"ჯი-ემ-სი ჯგუფის" ხილის გადამამუშავებელი კომპანია "ნარინჯი" კვლავ ფინანსური რესურსის ნაკლებობას განიცდის.აჭარაში ციტრუსის დაბინავება შესაძლოა შეფერხდეს, როგორც "ჯი-ემ-სი ჯგუფის" წარმომადგენელმა რეზი ქადაგიძემ განაცხადა, ამ დროისთვის არ არის გადაწყვეტილი კომპანია მოახერხებს, თუ არა წელს საქმიანობის განახლებას და გადასამუშავებლად პროდუქციის ჩაბარებას.
როგორც ქადაგიძე ამბობს, ამ დროისთვის „ნარინჯში" არსებულ პრობლემებთან დაკავშირებით რამდენიმე საკითხი განიხილება და საბოლოო გადაწყვეტილება „ნარინჯის" საქმიანობასთან დაკავშირებით ოქტომბრის ბოლოს იქნება მიღებული.
მენეჯემენტი სასურველი წინადადების მიღების შემთხვევაში არც საწარმოს გაყიდვას გამორიცხავს.
როგორც ცნობილია, „ნარინჯი" ბოლო ორი წლის განმავლობაში მძიმე ფინანსურ კრიზისშია. მენეჯემენტი ინვესტორებთან მოლაპარაკებებს ჯერ კიდევ 2009 წლიდან აწარმოებდა. განიხილებოდა თანამშრომლობის რამდენიმე ვარიანტი, თუმცა მოლაპარაკებები ვერ შედგა. ყველაზე მსხვილი ინვესტორი ამერიკული საინვესტიციო კომპანია "მცირე საწარმოთა დახმარების ფონდი" (Small Enterprise Assistance Funds - SEAF) იყო, რომელთანაც მოლაპარაკებები 2009 წელს მიმდინარეობდა, თუმცა მხარეები პირობებზე ვერ შეთანხმდნენ.
„ნარინჯი" ქობულეთში მდებარეობს.
რეგისტრაცია!
