პურპროდუქტების და მეხორბლეთა ასოციაციები საქართველოში პურის გაძვირებას არ გამორიცხავენ. საერთაშორისო ბაზრებზე ხორბლის ღირებულებამ 10%–ით მოიმატა, რის მიზეზადაც ძირითად ექსპორტიორ ქვეყნებში მოსალოდნელი გვალვები სახელდება.

უმსხვილესი რუსული და უცხოური ბანკები საბერძნეთის ევროზონიდან გასვლის შესაძლო შედეგების პროგნოზებს ადგენენ. ექსპერტებს ერთი ტონალობა აქვთ - რუსეთი ცუდ მდგომარეობაში აღმოჩნდება.

“ალდაგი ბისიაი" ადასტურებს, რომ „იმედი ელის“ თითქმის 100%–იანი წილის მფლობელი გახდა.

კერძოდ, როგორც კომპანიაში აცხადებენ, მათი წილი „იმედი ელში“ 85-დან 98,5%-მდე გაზარდა. შეგახსენებთ: „ალდაგი ბისიამ" „იმედი ელის“ 85%–იანი წილი 8 მილიონ ლარად აპრილში იყიდა და განაცხადა, რომ დარჩენილ 15 პროცენტსაც გამოისყიდდნენ.

არავითარი 18%, დაქირავებულს საშემოსავლო გადასახადის სახით კვლავ 20% დაექვითება! აქედან, 18% პირდაპირ ბიუჯეტში წავა, ხოლო 2% ახლადშექმნილი და, სავარაუდოდ, გაურვეველი წარმომავლობის კომპანიების ფონდში შევა, რომელსაც დაზოგვის ანგარიში ერქმევა. დამზოგველი კი (იგივე დაქირავებული) თავის დანაზოგს მინიმუმ 15 წელი თვალით ვერ ნახავს; ხოლო რა მოხდება 15 წლის შემდეგ, ამას ვერც ერთი ჭკუათამყოფელი ადამიანი ვერ გეტყვით.

საქართველოს ეროვნული ბანკის მონეტარული პოლიტიკის კომიტეტმა, ოთხშაბათს გამართულ სხდომაზე მონეტარული პოლიტიკის განაკვეთის შემცირების გადაწყვეტილება მიიღო.
23 მაისიდან, კომიტეტის მომდევნო სხდომამდე, მონეტარული პოლიტიკის ძირითადი განაკვეთი 6% იქნება. დღემდე განაკვეთი 6,25%-ს შეადგენდა და მისი შემცირება 6,50%-დან 25 აპრილს მოხდა.

საქართველოში მოქმედ ბანკებს შორის, ბოლო ერთ წელიწადში აქტივების მოცულობა ყველაზე სწრაფად ,,ინვესტბანკს’’ გაეზრდა – რეიტინგი 2012 –2011 წლის პირველ კვარტალში დაფიქსირებული მონაცემების მიხედვით არის დათვლილი.

ინოვაციური პოტენციალის შეფასებით საქართველო 142 ქვეყანას შორის 118–ე პოზიციაზეა და გასულ წელთან შედარებით მდგომარეობა 7 საფეხურით აქვს გაუმჯობესებული – მონაცემები 2011-12 წლის „გლობალური კონკურენტუნარიანობის რეიტინგის“ (Global Competitiveness Index) ანგარიშშია შეფასებული.

„სილქნეტი“: ოპტიკური ტექნოლოგია იძლევა საშუალებას, მომხმარებელს მაღალი სიჩქარე მივაწოდოთ

„კავკასუს ონლაინმა“ ამბიციური განაცხადი გააკეთა: კომპანიის მტკიცებით, ის მომხმარებელს ახალ სტანდარტებს შესთავაზებს და ქართულ ბაზარზე ინტერნეტს ყველაზე მაღალი სიჩქარით მიაწვდის.

