ბოლო წლებში სოფლის მუერნეობაში არსებულმა გაუსაძლისმა პირობებმა და წლევანდელმა ნაადრევმა ზამთარმა ქართველი გლეხი რთულ მდგომარეობაში ჩააყენა. გლეხები მასობრივად ვეღარ ახერხებენ პირუტყვის შენახვა-გამოკვებას, ამიტომ მათ დასაკვლავად იმეტებენ. საბოლოო ჯამში კი, მთელი ქვეყნის მასშტაბით შინაური ცხოველების რაოდენობა მცირდება. სოფლებში ძნელად შეხვდებით ოჯახს, რომელიც ორზე მეტ პირუტყვს ინახავს. მიზეზად გლეხები საქონლის მოვლა-შენახვასთან დაკავშირებული ხარჯების ზრდას ასახელებენ და ამბობენ, რომ შესაძლებლობა არ აქვთ.

კვერცხი, რომლის ფასი საერთაშორისო ბაზარზე - 1 ცალი 8-10 თეთრია - ადგილობრივ ბაზარზე 27-32 თეთრად იყიდება

"დღეს, ფაქტობრივად, ნულზეა დასული კვერცხის იმპორტი, და ეს იმიტომ, რომ ქვეყანაში ფუნქციონირებენ ქართული კომპანიები", - ირწმუნება საქართველოს პრემიერ-მინისტრი.

2011 წლის 10 თვეში საქართველოდან ექსპორტზე 137 ათასი სული ცხვარი გავიდა.

საქართველოს მთავრობამ თავისი უტოპიური გეგმებით ყველას თავი მოაბეზრა. განსაკუთრებით შემაწუხებელია მათი ყოველდღიური განცხადებები ჰიბრიდული სიმინდისა და ხორბლის მოსავალიანობის შესახებ.

სოფლის მეურნეობის სამინისტრო ირანში 1 ტონა სიმინდის 400 დოლარად გაყიდვას გეგმავს. ჩიკაგოს ბირჟაზე კი, რომლითაც ყველა იმპორტიორი ხელმძღვანელობს, 1 ტონა სიმინდი 240 დოლარი ღირს.

მსოფლიო ბაზარზე ბრინჯის ღირებულება 19 %-ით გაიზრდება, მას შემდეგ რაც სამხრეთ-აღმოსავლეთ აზიდან ბრინჯის გამოტანა შემცირდება. რაც თავის მხრივ წყალდიდობებს უკავშირდება. ბრინჯის გაძვირებას კი ანალიტიკოსები 2012 წლის აპრილიდან ელოდებიან.

ქართული ცხვრის საექსპორტო გეოგრაფია ფართოვდება.
სურსათის ეროვნული სააგენტოს ძალისხმევით, 2200 სული ცხვარი ექსპორტზე ისრაელში პირველად გადის.

აგვისტოს ბოლოდან კახეთში ,,რთველი 2011“ ოფიციალურად გაიხსნა. შტაბ-ბინა, რომელიც მოსავლის აღებასა და ჩაბარებას გაუწევს კოორდინაციას, ტრადიციულად, გურჯაანში, სასტუმრო ,,რებში“ განთავსდა.

"ჯი-ემ-სი ჯგუფის" ხილის გადამამუშავებელი კომპანია "ნარინჯი" კვლავ ფინანსური რესურსის ნაკლებობას განიცდის.

მთავრობის მიერ გაპიარებულმა ჰიბრიდულმა მოსავალმა კრახი განიცადა. გურიაში ამერიკული ჰიბრიდული სიმინდის თესლი თითქმის არსად არ ამოვიდა; სადაც ამოვიდა – არ გაიზარდა. გლეხები, რომლებიც მთავრობამ შემოსავლის გარეშე დატოვა, უკმაყოფილებას აღარ მალავენ. ჩვენთან საუბრისას ამბობენ, რომ ჰიბრიდული სიმინდის დათესვა აიძულეს და სხვადასხვა გზებით ხელშეკრულებებზე მოაწერინეს ხელი, რომლის თანახმადაც სიმინდის საფასური (1კგ – 14 ლარი) ნოემბრის ბოლომდე უნდა დაფარონ.

