წლევანდელ საგაზაფხულო სეზონზე კვერცხი არ გაიაფებულა და ცხელ ამინდშიც 27-30 თეთრის ფარგლებში იყიდება. ქართულ ბაზარზე ყველაზე მაღალ მოთხოვნას ეროვნული წარმოების კვერცხი ინარჩუნებს. საქართველოში კვერცხის იმპორტი, ძირითადად, ირანიდან და თურქეთიდან ხორციელდება.
ბაზარზე განსაკუთრებით პოპულარულია `კოდა~, `დილა~ და `პატარძეული~.
ოფიციალური მონაცემებით, ქვეყანაში 20-ზე მეტი დიდი და საშუალო, ხოლო 1500-ზე მეტი მცირე მეფრინველეობის საწარმოა, სადაც 10 ათასზე მეტი ადამიანია დასაქმებული. მოხმარებული ქათმის ხორცის 50% და კვერცხის 70% ადგილობრივია. ქართული კომპანიები მაღაზიებში კვერცხს, საშუალოდ, 22-25 თეთრის ფარგლებში აბარებენ.
სავაჭრო ქსელების წარმომადგენელთა თქმით, მაღაზიებში მოთხოვნა კვერცხის პროდუქციაზე ბოლო დროს, დაახლოებით, 10-15 პროცენტითაა შემცირებული. ამის მიზეზი, გამყიდველების თქმით, საგაზაფხულო სეზონია, რომლის დროსაც კვერცხი, ტრადიციულად, იაფდება. კვერცხის რეალიზაციის შესუსტებაზე გავლენა მარხვამაც მოახდინა.
რეგისტრაცია!
