ნანახია: 1177

დღეს, 30 სექტემბერს, თბილისის მერიამ "ძველი თბილისის ახალი სოცოცხლის" კონკურსში გამარჯვებულები დაასახელა.
კონკურსი, რომელშიც მონაწილეობის სურვილი 11 სამშენებლო კომპანიამ გამოთქვა, მათ საკონკურსო წინადადებები 25 ლოტზე წარმოადგინეს.
პროექტის განხორციელების მიზნით თბილისის მერიაში კომისია შეიქმნა. კომისიის მერ დადგინდა პროექტის ბიუჯეტი 53 მლნ. ლარის ოდენობით და 1 კვადრატული მეტრი მიწის ფასი, რომელიც 750 დოლარით განისაზღვრა. კომისიამ შეისწავლა მნაშენეთა მიერ წარმოდგენილი დოკუმენტაცია და მზადყოფნა გამOთქვა დააფინანსოს პროექტში მონაწილე თერთმეტივე კომპანია. აქედან შვიდმა კომპანიამ დოკუმენტაცია სრულყოფილად წარმოადგინა და დაფინანსება უკვე მიიღო.
ესენია: "ეუბე ჯორჯია", "კალასი", "ოლიმპიური ვარსკვლავი", "აქსისი", "ბაგები სითი", შპს "ნიკე", შპს "არსი". რაც შეეხება დანარჩენ ოთხ კომპანიას: "ჯორჯიან ჰოუსს", "ტექს ჯგუფს", "თიფლის საქართველოს", "აკადემქალასა" და "ოქროს კვეთს" ისინი დაფინანსებას 10 დღის ვადაში სრულყოფილი დოკუმენტაციის წარმოდგენის შემთხვევაში მიიღებენ.
გამარჯვებულ პროექტებს დააფინანსებენ: "თიბისი ბანკი", "საქართველოს ბანკი", "ბანკი რესპუბლიკა" და "ბანკი ქართუ".
ორი წლის განმავლობაში 243 ოჯახი ახალ და კომფორტულ სახლებში გადავა საცხოვრებლად.
ეკონომიკური კრიზისის შედეგად შეჩერებული მშენებლობების გასაგრძელებლად, სამუშაო ადგილების შესანარჩუნებლად და ქალაქის ისტორიულ უბნებში არსებული ავარიული საბინაო ფონდის გასაუმჯობესებლად, თბილისის მერიამ ახალი პროექტი: "ძველი თბილისის ახალი სიცოცხლე" ივნისის თვეში წარმოადგინა.
გამოცხადდა
თბილისის მასშტაბით არსებული საბინაო ფონდის გასაუმჯობესებლად პროექტი "ძველი თბილისის ახალი სოცოცხლე" უახლოეს მომავალში ახალ კონკურსს გამოაცხადებს.