სომხეთის სოფლის მეურნეობის მინისტრ სერგო კარაპეტიანის განცხადებით, "სომხეთს შესაძლებლობა აქვს, საქართველოში ხილის, ბოსტნეულის და სოფლის მეურნეობის სხვა პროდუქციის ექპორტი განახორციელოს".

სიმინდის მოსავლის აღება კახეთიდან დაიწყო

კახეთში ჰიბრიდული ჯიშის სიმინდის მოსავლის აღება 30 აგვისტოდან დაიწყო.

ღვინის მწარმოებლები მიიჩნევენ, რომ წელს ყურძენის ჩასაბარებელი ფასი 40 თეთრს არ გადააჭარბებს. თუმცა როგორი იქნება, რთველის დაწყების შემდეგ ბაზარზე ყურძნის ფასი, ამის ზუსტი განსაზღვრა კომპანიებს უჭირთ.

მინისტრი კვეზერელი ირწმუნება, რომ წელს საქართველოში მოყვანილი ხორბალი მოხმარების 35%-ს დააკმაყოფილებს. 2010 წელს ”საქსტატის” ინფორმაციით სულ 48 ათასი ტონა ხორბალი მოვიდა. 35%-მდე რომ ავიდეს მოხმარებაში საქართველოში მოყვანილი ხორბლის წილი, ხორბლის მოსავალი 2011 ან 2012 წელს 336 ათასი ტონა ხორბალი უნდა მოვიყვანოთ. რა ციფრებიც არ უნდა ”დახატოს” ხელისუფლების დაკვეთით ”საქსტატმა”, ასეთი შედეგის რეალურობაში ვერც ერთ, საქმეში რამდენადმე ჩახედულ, ადამიანს ვერ დაარწმუნებს.

ოლღა ბებიასი არ იყოს, სად ნახა მაგ შეჩვენებულმა ქართული აგროპროდუქცია? თუ მიხო სვიმონიშვილის მიერ მოხარშულ ორიოდ ქილა მურაბას და `პავიდლოს~ არ მივიღებთ მხედველობაში, აგრარულ სექტორში აღარაფერი იქმნება. ჩვენ გვახსოვს მოსინგაპურეთა დევიზი - აგრარული სექტორი ჩამორჩენილობის მაჩვენებელია (ბენდუქიძე, ბოკერია და სხვანი).
და აი, ერთ მშვენიერ დღეს, სოფლის მეურნეობის მინისტრმა, ღირსების ორდენის კავალერმა, ბაკურ კვეზერელმა მოსახლეობას ქართული პროდუქციის მხარდაჭერისკენ მოუწოდა.

წლევანდელ საგაზაფხულო სეზონზე კვერცხი არ გაიაფებულა და ცხელ ამინდშიც 27-30 თეთრის ფარგლებში იყიდება. ქართულ ბაზარზე ყველაზე მაღალ მოთხოვნას ეროვნული წარმოების კვერცხი ინარჩუნებს. საქართველოში კვერცხის იმპორტი, ძირითადად, ირანიდან და თურქეთიდან ხორციელდება.

მზარდი ფასების პირობებში, სოფლად მოსახლე ქართველი უბრალოდ ვერ გადაიხდის და ვერ შეძლებს სასოფლო-სამეურნეო მიწის ყიდვას

ეკონომიკისა და მდგრადი განვითარების სამინისტროს პრივატიზების დეპარტამენტმა თავის ვებ-გვერდზე გამოაქვეყნა ინფორმაცია სასოფლო-სამეურნეო დანიშნულების მიწების პირვატიზაციის გააქტიურების შესახებ.

გენმოდიფიცირებული პროდუქციას საქართველოში, ევროპისგან განსხვავებით კანონმდებლობა არ არეგულირებს

სურსათის ხარისხი დღეს საქართველოში ერთ–ერთი მთავარი პრობლემაა. საქართველოს მოსახლეობამ არ იცის, რამდენად უვნებელია მისი ჯანმრთელობისთვის ის პროდუქტი, რომელსაც მოიხმარს. საკვებს, რომელსაც ვიღებთ, გენმოდიფიცირებულია ან გენმოდიფიცირებული ინგრედიენტებისგან შედგება. გმო პროდუქტები უკვე 20 წელია გამოჩნდა ბაზარზე და დღეს ძნელია იმის განსაზღვრა, თუ როგორ მოქმედებს ის ადამიანის ჯანმრთელობაზე.
გენმოდიფიცირებული საკვები მიიღება ხელოვნურად შექმნილი თესლებისგან, რომლებიც შეიცავენ თანამედროვე ბიოტექნოლოგიების გამოყენებით მიღებულ გენომს. ეს არის ლაბორატორიული გზით შეცვლილი მცენარის ან ცხოველის გენი.