„კავკასუს ონლაინი მნიშვნელოვნად ზრდის ინტერნეტის სიჩქარეს საქართველოში, რაც თვისობრად შეცვლის ინტერნეტის მოხმარების არსებულ კულტურას,“ - აცხადებენ კომპანიაში.

ვაჟა ბერიძე: "თუ სააკაშვილი საკონსტიტუციო ცვლილებას ვეტოს არ დაადებს, საერთაშორისო და ქართული საზოგადოების თვალში ღირსეული ლიდერი ვერ იქნება"

პოლიტოლოგ ვაჟა ბერიძის შეფასებით, მიუხედავად საკმაოდ რთულ რუსულ ბიზნესში მოღვაწეობისა, ბიძინა ივანიშვილმა მაღალი ადამიანური ზნეობა შეინარჩუნა.

ასეთი შეფასება პოლიტოლოგმა ივანიშვილის მიერ გავრცელებული ღია წერილის შინაარსის შეფასებისას გააკეთა, რომლის თანახმად, ივანიშვილი სააკაშვილს მოუწოდებს, საკონსტიტუციო ცვლილებებს ხელი არ მოაწეროს და ორმაგი მოქალაქეობის მოთხოვნით მიმართავს.

გასულ წელს პრეზიდენტის დანაზოგი, დაახლოებით, 45 ათასი ლარით შემცირდა. თუმცა, მაინც მოახერხა, რომ ყვარელში მიწა ეყიდა და იქ სახლი აეშენებინა, დაახლოებით, 80 ათას ლარად. ამის შესახებ პრეზიდენტის 2012 წლის დეკლარაციაშია საუბარი, სადაც, როგორც წესი, საჯარო თანამდებობის პირების წინა წლის ფინანსური ანგარიშგება ფასდება.

პოლიტოლოგ ვაჟა ბერიძის განცხადებით, ჩიკაგოს სამიტისგან საქართველოს ახალი არაფერი მიუღია, აქამდე არსებული დაპირებების გარდა

როგორც „მედიანიუსთან" საუბრისას პოლიტოლოგმა აღნიშნა, ყველაზე საყურადღებო ამ სამიტზე ის იყო, რომ ხაზგასმით აღინიშნა, მომავალი არჩევნების დემოკრატიულ სტანდარტებთან შესაბამისობის აუცილებლობა.

„ჩიკაგოს სამიტის ფარგლებში ნატო–ს ასპირანტ ქვეყნებთან გამართულ შეხვედრაზე, აშშ–ს სახელმწიფო მდივნის ჰილარი კლინტონის განცხადება, რომ „მოახლოებული საპარლამენტო და საპრეზიდენტო არჩევნები დამატებითი შესაძლებლობაა საქართველოსთვის, აჩვენოს მსოფლიოს, თავისი ერთგულება დემოკრატიული ღირებულებების მიმართ“, მკაფიო მინიშნება იყო იმისა, რომ საქართველო–ნატო–ს ურთიერთობებში არჩევნების სამართლიანობის ხარისხი დიდ როლს ითამაშებს. და თან, არა მხოლოდ საქართველო–ნატოს ურთიერთობებში“,– აღნიშნა ვაჟა ბერიძემ.

საქართველოში ერთ-ერთი ყველაზე ძვირი კრედიტებია - ასეთ განცხადებას „ახალგაზრდა ფინანსისტთა და ბიზნესმენთა ასოციაციის“ (აფბა) წარმომადგენლები აკეთებენ. მათი თქმით, მიუხედავად იმისა, რომ საქართველოში 19 ბანკი ოპერირებს, რაც საქართველოსნაირი პატარა ქვეყნისთვის საკმაოდ ბევრია, მაინც, ამ სფეროში კონკურენცია ძალიან დაბალია.

