური ბანკი დახურვის პირას არ არის. "ჩვენ ძლიერი საბანკო სისტემა გვაქვს. დასავლეთის ქვეყნებისგან განსხვავებით, ეკონომიკური კრიზისის დასაძლევად პოლონეთმა სწორი ნაბიჯები გადადგა".
გასულ წელს პოლონეთის ეკონომიკა 5%-ით გაიზარდა, თუმცა ეკონომიკური კრიზისის გავლენა მასზე უკვე იგრძნობა. დოლართან და ევროსთან მიმართებაში ზლოტი (პოლონეთის ფულის ერთეული) მნიშვნელოვნად გაუფასურდა. 2008 წლის ბოლოს კი სამრეწველო პროდუქციამ დიდი დარტყმა მიიღო.
პოლონეთის მთავრობა კრიზისის დაძლევას კერძო სექტორის წახალისებით ცდილობს. ყველაზე დიდ პრობლემას დაუსაქმებელი მოსახლეობა წარმოადგენს. უმუშევართა რაოდენობა ნოემბერში 9.1% - მდე გაიზარდა. ეს მაჩვენებელი 0.3%-ით მეტია ოქტომბერთან შედარებით. ასეთი მაჩვენებელი მათ ხუთი წლის მანძილზეც არ ჰქონიათ, არათუ ერთი თვის მონაცემების მიხედვით.
ეკონომისტები ვარაუდობენ, რომ უმუშევრობის მატება 2009 წელს 2% მიაღწევს. ევროკავშირის წევრი ქვეყნების საგარეო საქმეთა მინისტრები არსებულ პრობლემებზე უახლოეს დღეებში ბრიუსელში იმსჯელებენ.

ირმა ზარნაძე