რეკონსტრუქციისა და განვითარების ევროპული ბანკი (EBRD) პროექტის საქართველოს სოფლის მეურნეობის დაფინანსების შესაძლებლობა” ფარგლებში, აგრობიზნესის დაკრედიტებისთვის 40 მლნ ევროს გამოყოფის საკითხს განიხილავს.

საქართველოში სასათბურე მეურნეობები ნაკლებად არის განვითარებული. ამის მიზეზია გამოცდილებისა და ფინანსებთან ხელმისაწვდომობის არარსებობა. EPI-ს თვალსაზრისით სასათბურე მეურნეობა წარმოადგენს ეფექტიან მექანიზმს წარმადობის გასაზრდელად, მეტი სამუშაო ადგილების შესაქმნელად და მოგების მისაღებად სასოფლო-სამეურნეო დარგში. აღნიშნული სირთულეების აღმოფხვრის გზით EPI ხელს შეუწყობს სასათბურე მეურნეობების რაოდენობის ზრდას სრულიად საქართველოს მასშტაბით.

საქართველოში სოფლის მეურეობის მდგომარეობა წლიდან წლამდე უარესდება, რაზეც ამ სექტორის მთლიან შიდა პროდუქტში წილის კლებაც მიანიშნებს. თუ 2003 წელს სოფლის მეურნეობა საქართველოს მშპ-ს 30%-ს შეადგენდა, დღეს ეს მაჩვენებელი 8-10%-ის დონემდეა შემცირებული. ამასთან, სასოფლო-სამეურნეო პროდუქტების რეალიზაციიდან მიღებული შემოსავლების წილი ოჯახური მეურნეობების ფულად შემოსავლებში წლების მიხედვით მცირდება. 2005 წელს მან 10,6% შეადგინა; 2007 წელს 7,8%; 2008 წელს 6,7%; ხოლო 2009 წელს 6,0%.

ქართული ცხვრის საექსპორტო პოტენციალი ძალიან მაღალია და რიგიანად გამოყენების შემთხვევაში, ქვეყანას შესაძლოა დიდი მოგებაც კი მოუტანოს
უკვე რამდენიმე წელია, რაც საქართველო ქართული ცხვრის ექსპორტს ახორციელებს და მასზე წელსაც დიდ იმედებს ამყარებენ, მიუხედავად იმისა, რომ შარშანდელი ცხვრის ექსპორტი თითქმის განახევრდა. სოფლის მეურნეობის სამინისტროს ინფორმაციით, 2009 წელს ქვეყნიდან თუ 267 144 ცხვარი გაიყვანეს, 2010 წელს ეს მაჩვენებელი 40%-ით, 160 560 სულამდე შემცირდა. სოფლის მეურნეობის სპეციალისტთა თქმით, ცხვრის ექსპორტი წელსაც შეიძლება შემცირდეს, არაბულ ქვეყნებში მიმდინარე პოლიტიკური პროცესებიდან გამომდინარე. მათი თქმით, ამ ქვეყნებში თუ მდგომარეობა გამოსწორდა, ქართული ცხვრის მიმართ ინტერესი კიდევ გაიზრდება.

ქართული მიწები უცხოელებს რჩებათ

2004 წელს ეკონომიკის იდეოლოგმა კახა ბენდუქიძემ ბევრისთვის მიუღებელი ფრაზა გააჟღერა: "იყიდება ყველაფერი, სინდისის გარდა~. ბენდუქიძის ეს სლოგანი უკვე წლებია ჩვენი მთავრობის მთავარი გამოწვევაა. თუმცა, ექსპერტებმა ამ აზრს სხვანაირი და უფრო დამაჯერებელი ინტერპრეტაცია მისცეს: `ჩვენ პირველი სინდისი გავყიდეთ და შემდეგ სხვა დანარჩენი".
მას შემდეგ, რაც კახა ბენდუქიძემ გვაუწყა, რომ ყველაფერი უნდა გავყიდოთ, საქართველოში მართლაც ყველაფერი იყიდება. ხელისუფლება ინვესტორებს გამწარებული დაეძებს. ფულიანი უცხოელების საშოვნელად მთავრობის წევრები პირადად დადიან ქვეყნის საზღვრებს გარეთ.

