ნანახია: 992

საქართველოში წყლის ხარისხის გასაუმჯობესებლად და წყლის სექტორის ინფრასტრუქტურის განვითარებისთვის საქართველოს მთავრობა მნიშვნელოვან რეფორმებს ახორციელებს. დონორი ორგანიზაციების დახმარებით საქართველოში მოქმედი წყლის ხარისხი, რომელიც საგრძნობლად ჩამორჩება თანამედროვე სტანდარტებს, შეიცვლება ჯანდაცვის მსოფლიო ორგანიზაციის სტანდარტებით და გაუმჯობესდება წყალმომარაგების სისტემები. აღნიშნული რეფორმის ფარგლებში საქართველოს ეკონომიკური განვითარების სამინისტრომ განახორციელა სახელმწიფო საკუთრებაში არსებული წყალგამანაწილებელი კომპანიების კონსოლიდაცია და ერთ სტრუქტურად ჩამოყალიბება, რაც ხელს შეუწყობს მართვის გამარტივებას და ინვესტიციების მოზიდვას ამ სექტორში. ამ გაერთიანების შედეგად შეიქმნა ორი ახალი კომპანია - შპს "დასავლეთის წყალი" და შპს "აღმოსავლეთის წყალი".