ნანახია: 541

საქართველოს თვითდასაქმებულთა, ვაჭრობისა და ინდივიდუალური წარმოების სფეროში მომუშავეთა პროფესიული კავშირი საქართველოს პარლამენტში შეიტანს საკანონმდებლო წინადადებას, რაც გულისხმობს თვითდასაქმებულთათვის, ინდმეწარმეთა და მცირებრუნვიანი შ.პ.ს. –თათვის “საკასო აპარატების” დროებით გაუქმებას და ფიქსირებულ გადასახადებზე გადაყვანას. ინიციატივა შეეხება იმ საწარმოებს, რომალთა დღიური ბრუნვა 100 ლარს არ აღემატება.
ამ ინიციატივის შესახებ თვითდასაქმებულთა, ვაჭრობისა და ინდივიდუალური წარმოების სფეროში მომუშავეთა პროფესიული კავშირის თავმჯდომარემ, ზაზა აგლაძემ ჟურნალისტებს 8 ოქტომბერს გამართულ პრესკონფერენციაზე განუცხადა. მან იმედი გამოთქვა, რომ ამ წინადადებას პარლამენტში მხარს დაუჭერენ.
პრესკონფერენციაზე ზაზა აგლაძემ გარემოვაჭრეებზეც ისაუბრა: “მე არ ვემხრობი გარე ვაჭრობას, არსებობს უფრო ცივილიზებული გზა, რომ ბაზრობებში შევიდნენ და იქ ივაჭრონ. ისინი ხელს უშლიან თვითდასაქმებულებს.” მისი განცხადებით ამ ინიციატივის დამტკიცების შემთხვევაში გარე მოვაჭრეთათვის გაჩნდება მოტივაცია ბიზნესის გაოფიციალურებისათვის, რაც ბიუჯეტს გაცილებით მეტ თანხებს შემატებს.
თვითდასაქმებულთა, ვაჭრობისა და ინდივიდუალური წარმოების სფეროში მომუშავეთა პროფესიული კავშირი წინადადებას პარლამენტში მომავალ კვირას შეიტანს.