სომხეთის სოფლის მეურნეობის მინისტრ სერგო კარაპეტიანის განცხადებით, "სომხეთს შესაძლებლობა აქვს, საქართველოში ხილის, ბოსტნეულის და სოფლის მეურნეობის სხვა პროდუქციის ექპორტი განახორციელოს".
ამის შესახებ კარაპეტიანმა სომხეთში საქართველოს ელჩ თენგიზ შარმანაშვილთან გამართულ შეხვედრაზე განაცხადა.
"ჩვენ შეგვიძლია, ყველა სფეროში ვითანამშრომლოთ, მაგალითად, მესაქონლეობის კუთხით. ჩვენ მრავალი წლის განმავლობაში წარმატებით ვთანამშრომლობდით", - განაცხადა კარაპეტიანმა.
თავის მხრივ, შარმანაშვილმა აღნიშნა, რომ საქართველო სომხეთში სიმინდის ექსპორტირებას აპირებს.
"თანამშრომლობის თვალსაზრისით, როგორც ვხედავ, ბევრი დარგია, რომელშიც სომხეთის გამოცდილება და წარმატებები შეიძლება, საქართველოსთვის მაგალითად იქცეს. უნდა ვაღიაროთ, რომ საქართველოსთან შედარებით, სომხეთს სოფლის მეურნეობა საკმაოდ განვითარებული აქვს. ყველა სფეროში დინამიური პროგრესი შეინიშნება - ხორცის წარმოება, რძის პროდუქტები, ხილისა და ბოსტნეულის გადამუშავება", - აღნიშნა მან.
”პირველი”
რეგისტრაცია!
