რამდენად აუცილებელი იყო საქართველოსთვის ჰიბრიდული სიმინდის თესლის შემოტანა?ქვეყანაში ქართველი სელექციონერების მიერ გამოყვანილი, დაახლოებით 15 ჯიშის სიმინდი არსებობს, რომელიც მოსავლიანობით ამერიკულს არ ჩამოუვარდება.
ამის გათვალისწინებით, სპეციალისტების განცხადებით, შესაძლებელი იყო ამერიკული თესლისთვის დახარჯული 30 მილიონიდან უფრო მეტი შედეგის მიღება.
მაგალითად, ქართული კრუგი (ყვითელი სიმინდი) ნორმალური აგროტექნიკის პირობებში 1 ჰექტარზე 10-12 ტონა მოსავალს იძლევა, საუკეთესო პირობებში კი - 12-14 ტონას. გეგუთის ყვითელი, ასევე ნორმალური აგროტექნიკის პირობებში 1 ჰექტარზე 7-8 ტონა სიმინდის მოსავალს იძლევა, აბაშის ყვითელი - 7-8 ტონას, აჯამეთის თეთრი -7-8 ტონას, პაპალაშვილის თეთრი (თეთრი და ყვითელი) - 12-14 ტონას და ა,შ. ყველა ამ ჯიშს სასურსათო დანიშნულება აქვს და მაღალი გემოვნური თვისებებით გამოირჩევა.
რაც შეეხება ქართულ ჰიბრიდებს, რომელზედაც სელექციონერი ზურაბ ჯინჯიხაძე მუშაობდა, ის ასევე რამდენიმე სახისაა და საკმაოდ მაღალი მოსავლიანობით გამოირჩევა. მაგალითად, ქართული ჰიბრიდებია წეროვანი-1. იგი ნორმალური აგროტექნიკის პირობებში 12-14 ტონა მოსავალს იძლევა, წეროვანი-2-იც ასევე 12-14-ტონიანია.
ამასთან, ქართული სათესლე სიმინდი 1 კილოგრამი 3 ლარი ღირს, ამერიკული - 17 ლარი. გარდა ამისა, 1 ჰექტარზე ჩვენი ჯიში რომ დათესო, 18 კილოგრამია საჭირო, ამერიკული - 22 კილოგრამი.
"ჰიბრიდული სიმინდის თესლს დადებითი თვისება ის აქვს, რომ მაღალმოსავლიანია, მაგრამ ცუდი ისაა, რომ მისი თესლად გამოყენება არ შეიძლება. ამიტომ ფერმერი თუ გლეხი ყოველ წელს, როდესაც სიმინდის დათესვას გადაწყვეტს, თესლი ისევ იმპორტიორიკომპანიისგან უნდა შეიძინოს,", - ამბობს ექსპერტი თამაზ კუნჭულია.
რეგისტრაცია!
