ნანახია: 670

შინაგან საქმეთა სამინისტრომ ”გევიჟენს” ახალი კამერა გადასცა. ორდღიანი ძებნის შემდეგ ტელევიზიის კუთვნილი აპარატურა და ინციდენტის ამსახველი გადაღებული მასალა ვერ იპოვეს, თუმცა ”გევიჟენს” ორი დღის შემდეგ დაპირებული ახალი ვიდეოკამერა გადასცეს.
ქალაქის პოლიციის მთავარ სამმართველოსთან მომხდარი ინციდენტის გამო ინტერნეტ-ტელევიზიამ მაუწყებლობა 15 ივნისს შეწყვიტა. შინაგან საქმეთა სამინისტროს თანამშრომლებმა სამმართველოს შენობასთან ”გევიჟენის” ოპერატორს ჟურნალისტური მოვალეობის შესრულების დროს კამერა წაართვეს და დააპატიმრეს. საღამოსვე ყველა ტელეკომპანიას კუთნილი აპარატურა და კასეტები დაუბრუნდა, თუმცა შინაგან საქმეთა სამინისტროში ”გევიჟენის” ვიდეოკამერა ვერ იპოვეს. ინტერნეტ-ტელევიზია იძულებული გახდა მაუწყებლობა შეეჩერებინა, რადგან ეს ერთადერთი კამერა იყო, რომლითაც ჟურნალისტები მუშაობდნენ. ორდღიანი იძულებითი პაუზის შემდეგ Gevision.tv მაუწყებლობას განაახლებს და მუშაობას ჩვეულ რეჟიმში უკვე ხვალიდან განაგრძობს.