სადაზღვევო კომპანიამ „აისი ჯგუფი" ბაზარზე ახალი პროდუქტი გამოიტანა.
კომპანია ახალ პროდუქტს სტუდენტებს სთავაზობს. კომპანიის ცნობით, სტუდენტებისთვის განსაზღვრული ჯანმრთელობის დაზღვევის პოლისის ფასი თვეში 5 ლარია.
„პროდუქტი სტაციონარული, ამბულატორიული და პროფილაქტიკური სამედიცინო მომსახურებების დაფინანსების გარდა, მომხმარებელს ფასდაკლებების სისტემით სარგებლობასაც შესთავაზებს," - განმარტავენ კომპანიში.
„აისი სტუდენტური ბარათით" დაზღვეულები სხვადასხვა გასართობ ცენტრსა და მაღაზიებში 10-30%-იანი ფასდაკლებით ისარგებლებენ.
სადაზღვევო პროდუქტის პირობების თანახმად, სტუდენტები 100%-იანი „აი სი ასისტანსისა" და ოჯახის ექიმის ულიმიტო მომსახურებით ისარგებლებენ, გარდა ამისა, პროდუქტი 100%-ით აფინანსებს უბედური შემთხვევით გამოწვეული სტაციონარულ მომსახურებას (ლიმიტი 5000 ლარი), გადაუდებელ სტაციონარულ მომსახურებას - თანაგადახდა 60% (1000 ლარი), დანიშნული მედიკამენტების ღირებულების ანაზღაურებას (თანაგადახდა 10-15% - ულიმიტოდ) და სხვა.
სტუდენტური დაზღვევის პირველი ბარათები ივანე ჯავახიშვილის სახელობის თბილისის სახელმწიფო უნივერსიტეტის 6 წარჩინებულ სტუდენტს საჩუქრად გადაეცა.
რეგისტრაცია!
