წლის ოქტომბრის მონაცემებით, გერმანიაში უმუშევართა დონემ სეზონური რყევების გათვალისწინებით 7,5%-ს მიაღწია. ასეთი ინფორმაცია, ქვეყნის დამსაქმებელთა ფედერალურმა ბიურომ 28 ოქტომბერს გაავრცელა. ანალიტიკოსები პროგნოზირებდნენ, რომ ეს მაჩვენებელი 7,4%-ს შეადგენდა.
აბსოლუტური გამორიცხვით და სეზონური რყევების გათვალისწინებით ოქტომბერში უმუშევართა რიცხვი 3 ათასით შემცირდა და 3 მილიონ 153 ათასი კაცი შეადგინა. სხვათაშორის, ანალიტიკოსები ამ მაჩვენებლის 30 ათასით შემცირებას ელოდებოდნენ.
სეზონურ რყევებს თუ არ გავითვალისწინებთ, 2010 წლის ოქტომბრის მონაცემებით, გერმანიაში უმუშევართა რიცხვი 86 ათასით შემცირდა და 2,945 მილიონი შეადგინა.
აღსანიშნავია, რომ წუხელ გერმანიის შრომის მინისტრი ურსულა ფონ დერ ლაიენი, ოფიციალური მონაცემების გამოქვეყნებას არ დაელოდა და განაცხადა, რომ ოქტომბერში, გერმანიაში აბსოლუტური უმუშევრობის რაოდენობა ბოლო წლების ისტორიულ მინიმალურ ზღვარს ქვემოთ, 3 მილიონამდე დაეცა. უმუშევრობის ასეთი დაბალი დონე გერმანიაში 1991 წლიდან, ”გდრ”-სა და “გფრ” გაერთიანების შემდეგ არ ყოფილა.
რეგისტრაცია!