ქეთა გაბიანი: "ღმერთმა დაიფაროს საქართველოში იყოს ის მდგომარეობა, რაც საბერძნეთშია"

რადიო "პალიტრის" (FM 103,9) თოქშოუ "პროვოკატორის" ეთერში "კოალიცია ევროპული საქართველოსთვის" წარმომადგენელმა ქეთა გაბიანმა ქვეყანაში მიმდინარე მოვლენებზე ისაუბრა.

გაბიანმა საქართველოში არსებული ვითარება ევროპის სხვა ქვეყნებს შეადარა. მისი განცხადებით, საქართველოში ბევრად უკეთესი მდგომარეობაა, ვიდრე საბერძნეთში.

აისახება თუ არა გაზრდილი სიჩქარე მომსახურების ფასში, ჯერჯერობით უცნობია


მენეჯმენტის ცნობით, მომხმარებელი ადგილობრივ ბაზარზე ინტერნეტს ყველაზე მაღალი სიჩქარით უპირობოდ მიიღებს.

ახალი პაკეტები 22 მაისს, 12:30-ზე „თბილისი მერიოტში" დაგეგმილ პრესკონფერენციაზე გახდება ცნობილი.

საქართველოში 2013 წლამდე ეკონომიკის ყველაზე მაღალ ზრდას პროგნოზირებს. კერძოდ, მომავალ წლამდე ეს ნიშნული 5,5% იქნება

ევროპის რეკონსტრუქციისა და განვითარების ბანკის ექსპერტების განცხადებით, სამხრეთ კავკასიის რეგიონში ყველაზე წარმატებულ ეკონომიკურ პოლიტიკას საქართველოს ხელისუფლება ახორციელებს. ამის შესახებ EBRD-ის მოხსენებაშია ნათქვამი.

„ქართუ" ბანკი სასესხო პორტფელის გაჯანსაღებას მისი დივერსიფიცირებით და ახალი სტრატეგიით ვარაუდობს. შეგახსენებთ: წლების განმავლობაში მომგებიანი ბანკი ივანიშვილის პოლიტიკურ ასპარეზზე გამოსვლის შემდეგ უკვე თვეებია ზარალზე გადის. ბანკში ამას ხელისუფლების მხრიდან სხვადასხვა მეთოდებით ზეწოლას უკავშირებენ.

უძლიერესი კომპანიებიც კი ვერ უძლებენ მსოფლიო ფინანსურ კრიზისს, ამ პერიოდში ყველაზე ძლიერი ამერიკული კომპანიებიც კი კოტრდებიან. მით უფრო, როცა კრიზისი თვითონ კომპანიის შიგნით მიმდინარეობს. ასეთ დროს, პირველ რიგში, გაკოტრების პირას მყოფი კომპანიები თანამშრომლებს ამცირებენ და ამის შესახებ ასობით თანამშრომლებს პირდაპირ უცხადებენ.

2012 წლის აპრილში ქვეყანაში შემოსული ფულადი გზავნილების ნაკადების მოცულობამ 112.6 მლნ აშშ დოლარი, ანუ 184.3 მლნ ლარი შეადგინა, რაც 6.8 მლნ აშშ დოლარით (8.1 მლნ ლარით), ანუ 6.4 პროცენტით მეტია 2011 წლის აპრილის ანალოგიურ მაჩვენებელზე.

ბანკი „ქართუ" სასესხო პორტფელის გაჯანსაღებას მისი დეივერსიფიცირებით ვარაუდობს

ბანკის მმართველის ნოდარ ჯავახიშვილის განცხადებით, ბანკმა მომხარებელს უკვე შესთავაზა იპოთეკური სესხი. ასევე აპირებს სოფლის მეურნეობის სფეროს, ენერგეტიკული სექტორის დაკრედიტებას, სამომხმარებლოს სესხების გაცემას.

30-აპრილი - 4 მაისის განმავლობაში, საფონდო ბაზრის ბრუნვამ 662 076 ლარი შეადგინა. თუმცა სავაჭრო სესიებზე დადებულ გარიგებეზე, მთლიანი ბრუნვის მხოლოდ 0,1% მოდის.