ერთ-ერთი მნიშვნელოვანი მიზეზი, რომელიც ხელს უშლის საქართველოში სოფლის მეურნეობის განვითარებას

(საქართველოს საგადასახადო კოდექსი, მუხლი 168 )

საგადასახადო კოდექსში არსებულ ამ ფორმულირებას ხშირად იყენებენ იმის დემონსტრირებისთვის, რომ სოფლის მეურნეობას სერიოზული ხელშეწყობა აქვს საქართველოში ლიბერალური გადასახადების თვალსაზრისით.

”ამერიკული სიმინდის შემოტანა, რომელიც დიდი აღტაცებითა და სიხარულით ამცნეს მოსახლეობას, 30 მილიონი ლარი დაჯდა, თუმცა მოსახლეობა უკმაყოფილოა საქართველოში შემოტანილი ამერიკული სიმინდის გამო. ამის რამდენიმე მიზეზი არსებობს: ჯერ ერთი, აღნიშნული სიმინდის თესლი ძვირია. მეორეც, ეს სიმინდი თესლად არ გამოდგება და თუ გლეხი მომდევნო წელსაც გადაწყვეტს მის დათესვას, ისევ ახალი თესლი უნდა იყიდოს. გარდა ამისა, მას ძალზე დაბალი გენური თვისება ახასიათებს. დადებითი თვისება ისაა, რომ მაღალმოსავლიანია, მაგრამ მხოლოდ ეს არ კმარა.

სოფლის მოსახლეობას შეშის და ფიჩხის შეგროვება ურთულდება

გარემოს დაცვისა და ბუნებრივი რესურსების სამინისტროს დაშლა-დაქუცმაცებას შედეგად ის მოჰყვა, რომ სულ მოკლე ხანში ტყის კოდექსში ცვლილებები შევიდა და ჯარიმების ოდენობა გაორმაგდა. ამიერიდან ტყის უკანონოდ მჩეხავებს გამოჭერის შემთხვევაში დიდი დავიდარაბის გადატანა მოუწევთ. სამაგიეროდ, ვისაც ნაჯახი ~კანონიერად” აქვს მომარჯვებული, მისთვის ვადებიც ხანგრძილვდება და პირობებიც უმჯობესდება.
მას შემდეგ, რაც მთავრობამ გარემოს დაცვის სამინისტრო დაშალა, მისი ფუნქციების სხვადასხვა უწყებებისთვის გადანაწილებას ცდილობს. ამ რეფორმის ფარგლებში კი პირველი ის გააკეთა, რომ ტყით სარგებლობის ლიცენზიებით სარგებლობის ვადა გაზარდა. სამაგიეროდ, ვისაც ეს ლიცენზია არ გააჩნია და ისე მოიპოვებს ხე-ტყეს, მათთვის სანქციები გაამკაცრა.

გლეხები დაუმუშავებელი მიწების გამო მთავრობას ადანაშაულებენ

უამინდობამ ქართულ სოფლებს სერიოზული ზარალი მიაყენა. მდგომარეობას უფრო ართულებს სასოფლო-სამეურნეო ტექნიკის არქონა, ამას ემატება საწვავის სიძვირე, რის გამოც მიწების დამუშავება ყოველწლიურად მეტ პრობლემას ქმნის. გურჯაანის მუნიციპალიტეტში არსებული 19 ათასი ჰექტარი სახნავ-სათესი მიწებიდან მხოლოდ 2 500 ჰექტარია დამუშავებული. მოსახლეობა ამის მიზეზად საწვავის სიძვირეს ასახელებს.
რამდენიმე დღის წინ, პრეზიდენტი მიხეილ სააკაშვილი კახეთს ეწვია და მიწების საგაზაფხულო სამუშაოებით დაინტერესდა. მისი თქმით, საქართველოში დაუმუშავებელი მიწები არ უნდა იყოს, რადგან მცირემიწიანობის მიუხედავად, ქართული ნიადაგი უაღრესად ნაყოფიერია.