ნანახია: 475

რეკონსტრუქციისა და განვითარების ევროპული ბანკი (EBRD) პროექტის საქართველოს სოფლის მეურნეობის დაფინანსების შესაძლებლობა” ფარგლებში, აგრობიზნესის დაკრედიტებისთვის 40 მლნ ევროს გამოყოფის საკითხს განიხილავს.
როგორც EBRD-ის ოფიციალურ ვებ-გვერდზეა აღნიშნული, პროექტის განხორციელება გერმანიის განვითრების საკრედიტო ბანკთან ერთად იგეგმება, რაც საქართველოში სოფლის მეურნეობის და ამ სექტორში დასაქმებული მცირე და საშუალო კომპანიების მხარდაჭერას ითვალისწინებს. ფინანსურ რესურსს ევრობანკი საქართველოს კომერციულ ბანკებს გამოუყოფს.
გარდა ამისა, პროექტით გათვალისწინებულია ადგილობრივი ბანკებისთვის აგრო-სესხის გაცემისას სპეციალური უნარ-ჩვევების განვითარება, სასესხო პორტფელის გამრავალფეროვნება, ასევე აგვისტოს კონფლიქტისა და გლობალური ფინანსური კრიზისის შემდგომ სესხების განახლების მხარდაჭერა.
პროექტში მონაწილე საფინანსო ინსტიტუტები მიიღებენ ტექნიკურ დახმარებას, სადაც საიმედო სესხის, რისკ-მენეჯმენტისა და აგრო-სესხებზე მორგებული პროცედურებს გაეცნობიან.
EBRD-ის დირექტორთა საბჭო პროექტის საბოლოო ვარიანტის განსახილველად 2011 წლის 26 ივლისს შეიკრიბება.