ნანახია: 787

ბოლო 15 წლის მანძილზე, აშშ-ში, სიღარიბის დონემ რეკორდულ ზღვარს მიაღწია. როგორც Associated Press-ი გვატყობინებს, სიღარიბის ზღვარს ქვემოთ, ქვეყნის მოსახლეობის 14,3%-ია, ეს კი 43,6 მილიონი ამერიკელია.

ღარიბთა რიცხვის ზრდის მონაცემები, მოცემულია აშშ-ს სააღმწერო ბიუროს აღრიცხვებში, 2009 წლის შედეგებით. 2008 წელს, ამ მაჩვენებელმა 13,2%-ი შეადგინა, რაც 39,8 მილიონი კაცია.

აღსანისნავია, რომ ასეთი მაღალი სიღარიბის დონე აშშ-ში, ბოლოს 1994 წელს დაფიქსირდა. AP აღნიშნავს, რომ ექსპერტებმა აშშ-ს, სიღარიბის დონის მკვეთრი ზრდა, ჯერ კიდევ 2009 წელს უწინასწარმეტყველეს. ზოგიერთის ვარაუდით, ღარიბებს, აშშ-ს მოსახლეობის 15%-ი უნდა შეედგინა.

ანალიტიკოსები აღნიშნავენ, რომ სიღარიბის მაჩვენებლის კიდევ უფრო გაუიარესების თავიდან აცილება, ბარაკ ობამას ადმინისტრაციის განსაზღვრულმა გადაწყვეტილებებმა განაპირობა. კერძოდ კი, სიღარიბის ზღვარს ქვემოთ მყოფ ოჯახებს სახელმწიფო სხვადასხვა გრანტებითა და დაზღვევებით დაეხმარა. როგორც სააღმწერო ბიუროში აღნიშნეს, სოციალური უზრუნველყოფის სფეროში, ობამას რეფორმებმა, სიღარიბისგან 3,3 მილიონი ამერიკელი იხსნა.

“მილიონმა ამერიკელმა, სიღარიბეს თავი გასულ წელს დააღწია” - განაცხადა ობამამ, მიუთითა რა ამერიკის ეკონომიკის აღდგენის კანონზე (American Recovery and Reinvestment Act) და სხვა დემოკრატიულ ინიციატივებზე, რომელთა წყალობითაც იქნა მიღწეული ასეთი შედეგები.

2009 წელს, აშშ-ში, ოთხკაციანი ოჯახის საარსებო მინიმუმი 21954 დოლარი იყო, აღნიშნავს AP. ამავე წელს, ამერიკული ოჯახის საშუალო შემოსავალმა 49777 დოლარი შეადგინა.