საქართველოს საფონდო ბირჟს სავაჭრო სესიებზე დადებულმა გარიგებების ღირებულება 1132 ლარია, ამ ფასად 64 601 ცალი აქცია გაიყიდა. მოთხოვნა ამჯერადაც „ლიბერთი ბანკის" (BANK) და „"კავკაზუს ენერჯი ენდ ინფრასტრაქჩას"(NRGY) ფასიან ქაღალდებზე დაფიქსირდა.

რეკონსტრუქციისა და განვითარების ევროპული ბანკი (EBRD) საქართველოს 140 მლნ ევროს საკრედიტო ხაზს გაუხსნის.

ამის შესახებ საქართველოს ეკონომიკისა და მდგრადი განვითარების მინისტრმა განაცხადა, რომელიც EBRD-ის ყოველწლიურ შეხვედრაში მონაწილეობს.

როგორც ვერა ქობალიამ აღნიშნა, ამ თანხიდან 40 მლნ ევრო სოფლის მეურნეობის განვითარებისკენ იქნება მიმართული, ხოლო 100 მლნ ენერგეტიკულ პროექტებს და ქვეყნის ფინანსურ სტაბილურობას მოხმარდება.

მსოფლიოში ნავთობის ფასები ბოლო ვაჭრობის შედეგად შემცირდა. ამის შესახებ "როიტერი" იუწყება . ლონდონში, InterContinental Exchange Futures-ზე Brent ტიპის ნავთობის ფასი ბარელზე 0,21 აშშ დოლარით შემცირდა და 107,28 აშშ დოლარი შეადგინა.

სამედიცინო დაზღვევის სექტორში მოზიდული პრემიის მიხედვით კომპანია ,,ალდაგი ბისიაი’’ ლიდერობს, კომპანიის მიერ მოზიდულმა პრემიამ 23,811 მლნ. ლარი შეადგინა. ანაზღაურებული ზარალის მოცულობა კი 6,6 მლნ. ლარს უტოლდება

სამედიცინო დაზღვევის სექტორში მოზიდულმა პრემიამ 2012 წლის პირველ კვარტალში 91.6 მლნ ლარი შეადგინა და სხვა დაზღვევის სახეობებს შორის ყველაზე მაღალი წილი, 70% უჭირავს. კომპანიების მიერ ანაზღაურებული ზარალის მოცულობა კი 45, 204 მლნ. ლარია.

სამედიცინო დაზღვევის სექტორში მოზიდული პრემიის მიხედვით კომპანია ,,ალდაგი ბისიაი’’ ლიდერობს, კომპანიის მიერ მოზიდულმა პრემიამ 23,811 მლნ. ლარი შეადგინა. ანაზღაურებული ზარალის მოცულობა კი 6,6 მლნ. ლარს უტოლდება.

საქართველოში მოქმედი ბანკებიდან ყველაზე უხარისხო სასესხო პორტფელი ,,კავკასიის განვითარების ბანკს’’ აქვს. ინფორმაცია გავრცელდა კომერციული ბანკების 2012 წლის პირველი კვარტალის ფინანსურ ანგარიშებზე დაყრდნობით.

2012 წლის პირველი კვარტალში ,,კავკასიის განვითარების ბანკის'' თბილისის ფილიალის მიერ გაცემული სესხების მოცულობამ 2,476 მლნ. ლარი შეადგინა, უმოქმედო სესხების წილი 69% –ს აღწევს. 2011 წლის პირველ კვარტალში ეს მაჩვენებელი 16,63%–ი იყო, გაცემული სესხები კი 1,562 მლნ. ლარი.

