სიკო გეგიაძე: საქართველოში დასვენება თანდათან პოპულარული ხდებაწელს თურქეთის კურორტებზე საქართველოდან შარშანდელთან შედარებით 20–30 პროცენტით ნაკლები დამსვენებელი გავიდა. ამის შესახებ commersant.ge–ს ტურისტული კომპანია „თრეველ ტურის“ დამფუძნებელმა სიკო გეგიაძემ განუცხადა. იგივე ტენდენციაზე საუბრობს „ენ ტურის“ გენერალური დირექტორი გიორგი შენგელია.
ტურისტების ნაკადის შემცირებას სააგენტოებში თურქეთის კურორტებზე დასვენების გაძვირებით ხსნიან. შარშანდელთან შედარებით იქ ფასები 10–15 პროცენტით არის გაზრდილი, რაც მსოფლიოში თურქეთისადმი მზადრმა ტურისტულმა ინტერესმა გამოიწვია. „თურქეთის კურორტებზე სასტუმროები მთელი სეზონი 99 პროცენტით იყო შევსებული. ევროპის ქვეყნები უპირატესობას სწიორედ თურქეთს ანიჭებენ, რადგან ბოლო ერთი წლის განმავლობაში ამ ქვეყანაში საგრძნობლად გაუმჯობესდა სერვისი და მეორე - ამინდი იქ პრაქტიკულად მთელი სეზონის განმავლობაში იდეალურია,“ – ამბობს სიკო გეგიაძე.
გიორგი შენგელია ასევე აცხადებს, რომ წელს თურქეთის კურორტები საგრძნობლად გაძვირდა და ქართველმა დამსვენებელმაც შესაძლოა ამის გამო შეიკავა თავი იქ გამგზავრებისგან. სიკო გეგიაძის თქმით კი, გასათვალისწინებელია ისიც, რომ საქართველოში დასვენება თანდათან პოპულარული ხდება, რადგან ჩვენი კურორტების დონეც თანდათან იწვეს.
რაც შეეხდება ბოლო დროს თურქეთში ტურისტთა მოწამვლის ფაქტებს, ქართველი ტუროპერატორების აზრით, ეს შემთხვევები თურქეთის სასტუმროების მომსახურების დაბალ დონეზე არ მიუთითებს, რადგან მსგავსი რამ ნებისმიერი ქვეყნის კურორტზე შეიძლება მოხდეს.
რეგისტრაცია!
