ბათუმში რამდენიმე ახალი სასტუმროს გახსნამ ქობულეთის ”ჯორჯია პალასს” სერიოზული საფრთხე შეუქმნა. ახალი სასტუმროები, რა თქმა უნდა, უფრო კონკურენტუნარიანები და მაღალი დონისანი არიან. ამიტომ, ”ჯორჯია პალასი” იძულებულია საშუალო მომხმარებლებზე გადავიდეს. თუმცა თემურ ჭყონია ცდილობს ეს საფრთხე ახლებური მიდგომებით აიცილოს თავიდან.
სასტუმროს დირეტქორის, ლელა წულუკიძის განცხადებით, სასტუმრო ამ სეზონზე შარშანდელთან შედარებით ორჯერ მეტ კლიენტს მოემსახურა. წულუკიძის ინფორმაციით, სტუმართა გაორმაგებული რაოდენობა სასტუმროს მენეჯმენტის ახალი, ექსკლუზიური მიდგომებით აიხსნება: „ჯორჯია პალასმა“ ექსკლუზიური ურთიერთობა დაამყარა ირანის ტურისტულ სააგენტოსთან, რაც გარანტირებულად უზრუნველყოფდა სასტუმროში დამსვენებლების მიღებას. გარდა ამისა, წელს მოთხოვნა იყო ქართველი დამსვენებლების მხროდანაც. სასტუმროს მეზობელი ქვეყნებიდან – აზერბაიჯანიდან და სომხეთიდანაც ჰყავდა სტუმარი, დიდი რაოდენობით მიიღეს დამსვენებელი უკრაინიდანაც.
სექტემბერ–ოქტომბერში სასტუმროში უკვე დაგეგმილია რამდენიმე კორპორატიული ღონისძიება და სექტებმერი ფაქტობრივად, წინასწარ დაჯავშნულია.
„ჯორჯია პალას ჰოტელი“ უკვე ემზადება ზამთრის სეზონისთვის. სასახალწლოდ იგეგმება საახლაწლო ღონისძიება.
„ჯორჯია პალასში“ სულ 156 ოთახია. 2–ადგილიანი ნომრის ფასი ორჯერადი კვებით 189 დოლარია, ხოლო ნომრის ფასი ზღვის ხედით 199 დოლარი ჯდება. 2–ადგილიანი ნომრით სარგებლობა 3–ჯერადი კვებით კი 249 დოლარი ღირს.
შეგახსენებთ: აჭარის კიდევ ერთი ელიტური სასტუმრო „შერატონი“ წელს კლიენტურის 30%-იან ზრდაზე საუბრობს.
რეგისტრაცია!