ბიძინა ივანიშვილმა დეველოპერული ბიზნესი მილიარდ დოლარად გაყიდა

ბიძინა ივანიშვილის რუსული აქტივების 90 პროცენტი გაყიდულია – ამის შესახებ როიტერი მილიარდერის აქტივების მმართველი კომპანიის, „უნიკორის" პრეზიდენტზე დაყრდნობით წერს. შეგახსენებთ, ივანიშვილის დეველოპერული ბიზნესი თითქმის მილიარდ დოლარად გაიყიდა, ხოლო ბანკი „როსიისკი კრედიტი" - 352 მილიონ დოლარად.

ახლახანს ცნობილი გახდა, რომ ბიზნეს ჯგუფმა БИН, ბიძინა ივანიშვილის დეველოპერული აქტივების შეძენის შესახებ შეთანხმებას მიაღწია. გარიგება, რომლის ღირებულებაც 982,5 მილიონი დოლარია, 2012 წლის 15 აგვისტომდე დასრულდება.

EBRD-ახალი პრეზიდენტი ბრიტანელი სუმა ჩაკრაბარტი (Suma Chakrabarti) ჰყავს – ინფორმაციას როიტერი ავრცელებს. ჩაკრაბარტი რომელმაც ტომასა მიროვი (Thomas Mirow) შეცვალა საფინანსო ორგანიზაციას მომავალი 4 წლის განმავლობაში უხელმძღვანელებს.
ამ დროსათვის ჩაკრაბარტი ბრიტანეთის იუსტიციის სამინისტროს მდივნის თანამდებობას იკავებს. ის პირველი ბრიტანელია, რომელიც EBRD–ის პრეზიდენტი გახდა.

საერთაშორისო ინსტიტუტები საბერძნეთის მიერ ევროზონის დატოვებისთვის ემზადებიან

„მოხმარების მაჩვენებლები და საინვესტიციო კლიმატი ქვეყანაში მკვეთრად გაუარესდება, უმუშევრობის დონე ახალ რეკორდებს მოხსნის. მოქალაქეების უმრავლესობა, რომელსაც ბანკებში დანაზოგები აქვს, ქონების დიდ ნაწილს დაკარგავს,“ - ასეთ პროგნოზს აკეთებს გერმანულ საქმიან გამოცემებთან ინტერვიუში გერმანელი პროფესორი ვოლფგან ფრანცი, რომლის თქმითაც, ასეთი სცენარის რეალიზაციის შემთხვევაში, საბერძნეთი უმძიმეს მდგომარეობაში აღმოჩნდება.

"საქართველო, ერთ მოსახლეზე მშპ-ს მოცულობის აბსოლუტური ზრდის მიუხედავად, ბოლო 5 წლის მანძილზე პერმანენტულად უკან იწევს მსოფლიო თანამეგობრობასთან მიმართებაში"


"საქართველოს განვითარების კვლევითმა ინსტიტუტმა" 9 მაისს კონფერენცია გამართა, სადაც წარმოდგენილი იყო "საქართველოს ეკონომიკის პრობლემები და განვითარების მიმართულებები” პრეზენტაცია. კონფერენციაზე პრეზენტაციები წარადგინეს ეკონომისტებმა, თემურ მურღულია, დავით ნარმანია და იოსებ არჩვაძე.
კონფერენციაზე განხილული იქნება საქართველოში არსებული ეკონომიკური პოლიტიკა და განვითარების პრობლემები, ფისკალური პოლიტიკა და საჯარო ფინანსების მართვის პრობლემები, ასევე სტატისტიკური აღრიცხვიანობის სუსტი მხარეები.
დოკუმენტის ავტორები მიიჩნევენ, რომ ქვეყანაში რიგ საკითხებში დაგროვილი ეკონომიკური პრობლემები არასწორი ეკონომიკური პოლიტიკის შედეგია. მათ მიერ შემუშავებულ დოკუმენტში მნიშვნელოვანი საკითხების გადაჭრის გზებია წარმოდგენილი.